ആ നടിയുടെ ഒപ്പം അഭിനയിക്കുവാൻ താല്പര്യമുണ്ട്, അവർക്ക് മെസ്സേജ് ഒക്കെ അയച്ചിട്ടുണ്ട് – കുഞ്ചാക്കോ ബോബൻ പറയുന്നത് കേട്ടോ? അത് അതിമോഹം അല്ലേ ചാക്കോച്ചാ എന്ന് മലയാളികൾ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് കുഞ്ചാക്കോ ബോബൻ. ഫാസിൽ മലയാള സിനിമയ്ക്ക് പരിചയപ്പെടുത്തിയ താരങ്ങളിൽ ഒരാളാണ് ഇദ്ദേഹം. അനിയത്തിപ്രാവ് എന്ന സിനിമയിലൂടെയാണ് കുഞ്ചാക്കോ ബോബൻ സിനിമയിൽ അരങ്ങേറുന്നത്. ചിത്രം വലിയ ഒരു വിജയം ആയിരുന്നു എന്നു മാത്രമല്ല ഇൻഡസ്ട്രി ഹിറ്റ് എന്ന സ്റ്റാറ്റസ് നേടുകയും ചെയ്തു. ആദ്യത്തെ സിനിമ തന്നെ ഇൻഡസ്ട്രി ഹിറ്റാക്കി മാറ്റിയ അപൂർവ്വം താരങ്ങളിൽ ഒരാളാണ് കുഞ്ചാക്കോ ബോബൻ.

അതേസമയം പിന്നീട് മലയാളത്തിലെ ചോക്ലേറ്റ് ഹീറോ എന്നായിരുന്നു താരം അറിയപ്പെട്ടിരുന്നത്. റൊമാൻസിന് പ്രാധാന്യം നൽകി ഒരുക്കിയ നിരവധി സിനിമകളിൽ താരം നായകനായി അഭിനയിച്ചു. എന്നാൽ ഇന്ന് ആ ഇമേജ് ബ്രേക്ക് ചെയ്യുവാനുള്ള പരിശ്രമത്തിലാണ് കുഞ്ചാക്കോ ബോബൻ. ചെയ്യുന്ന വേഷങ്ങളെല്ലാം തന്നെ ഒന്നിനൊന്നു മെച്ചമാണ് എന്ന് പറയാം. ഇപ്പോൾ രതീഷ് പൊതുവാൾ സംവിധാനം ചെയ്യുന്ന ന്നാ താൻ കേസ് കൊട് എന്ന സിനിമയിലാണ് താരം അടുത്തതായി പ്രത്യക്ഷപ്പെടുന്നത്. തന്റെ സിനിമ കരിയറിലെ വളരെ വ്യത്യസ്തമായ ഒരു സിനിമയും കഥാപാത്രവും ആണ് ഇത് എന്നാണ് കുഞ്ചാക്കോ ബോബൻ പറയുന്നത്.

അതേസമയം മലയാളത്തിലെ മുന്നിലെ നടിമാരുടെ ഒപ്പം എല്ലാം തന്നെ കുഞ്ചാക്കോ ബോബൻ അഭിനയിച്ചിട്ടുണ്ട്. എന്നാൽ തന്റെ ഇഷ്ടം നടി വിദ്യാബാലൻ ആണ് എന്നും അവരുടെ ഒപ്പം വർക്ക് ചെയ്യുവാൻ ആഗ്രഹമുണ്ട് എന്നുമാണ് കുഞ്ചാക്കോ ബോബൻ പറയുന്നത്. അവർക്ക് മെസ്സേജ് ഒക്കെ അയച്ചിട്ടുണ്ട് എന്നും കുഞ്ചാക്കോ ബോബൻ കൂട്ടിച്ചേർത്തു. ഇതുവരെ ഉറുമി എന്ന ഒരു മലയാളം സിനിമയിൽ മാത്രമാണ് വിദ്യാബാലൻ അഭിനയിച്ചിട്ടുള്ളത്. ഇതുകൂടാതെ കമൽ സംവിധാനം ചെയ്ത ആമി എന്ന സിനിമയിൽ ആദ്യമായി കാസ്റ്റ് ചെയ്തത് വിദ്യാബാലനെ ആയിരുന്നു എങ്കിലും പിന്നീട് ആ കഥാപാത്രത്തെ അവതരിപ്പിച്ചത് മഞ്ജു വാര്യർ ആയിരുന്നു.

ഇതുകൂടാതെ അൻവർ റഷീദ് എന്ന സംവിധായകനൊപ്പം പ്രവർത്തിക്കാൻ താല്പര്യമുണ്ട് എന്നും കുഞ്ചാക്കോ ബോബൻ കൂട്ടിച്ചേർത്തു. കേരള കഫെ എന്ന സിനിമയിലെ ബ്രിഡ്ജ് എന്ന ഷോർട്ട് ഫിലിം വളരെ മികച്ച രീതിയിലാണ് അൻവർ എടുത്തിരിക്കുന്നത് എന്നും കുഞ്ചാക്കോ ബോബൻ കൂട്ടിച്ചേർത്തു. ഹരികൃഷ്ണൻസ് എന്ന സിനിമയിൽ ജൂഹി ചൗളയുടെ ഒപ്പം ഇദ്ദേഹം പ്രവർത്തിച്ചിട്ടുണ്ട്. അവർ വളരെ കൂൾ ആയിട്ടുള്ള ഒരു വ്യക്തിയാണ് എന്നും വർഷങ്ങൾക്കുശേഷം അവരെ കണ്ടപ്പോൾ വീണ്ടും സൗഹൃദം പുതുക്കുവാൻ സാധിച്ചു എന്നുമാണ് കുഞ്ചാക്കോ ബോബൻ പറയുന്നത്. അതേസമയം കുഞ്ചാക്കോ ബോബൻ സിനിമയിൽ അരങ്ങേറിയ നായികമാരിൽ ഒരാളാണ് അസിൻ. പിന്നീട് ബോളിവുഡിലെ മുൻനിര താരങ്ങളിൽ ഒരാളായി മാറുകയും ചെയ്തു. ഇവരുമായി ഇപ്പോഴും സൗഹൃദം കാത്തുസൂക്ഷിക്കുന്നുണ്ട് എന്നും വല്ലപ്പോഴും എറണാകുളത്ത് വന്നാൽ കാണാറുണ്ട് എന്നൊക്കെയാണ് കുഞ്ചാക്കോ ബോബൻ പറയുന്നത്.