കമൽഹാസൻ, ഫഹദ് ഫാസിൽ, വിജയ് സേതുപതി – ഇവർക്ക് പുറമേ വിക്രം സിനിമയിൽ അമിതാബ് ബച്ചനും!

തമിഴിലെ മുൻനിര സംവിധായകരിൽ ഒരാളാണ് ലോകേഷ് കനകരാജ്. മാനഗരം എന്ന സിനിമയിലൂടെ ആണ് ഇദ്ദേഹം ശ്രദ്ധിക്കപ്പെടുന്നത്. ഒരു ലോ ബഡ്ജറ്റ് ചിത്രമായിരുന്നു ഇത്. ചെറിയ താരങ്ങളായിരുന്നു ഈ സിനിമയിൽ അഭിനയിച്ചത്. എങ്കിലും ചിത്രം ഒരു സൂപ്പർ ഹിറ്റായി മാറുകയും ചെയ്തു. ഇതിനുശേഷം കൈതി എന്ന സിനിമ ആയിരുന്നു ഇദ്ദേഹം ഒരുക്കിയത്. കാർത്തി ആയിരുന്നു ഈ സിനിമയിലെ നായകൻ ആയി എത്തിയത്. ചിത്രം വളരെ വലിയ ഒരു സൂപ്പർഹിറ്റ് ആയി മാറുകയും ചെയ്തു. ഇതിനുശേഷം വിജയ് കേന്ദ്രകഥാപാത്രത്തെ അവതരിപ്പിച്ച മാസ്റ്റർ എന്ന സിനിമ ആയിരുന്നു ലോകേഷ് സംവിധാനം ചെയ്തത്. വിജയ് സേതുപതി ആയിരുന്നു ചിത്രത്തിൽ മറ്റൊരു കേന്ദ്ര കഥാപാത്രത്തെ അവതരിപ്പിച്ചത്.

ഇപ്പോൾ വിക്രം എന്ന സിനിമ ആണ് ലോകേഷ് സംവിധാനം ചെയ്യുന്നത്. കമൽ ഹാസൻ എന്ന ചിത്രത്തിലെ കേന്ദ്രകഥാപാത്രത്തെ അവതരിപ്പിച്ചുകൊണ്ട് രംഗത്തെത്തുന്നത്. ചിത്രത്തിൽ മറ്റൊരു കേന്ദ്ര കഥാപാത്രമായി മലയാളികളുടെ പ്രിയപ്പെട്ട ഫഹദ് ഫാസിൽ എത്തുന്നുണ്ട്. അതേസമയം വിജയ് സേതുപതിയും ഈ ചിത്രത്തിൽ മറ്റൊരു പ്രധാനപ്പെട്ട കഥാപാത്രമായി എത്തുന്നുണ്ട്. ഇപ്പോൾ വളരെ പ്രധാനപ്പെട്ട ഒരു വാർത്തയാണ് പുറത്തുവരുന്നത്. മറ്റൊരു സൂപ്പർതാരം കൂടി സിനിമയിൽ ഗസ്റ്റ് അപ്പിയറൻസ് നടത്തുന്നുണ്ടെന്നാണ് റിപ്പോർട്ടുകൾ.

അമിതാഭ് ബച്ചനാണ് സിനിമയിൽ ഒരു കേന്ദ്രകഥാപാത്രത്തെ അവതരിപ്പിക്കുന്നത് എന്നാണ് സൂചനകൾ. എന്നാൽ ഒരു അതിഥി വേഷത്തിൽ മാത്രമാണ് ഇദ്ദേഹം എത്തുന്നത്. വളരെ പ്രധാനപ്പെട്ട ഒരു വേഷമായിരിക്കും ഇത് എന്നാണ് അറിയാൻ സാധിക്കുന്നത്. ഒറ്റ ദിവസം കൊണ്ടാണ് അമിതാബച്ചൻ ഉൾപ്പെടുന്ന രംഗങ്ങൾ ചിത്രീകരിച്ചു കഴിഞ്ഞത്. ഇത്രയും ദിവസം ഈ വാർത്ത ഇവർ ഒരു രഹസ്യമാക്കി സൂക്ഷിക്കുകയായിരുന്നു. എന്നാൽ പിന്നീട് ഈ വാർത്ത ലീക്ക് ആയതോടെ അണിയറ പ്രവർത്തകർ തന്നെ വാർത്ത സ്ഥിരീകരിക്കുകയായിരുന്നു.

നിരവധി ആളുകളാണ് ഇപ്പോൾ ലോകേഷ് കനകരാജിനെ അഭിനന്ദിച്ചുകൊണ്ട് രംഗത്തെത്തുന്നത്. ഇത്രയും ചെറിയ പ്രായത്തിൽ തന്നെ ഇത്രയും വലിയ സൂപ്പർതാരങ്ങൾക്കൊപ്പം പ്രവർത്തിക്കാൻ സാധിച്ചതിൽ വലിയ ഭാഗ്യം ചെയ്തിട്ടുണ്ട് ലോകേഷ് എന്നാണ് ആരാധകർ പറയുന്നത്. അതേസമയം ലോകേഷ് സംവിധാനം ചെയ്യുന്ന അടുത്ത ചിത്രത്തിൽ വിജയ് ആയിരിക്കും നായകൻ എന്നാണ് റിപ്പോർട്ടുകൾ സൂചിപ്പിക്കുന്നത്. ദളപതി 67 എന്നാണ് സിനിമയ്ക്ക് താൽക്കാലികമായി പേര് നൽകിയിരിക്കുന്നത്.