എല്ലാവരും താഴ്ത്തി കെട്ടാൻ ശ്രമിച്ചപ്പോൾ പ്രിയ വാര്യർ താണില്ല, അതിനുള്ള കാരണം അറിയുമോ? എല്ലാ പെൺകുട്ടികളും ഇതുപോലെ ആയിരിക്കണം എന്ന് പ്രേക്ഷകർ

2019-ൽ ഇറങ്ങിയ സിനിമയായ ഒരു അഡാർ ലൗ വിലെ ഉസ്താദ് പി.എം.എ. ജബ്ബാർ രചിച്ച മാണിക്യമലരായ പൂവി എന്ന ഗാനത്തിലെ പുരികം കൊണ്ടും കണ്ണു കൊണ്ടും ഉള്ള അഭിനയത്തിലൂടെ പ്രസിദ്ധയായ ഒരു മലയാള നടിയാണ് പ്രിയ പ്രകാശ് വാര്യർ. ഏതാനും മണിക്കൂറുകൾക്കുള്ളിൽ ഇന്ത്യയിൽ ഗൂഗിളിൽ ഏറ്റവുമധികം പേർ തിരഞ്ഞ വ്യക്തിയാണ് അവർ. മലയാളത്തിൽ ഏറ്റവും കൂടുതൽ ട്രോളുകളിൽ ഇടം പിടിച്ച നടിയും പ്രിയ വാര്യർ തന്നെയാണ്.

അഡാര്‍ ലൗവിലെ പാട്ട് ഹിറ്റായതിനു ശേഷം ഒരുപാട് ട്രോളുകള്‍ വന്നിരുന്നു. എല്ലാവരും കൂടി താഴ്ത്തിക്കെട്ടിയോന്ന് ചോദിച്ചാല്‍ താഴാന്‍ വേണ്ടി താന്‍ പൊങ്ങിയിട്ടില്ലായിരുന്നു.ആ സമയത്ത് താന്‍ അത്രയൊന്നും വലുതായിട്ടില്ല. ഹൈപ്പ് കിട്ടി നില്‍ക്കുന്ന സമയത്താണെങ്കിലും പുറത്ത് നില്‍ക്കുന്ന ആളുകള്‍ക്കാണ് അവള്‍ ഒരു സെലിബ്രിറ്റി ആയെന്ന് തോന്നിയത്. എന്നാണ് നടി ഇപ്പോൾ പോസ്റ്റ് ചെയ്തിരിക്കുന്നത്.

അപ്പോഴും താന്‍ വളരെ സാധാരണ രീതിയില്‍ എന്‍റെ കാര്യങ്ങള്‍ നോക്കി മുന്നോട്ട് പോയി കൊണ്ടിരിക്കുകയായിരുന്നു. ഇതൊരു അവസരമാണെന്നും നല്ലൊരു തുടക്കം ലഭിച്ചുവെന്നും പറയാം. ഇവിടെ നിന്നും അതിനെ എങ്ങനെ ഉപയോഗിക്കാം എന്നതിനെ കുറിച്ച്‌ മാത്രമേ ആ സമയത്ത് നമ്മള്‍ ചിന്തിച്ചിരുന്നുള്ളു. താന്‍ ഭയങ്കരമായി വിജയിച്ചു, എനിക്ക് ഭയങ്കര പ്രശസ്തിയായി എന്നൊന്നും തനിക്ക് തോന്നിയിട്ടേയില്ല. അതുകൊണ്ട് തന്നെ എല്ലാവരും കൂടി വലിച്ച്‌ താഴയിട്ടപ്പോഴും അതും തന്നെ കാര്യമായി ബാധിച്ചില്ല എന്നും അവർ കൂട്ടിച്ചേർക്കുന്നു.

നിരവധി ആളുകൾ ആണ് ഇപ്പോൾ ഇവരെ അഭിനന്ദിച്ചുകൊണ്ട് രംഗത്ത് വന്നത്. പെൺകുട്ടികളായാൽ ഇങ്ങനെ വേണം എന്നും നിങ്ങൾ നിരവധി പെൺകുട്ടികൾക്ക് മാതൃകയാണ് എന്നുമാണ് മലയാളികൾ പറയുന്നത്. ഇതുപോലെയാണ് പെൺകുട്ടികൾ ഓരോ കാര്യത്തിനും അവരവർക്ക് വേണ്ടി വാദിക്കേണ്ടത് എന്നും ഇങ്ങനെയാണ് വിമർശനങ്ങളെ പ്രതിരോധിക്കേണ്ടത് എന്നുമാണ് ഇപ്പോൾ പ്രിയ ആരാധകർ പറയുന്നത്.