നടൻ ശരത് കുമാറിനെതിരെ കോടതിയെ സമീപിച്ച് ധനുഷിന്റെ അമ്മ വിജയലക്ഷ്മി

മലയാളികൾക്ക് അടക്കം സുപരിചിതനായ താരങ്ങളിൽ ഒരാളാണ് ശരത്കുമാർ. നിരവധി മലയാളം സിനിമകളിൽ ഇദ്ദേഹം പ്രത്യക്ഷപ്പെട്ടിട്ടുണ്ട്. നടൻ എന്ന നിലയിലും രാഷ്ട്രീയ നേതാവ് എന്ന നിലയിലും ഇദ്ദേഹം പ്രശസ്തനാണ്. ഇപ്പോൾ ഇദ്ദേഹത്തിനെതിരെ മദ്രാസ് ഹൈക്കോടതിയെ സമീപിച്ചിരിക്കുകയാണ് ഒരു സ്ത്രീ. വിജയലക്ഷ്മി എന്നാണ് ഇവരുടെ പേര്. ഇവർ ആരാണെന്ന് അറിയുമോ? സിനിമാതാരം ധനുഷിന്റെ അമ്മയാണ് ഇവർ. എന്തിനാണ് ഇവർ ഹൈക്കോടതിയെ സമീപിച്ചത് എന്നറിയുമോ?

ചെന്നൈ ത്യാഗരാജ നഗർ രാജമാന്നാർ തെരുവിലെ അപ്പാർട്ട്മെന്റിൽ ആണ് ധനുഷിന്റെ മാതാപിതാക്കൾ താമസിക്കുന്നത്. ഇവിടുത്തെ മുഴുവൻ താമസക്കാർക്കും പൊതുവായി ഉപയോഗിക്കുവാൻ മുകളിൽ ഒരു സ്ഥലം നൽകിയിട്ടുണ്ട്. എന്നാൽ ഇത് ശരത് കുമാർ കൈവശം വെച്ചിരിക്കുകയാണ് എന്നാണ് ഇവർ പരാതിയിൽ പറയുന്നത്. കൈവശം വെച്ചിരിക്കുക മാത്രമല്ല അത് വാങ്ങിച്ച് ആവശ്യങ്ങൾക്ക് വേണ്ടി ഉപയോഗിക്കുകയും ചെയ്യുന്നു എന്ന് പരാതിയിൽ പറയുന്നുണ്ട്.

വിജയലക്ഷ്മി നേരത്തെ തന്നെ ഈ കാര്യങ്ങൾ ചൂണ്ടിക്കാണിച്ചുകൊണ്ട് ചെന്നൈ കോർപ്പറേഷനിൽ ഒരു പരാതി നൽകിയിരുന്നു. വിജയലക്ഷ്മി മാത്രമല്ല, അപ്പാർട്ട്മെന്റിലെ വേറെ ചിലരും ഇത്തരത്തിൽ പരാതി നൽകിയിരുന്നു. എന്നാൽ കോർപ്പറേഷൻ ഈ കാര്യത്തിൽ നടപടികൾ ഒന്നും തന്നെ സ്വീകരിച്ചില്ല. ഇതിനുശേഷമാണ് ഇവർ ഹൈക്കോടതിയെ സമീപിക്കുവാൻ തീരുമാനിച്ചത്.

കോടതി ബുധനാഴ്ച കേസ് പരിശോധിച്ചു. ശരത് കുമാറിനോടും ചെന്നൈ കോർപ്പറേഷനോടും അവരുടെ ഭാഗം അറിയിക്കുവാൻ ആവശ്യം നൽകിയിട്ടുണ്ട് ഇപ്പോൾ. അതേസമയം രണ്ട് വലിയ താരങ്ങൾക്കിടയിൽ നടക്കുന്ന ഒരു നിയമ പോരാട്ടം ആയിട്ടാണ് ഇത് സിനിമാലോകത്ത് വലിയ രീതിയിൽ ചർച്ച ചെയ്യപ്പെടുന്നത്. എന്നാൽ ഇത് അങ്ങനെയൊന്നും വായിക്കേണ്ടതില്ല എന്നും ഒരു അപ്പാർട്ട്മെന്റിലെ കുറച്ച് അന്തേവാസികൾ തമ്മിലുള്ള പ്രശ്നമായി മാത്രമേ ഇതിനെ കാണാൻ സാധിക്കുകയുള്ളൂ എന്നുമാണ് മറ്റു ചിലർ പറയുന്നത്.