മര്യാദയ്ക്ക് പൊക്കോ, മാനം മര്യാദയോടെ ജീവിക്കുന്നവരാണ് ഞങ്ങൾ – മഷൂറയെ പെണ്ണ് ചോദിച്ചു ചെന്നപ്പോൾ അവളുടെ വീട്ടുകാരുടെ പ്രതികരണം കേട്ടോ? പിന്നീട് ബഷീർ എങ്ങനെയാണ് വിവാഹത്തിന് സമ്മതിപ്പിച്ച് എടുത്തത് എന്ന് അറിയുമോ?

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് ബഷീർ ബഷി. ബിഗ് ബോസ് എന്ന പരിപാടിയിലൂടെ ആണ് താരം ശ്രദ്ധിക്കപ്പെടുന്നത്. അതിനുമുൻപും താരം മോഡലിംഗ് രംഗത്ത് സജീവമായിരുന്നു. ഇദ്ദേഹത്തിന് രണ്ട് ഭാര്യമാർ ആണ് ഉള്ളത്. സുഹാന എന്നാണ് മൂത്ത ഭാര്യയുടെ പേര്. ഈ ബന്ധത്തിൽ ഇദ്ദേഹത്തിന് രണ്ടു കുട്ടികൾ ഉണ്ട്. രണ്ടാമത്തെ ഭാര്യയുടെ പേര് മഷൂറ എന്നാണ്. മഷൂറ ഇപ്പോൾ ഗർഭിണിയാണ്. ഉടൻതന്നെ ഒരു കുഞ്ഞിനെ തങ്ങൾ പ്രതീക്ഷിക്കുന്നു എന്നാണ് കഴിഞ്ഞ വീഡിയോയിൽ എല്ലാവരും ഒരുമിച്ചു പറഞ്ഞത്.

സമൂഹമാധ്യമങ്ങളിൽ വളരെ സജീവമാണ് ഇവർ എല്ലാവരും തന്നെ. സ്വന്തമായി യൂട്യൂബ് ചാനൽ ഉണ്ട് ഇവർക്ക്. യൂട്യൂബ് ചാനൽ വഴി തങ്ങളുടെ പുതിയ വിശേഷങ്ങൾ എല്ലാം തന്നെ ഇവർ പുറത്തുവിടാറുണ്ട്. അതെല്ലാം തന്നെ ഇരുകൈയും നീട്ടിയാണ് ആരാധകർ സ്വീകരിക്കുന്നത്. കഴിഞ്ഞദിവസം ഫ്ലവേഴ്സ് ടിവിയിലെ ഒരു പരിപാടിയിൽ അതിഥിയായി ബഷീർ എത്തിയിരുന്നു. രണ്ടാം ഭാര്യ മഷൂറയെ പെണ്ണ് ചോദിച്ചു ചെന്നപ്പോൾ ഉണ്ടായ അനുഭവം ആണ് ഇദ്ദേഹം പരിപാടിയിൽ പങ്കുവെച്ചത്.

“ആദ്യ ഭാര്യ സുഹാനയുടെ സമ്മതത്തോടെ ആണ് രണ്ടാമത്തെ വിവാഹം കഴിക്കുന്നത്. ആദ്യമൊക്കെ ചെറിയ എതിർപ്പ് ഉണ്ടായിരുന്നു എങ്കിലും പിന്നീട് അവൾ സമ്മതം നൽകി. അങ്ങനെയാണ് പിന്നീട് മഷുറയുടെ വീട്ടിൽ ചെന്ന് പെണ്ണ് ചോദിക്കുന്നത്. മഷൂറയുടെ മുത്തശ്ശനോട് ആണ് ആദ്യം സംസാരിച്ചത്. കൊച്ചിക്കാരൻ ആണ് എന്നും കല്യാണം കഴിഞ്ഞ് രണ്ടു കുട്ടികൾ ഉണ്ട് എന്നുമായിരുന്നു പറഞ്ഞത്. എനിക്ക് നിങ്ങളുടെ പേരക്കുട്ടിയെ ഇഷ്ടമാണ് എന്നും അവൾ ഞാൻ ഇല്ലാതെ ജീവിക്കില്ല എന്നും പറഞ്ഞു. ഇതു പറഞ്ഞപ്പോൾ പുള്ളിക്കാരൻ ദേഷ്യപ്പെട്ടു. എന്നാൽ ഞാൻ വീണ്ടും പറഞ്ഞു ഞാൻ ഒന്നുമില്ലാത്തവൻ ആണ്, പക്ഷേ കുടുംബം നന്നായി നോക്കും, ആ കോൺഫിഡൻസ് ഉണ്ട് എന്നൊക്കെ” – ബഷീർ പറയുന്നു.

“ഈ മാസ് ഡയലോഗ് പറഞ്ഞിട്ടാണ് എൻറെ മുത്തശ്ശനെ മയക്കിയത്” – ഇതായിരുന്നു ബഷീർ ഇത്രയും പറഞ്ഞ ശേഷമുള്ള മഷുറയുടെ പ്രതികരണം. ഏകദേശം ഒന്നൊന്നര മണിക്കൂർ മഷുറയുടെ കുടുംബക്കാരുമായി സംസാരിച്ചു. പിറ്റേദിവസം വിവരമൊന്നും ഇല്ലാതായിരുന്നപ്പോൾ നേരെ വീട്ടിലേക്ക് പോയി നോക്കി ബഷീർ. കാറിൽ നിന്നും ഇറങ്ങുന്ന സമയത്ത് എല്ലാവരെയും അവിടെ കണ്ടു. “മര്യാദയ്ക്ക് പൊക്കോ നീ, മാനവും മര്യാദയോടയും ജീവിക്കുന്നവരാണ് ഞങ്ങൾ. വാപ്പ ഇത്രയും പറഞ്ഞു കേട്ടതോടെ ഞാൻ കാറിൻറെ അടുത്തേക്ക് പോയി. അവർ വിചാരിച്ചു ഞാൻ വലിയ രീതിയിൽ ബഹളം ഉണ്ടാക്കും എന്നൊക്കെ. പക്ഷേ അവർ പോകാൻ പറഞ്ഞിട്ടും ഞാൻ തിരികെ ചെന്നു. അവളുടെ വീട്ടുകാർക്ക് എന്നെ ഇഷ്ടമായി. പിറ്റേന്ന് വീട്ടുകാരെ മുഴുവൻ നേരിൽ കണ്ട് സംസാരിച്ചു” – ബഷീർ വ്യക്തമാക്കുന്നു.