ആ ഡോക്ടർ ആണ് എൻ്റെ മകളെ പ്രലോഭിപ്പിച്ചു കൊണ്ട് പോയത് – കന്നട നടിയുടെ ദാരുണ മരണം, വിഷയത്തിൽ ഗുരുതര ആരോപണവുമായി പിതാവ്

കുറച്ചു നാളുകൾക്കു മുൻപ് ആയിരുന്നു കന്നട നടി ചേതന രാജ് അന്തരിച്ചത്. പ്ലാസ്റ്റിക് സർജറി തുടർന്ന് ആയിരുന്നു മരണം സംഭവിച്ചത്. ഇപ്പോൾ ഈ വിഷയത്തിൽ ഗുരുതര ആരോപണവുമായി എത്തിയിരിക്കുകയാണ് ഇവരുടെ പിതാവ്. പണത്തിനുവേണ്ടി മകളെ ക്ലിനിക്കിലെ ഒരു ഡോക്ടർ പ്രലോഭിപ്പിക്കുകയും ശസ്ത്രക്രിയയ്ക്ക് വിധേയമാക്കുകയും ചെയ്തു എന്നാണ് ഇവരുടെ അച്ഛൻ ഇപ്പോൾ ആരോപിക്കുന്നത്. രണ്ടു ദിവസങ്ങൾക്കു മുൻപ് ആയിരുന്നു ബംഗളുരു രാജാ നഗറിൽ ഉള്ള ഒരു കോസ്മെറ്റിക് സെൻ്ററിലെ ചികിത്സയെ തുടർന്ന് നടി മരിച്ചത്.

തടി കുറയ്ക്കാനുള്ള ശസ്ത്രക്രിയ ആയിരുന്നു ഇവർ ചെയ്തത്. ഇതിനുശേഷം ശ്വാസകോശത്തിൽ വെള്ളം കെട്ടി നിൽക്കുകയായിരുന്നു. ഇതിനെ തുടർന്ന് ആയിരുന്നു നടിയുടെ ആരോഗ്യനില വഷളായത്. ഗുരുതരമായ ശ്വാസംമുട്ട് ആയിരുന്നു അനുഭവപ്പെട്ടത്. സുഹൃത്തുക്കൾ എല്ലാവരും താരത്തെ മറ്റൊരു ആശുപത്രിയിലേക്ക് മാറ്റുകയായിരുന്നു. എങ്കിലും ഇവരുടെ ജീവൻ രക്ഷിക്കുവാൻ സാധിച്ചില്ല.

സംഭവം നടന്ന് ക്ലിനിക്കിന് ലൈസൻസ് ഇല്ല എന്നാണ് നടിയുടെ അച്ഛൻ വരദരാജ് പറയുന്നത്. അങ്ങനെയെങ്കിൽ അവർക്ക് എങ്ങനെയാണ് പ്രവർത്തിക്കുവാൻ അനുമതി ലഭിച്ചത് എന്നാണ് പിതാവ് ചോദിക്കുന്നത്. ഇവിടെ പ്രവർത്തിക്കുന്ന ഒരു ഡോക്ടറാണ് മകളെ പ്രലോഭിപ്പിച്ചു ശസ്ത്രക്രിയയ്ക്ക് വിധേയയാക്കിയത് എന്നാണ് പിതാവ് ആരോപിക്കുന്നത്. ഇത് കൊലപാതകത്തിനു തുല്യമാണ് എന്നും പിതാവ് ആരോപിക്കുന്നു.

ഇനി ആർക്കും ഇത്തരത്തിലൊരു അവസ്ഥ ഉണ്ടാവരുത് എന്നും മകളുടെ സുഹൃത്തുക്കളാണ് ശസ്ത്രക്രിയക്ക് വേണ്ടി ഒപ്പിട്ട് നൽകിയത് എന്നും ഞങ്ങളെ ഈ കാര്യം ഒന്നും അറിയിച്ചിരുന്നില്ല എന്നുമാണ് പിതാവ് ഇപ്പോൾ ആരോപിക്കുന്നത്. എന്തായാലും നിരവധി മലയാളികളാണ് ഇപ്പോൾ താരത്തിന് ആദരാഞ്ജലികൾ അർപ്പിച്ചുകൊണ്ട് രംഗത്തെത്തുന്നത്. എന്തും സഹിക്കുവാനുള്ള മനോധൈര്യം പിതാവിന് ദൈവം നൽകട്ടെ എന്നാണ് മലയാളികൾ പറയുന്നത്. അതേസമയം കുറ്റക്കാർക്കെതിരെ കർശനമായ നടപടി വേണമെന്നും മലയാളികൾ ആവശ്യപ്പെടുന്നു.