മലയാളികളുടെ പ്രിയപ്പെട്ട സംവിധായകൻ അന്തരിച്ചു, ആദരാഞ്ജലികൾ അർപ്പിച്ചു പ്രേക്ഷകർ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് ചിരഞ്ജീവി. ഇതുവരെ ഇദ്ദേഹം ഒരു മലയാളം സിനിമയിൽ പോലും അഭിനയിച്ചിട്ടില്ല. എങ്കിലും ധാരാളം ആരാധകരെയാണ് ഇദ്ദേഹം കേരളത്തിൽ നിന്നും സ്വന്തമാക്കിയിട്ടുള്ളത്. ഇദ്ദേഹത്തിൻറെ തെലുങ്ക് സിനിമകൾ ഒരുകാലത്ത് മൊഴിമാറ്റം ചെയ്തുകൊണ്ട് കേരളത്തിലും എത്തിയിരുന്നു. ഇത് വലിയ രീതിയിൽ തരംഗം സൃഷ്ടിക്കുകയും ചെയ്തിരുന്നു.

ചിരഞ്ജീവിയുടെ ആദ്യത്തെ ചിത്രമായിരുന്നു പ്രണം ഖരീദി. ഈ സിനിമയിലൂടെ ശ്രദ്ധേയനായ സംവിധായകനാണ് കേ വാസു. ഇദ്ദേഹം ഇപ്പോൾ നമ്മളെ വിട്ടു പിരിഞ്ഞിരിക്കുകയാണ് എന്ന വാർത്തകളാണ് പുറത്തുവരുന്നത്. 72 വയസ്സ് ആയിരുന്നു ഇദ്ദേഹത്തിന്റെ പ്രായം.

വൃക്ക സംബന്ധമായ അസുഖങ്ങളെ തുടർന്നാണ് ഇദ്ദേഹം ഇപ്പോൾ നമ്മളെ വിട്ടു പിരിയുന്നത്. കിംസ് ആശുപത്രിയിൽ ഇദ്ദേഹം ചികിത്സയിൽ ആയിരുന്നു. ഇവിടെ വച്ച് തന്നെയാണ് ഇദ്ദേഹത്തിൻറെ മരണവും സംഭവിച്ചത്. ജോക്കർ മാമ സൂപ്പർ അല്ലുടു എന്ന സിനിമയും ഇദ്ദേഹം സംവിധാനം ചെയ്തിട്ടുണ്ട്. തെലുങ്കിലെ കോമഡി താരങ്ങളിൽ ഒരാളായ ബ്രഹ്മാനന്തം നായകനായി അഭിനയിച്ച ആദ്യ സിനിമകളിൽ ഒന്നുകൂടിയായിരുന്നു ഇത്.

തെലുങ്ക് സിനിമ വ്യവസായത്തിൽ അവിസ്മരണീയമായ ഒരു ചരിത്രം ആണ് ഇദ്ദേഹം എഴുതി ചേർത്തിട്ടുള്ളത്. ഇദ്ദേഹത്തിന്റെ മൃതദേഹം ശനിയാഴ്ച രാവിലെ ആശുപത്രിയിൽ നിന്നും ഫിലിം നഗറിലെ വസതിയിലേക്ക് കൊണ്ടുപോയി. തുടർന്ന് മഹാപ്രസ്ഥാനത്ത് ആയിരുന്നു അന്തിമ ചടങ്ങുകൾ നടന്നത്. മലയാളികൾ ഉൾപ്പെടെ ഇപ്പോൾ നിരവധി ആളുകൾ ആണ് ഇദ്ദേഹത്തിന് ആദരാഞ്ജലികൾ അർപ്പിച്ചുകൊണ്ട് രംഗത്തെത്തുന്നത്.