ഞങ്ങളുടെ കാലത്ത് ആയിരുന്നെങ്കിൽ സരസുവിനെ ജീവനോടെ കുഴിച്ചു മൂടിയേനെ സംഘിണി – ആലത്തൂർ ബിജെപി സ്ഥാനാർഥി ടി എൻ സരസുവിനെതിരെ പരസ്യ വധഭീഷണി

ഈ ലോക്സഭാ തിരഞ്ഞെടുപ്പിൽ ആലത്തൂരിൽ നിന്നും മത്സരിച്ച ബിജെപി സ്ഥാനാർത്ഥിയാണ് ടി എൻ സരസു. പാലക്കാട് ഗവൺമെൻറ് വിക്ടോറിയ കോളേജിലെ മുൻ പ്രിൻസിപ്പൽ ആണ് ഇവർ. ഇടതു വിദ്യാർഥി സംഘടനയായ എസ്എഫ്ഐ ഇവർക്കെതിരെ വലിയ രീതിയിലുള്ള പ്രതിഷേധങ്ങൾ ഇവർ പ്രിൻസിപ്പാൾ ആയിരുന്ന കാലത്ത് നടത്തിയിരുന്നു. ഇതെല്ലാം തന്നെ വലിയ രീതിയിൽ മാധ്യമശ്രദ്ധയും നേടിയിരുന്നു.

2016 വർഷത്തിൽ ആയിരുന്നു ഇവർ ഗവൺമെൻറ് വിക്ടോറിയ കോളേജിൽ നിന്നും വിരമിച്ചത്. ഇവർക്ക് യാത്രയയപ്പ് ആയിട്ട് പ്രതീകാത്മകമായി ശവക്കുഴി ഒരുക്കുകയായിരുന്നു എസ്എഫ്ഐ ചെയ്തത്. ഇത് വലിയ രീതിയിൽ വിവാദമായി മാറിയിരുന്നു എങ്കിലും ഇടത് നേതാക്കൾ വലിയൊരു വിഭാഗവും തന്നെ ഇതിനെ അനുകൂലിച്ചുകൊണ്ട് രംഗത്തെത്തുകയായിരുന്നു. ഇപ്പോൾ ഇവരെ ജീവനോടെ കുഴിച്ചുമൂടും എന്ന ഒരു ഭീഷണിയാണ് സമൂഹമാധ്യമങ്ങളിൽ വന്നിരിക്കുന്നത്.

കഴിഞ്ഞദിവസം എസ്എഫ്ഐ സംസ്ഥാന സെക്രട്ടറിയായ പി എം ആർഷോ ഫേസ്ബുക്കിൽ ഒരു പോസ്റ്റ് നടത്തിയിരുന്നു. നവാഗതർക്ക് സ്വാഗതം എന്ന പോസ്റ്റായിരുന്നു ഇദ്ദേഹം നടത്തിയത്. പുതിയൊരു അദ്ധ്യായന വർഷം തുടങ്ങിയ പശ്ചാത്തലത്തിൽ ആയിരുന്നു ഇദ്ദേഹം ഈ പോസ്റ്റ് നടത്തിയത്. പലസ്തീൻ അനുകൂല നിലപാട് പ്രഖ്യാപിച്ചു കൊണ്ടായിരുന്നു ഇദ്ദേഹം ഈ പ്രഖ്യാപനം നടത്തിയത്. പോസ്റ്ററിൽ തണ്ണിമത്തൻ ചിന്നവും നൽകിയിരുന്നു. “അധിനിവേശത്തോടും വർഗീയതയോടും സന്ധിയില്ലാത്ത വിദ്യാർത്ഥിത്വം. നവാഗതർക്ക് സ്വാഗതം” – ഇതായിരുന്നു ക്യാപ്ഷൻ ആയി ആർഷോ നൽകിയത്.

ഇതിന് താഴെ ആയിരുന്നു രവീന്ദ്രനാഥ് പട്ടാഴി എന്ന വ്യക്തിയുടെ ഒരു കമന്റ് വന്നത്. “ജീവിച്ചിരിക്കുന്ന അധ്യാപകർക്ക് വേണ്ടി മാതൃകാ സ്മശാനം നിർമ്മിച്ചു മാതൃകയായവരല്ലേ” – ഇതായിരുന്നു കമൻ്റ്. ഇതിന് താഴെ ആയിരുന്നു സരസുവിനെതിരെ വധഭീഷണിയുമായി ഒരു വ്യക്തി എത്തിയത്. നൗഷാദ് അബാവ ബാവ എന്നാണ് ഇയാളുടെ ഫേസ്ബുക്ക് പേര്. “ഞങ്ങളുടെ കാലത്ത് ആയിരുന്നുവെങ്കിൽ സരസുവിനെ ജീവനോടെ കുഴിച്ചു മൂടിയേനെ സംഗിണി” – ഇതാണ് ഇയാളുടെ കമന്റ്.