ഈ രോഗത്തിന് പ്രതിരോധമില്ല – എന്താണ് നടി കനകലതയുടെ മരണത്തിന് കാരണമായ പാർക്കിൻസൺസ് രോഗം? വിശദമായി വായിക്കാം

മലയാളികൾ ഏറെ ഞെട്ടലോടെ ആണ് ഇന്ന് നടി കനക ലതയുടെ മരണ വാർത്ത കേട്ടത്. ഏറെ നാളായി ഇവർ പാർക്കിൻ സൺസ് രോഗം ബാധിച്ചു കിടപ്പിലായിരുന്നു. ഇവരുടെ ഓർമ്മ ഉൾപ്പെടെയുള്ളവ നഷ്ടപ്പെട്ട അവസ്ഥയിലായിരുന്നു ഇവർ. ഇവരുടെ രോഗാവസ്ഥയെ കുറിച്ച് നേരത്തെ തന്നെ മാധ്യമങ്ങളിൽ വാർത്ത വന്നിരുന്നു. എങ്കിലും ഇത്ര ഗുരുതരമായ അവസ്ഥയായിരുന്നു ഇവർ എന്ന് അറിയില്ലായിരുന്നു. അതു കൊണ്ടു തന്നെ ഇവരുടെ മരണ വാർത്ത എല്ലാവർക്കും ഇപ്പോൾ ഒരു ഷോക്ക് ആയി മാറിയിരിക്കുകയാണ്. അതേ സമയം എന്താണ് ഇവരുടെ രോഗം എന്ന് അറിയുമോ? അതിനെക്കുറിച്ച് വിശദമായി വായിക്കാം.

പാർക്കിൻ സൺസ് രോഗം എന്നത് തലച്ചോറിലെ നാഡീ കോശങ്ങളെ ബാധിക്കുന്ന ഒരു പുരോഗമന നാഡീ വ്യവസ്ഥാ രോഗമാണ്. ഇത് ചലനം, സംസാരം, പോസ്ചർ എന്നിവയെ നിയന്ത്രിക്കുന്ന ഡോപ്പമിൻ എന്ന കെമിക്കൽ ഉത്പാദിപ്പിക്കുന്ന നാഡീ കോശങ്ങളുടെ നാശത്തിന് കാരണമാകുന്നു. ഈ രോഗത്തിന്റെ ലക്ഷണങ്ങൾ എന്നു പറയുന്നത് മന്ദഗതിയിലുള്ളതാണ്, കൂടാതെ കാലം കഴിയുംതോറും അത് കൂടുതൽ കഠിനമായി മാറുകയും ചെയ്യുന്നു.

ഈ രോഗത്തിന്റെ ലക്ഷണങ്ങൾ ഇവയാണ് – വിറയൽ: പ്രത്യേകിച്ച് വിശ്രമത്തിൽ ആയിരിക്കുമ്പോൾ, പേശികളുടെ സാവധാനത്തിനുള്ള ചലനം അല്ലെങ്കിൽ ദൃഢത, നടക്കുന്നതിലും സന്തുല് അവസ്ഥയിലും ബുദ്ധിമുട്ട്, കൈയ്യക്ഷരവും സംസാരവും ഭക്ഷണം കഴിക്കലും എന്നിവയിലെ മാറ്റങ്ങൾ, ഓർമ്മയെയും ചിന്തയെയും ഭാവനയെയും സ്വാധീനിക്കുന്ന തരത്തിലുള്ള മാറ്റങ്ങൾ.

ഈ രോഗത്തിന് പ്രതിരോധമില്ല. എന്നാൽ ഇവയുടെ ലക്ഷണങ്ങൾ ചികിത്സിക്കാൻ മരുന്നുകളും ശസ്ത്രക്രിയയും ഉൾപ്പെടെ നിരവധി ചികിത്സകൾ ഇന്ന് ലഭ്യമാണ്. ലക്ഷണങ്ങൾ നിയന്ത്രിക്കാൻ സഹായിക്കുമെങ്കിലും ശസ്ത്രക്രിയ ചില കാര്യങ്ങളിൽ കൂടുതൽ ഗുരുതരമായ ലക്ഷണങ്ങൾ മെച്ചപ്പെടുത്തുവാനും സഹായിക്കും.