അനശ്വര രാജൻ ബോളിവുഡിലേക്ക്, എത്തുന്നത് ഒരു മലയാളം സിനിമയുടെ ഹിന്ദി റീമേക്കിൽ

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് അനശ്വര രാജൻ. ഉദാഹരണം സുജാത എന്ന സിനിമയിലൂടെ ആണ് താരം അരങ്ങേറ്റം നടത്തുന്നത്. മഞ്ജുവാര്യർ ആയിരുന്നു ഈ സിനിമയിലെ കേന്ദ്ര കഥാപാത്രത്തെ അവതരിപ്പിച്ചത്. മഞ്ജു വാര്യരുടെ ഒപ്പം വളരെ മികച്ച പ്രകടനം ആയിരുന്നു പുതുമുഖക്കാരി ആയിരുന്നിട്ട് കൂടി അനശ്വര കാഴ്ചവച്ചത്. ഈ സിനിമയിലെ പ്രകടനം ഏറെ നിരൂപക പ്രശംസ നേടുകയും അവാർഡുകൾ കരസ്ഥമാക്കുകയും ചെയ്തു.

ഇന്ന് മലയാളത്തിലെ മുൻനിര യുവനായികമാരിൽ ഒരാളാണ് അനശ്വര. നായിക പ്രാധാന്യമുള്ള ധാരാളം സിനിമകളിൽ ആണ് താരം ഇതിനോടകം അഭിനയിച്ചു കഴിഞ്ഞത്. വളരെ മികച്ച പ്രകടനമായിരുന്നു താരം ഓരോ സിനിമയിലും കാഴ്ചവെച്ചത്. മൈക്ക് എന്ന സിനിമയിലാണ് താരം അവസാനമായി പ്രത്യക്ഷപ്പെട്ടത്. ഈ സിനിമ ഒരേസമയം തിയേറ്റർ വിജയം നേടുകയും നിരൂപക പ്രശംസ നേടുകയും ചെയ്തു. ഇപ്പോൾ അനശ്വര ആരാധകർക്ക് മറ്റൊരു സന്തോഷവാർത്തയാണ് വരുന്നത്.

അനശ്വര രാജൻ ബോളിവുഡിലേക്ക് കടക്കുകയാണ് എന്ന് വാർത്തകളാണ് ഇപ്പോൾ പുറത്തുവരുന്നത്. യാരിയാൻ 2 എന്നാണ് സിനിമയുടെ പേര്. അനശ്വരയുടെ ഒപ്പം പ്രിയ വാര്യരും സിനിമയിൽ ഒരു കേന്ദ്ര കഥാപാത്രത്തെ അവതരിപ്പിക്കുന്നുണ്ട് എന്നാണ് റിപ്പോർട്ടുകൾ സൂചിപ്പിക്കുന്നത്. ഇവരോടൊപ്പം മീസാൻ ജാഫറി, യാഷ് ദാസ് ഗുപ്ത എന്നിവരാണ് സിനിമയിലെ മറ്റു കേന്ദ്ര കഥാപാത്രങ്ങളെ അവതരിപ്പിക്കുന്നത്.

ഒരു മലയാളം സിനിമയുടെ റീമേക്ക് ആണ് ഇത് എന്ന പ്രത്യേകതയും ഉണ്ട്. ബാംഗ്ലൂർ ഡേയ്സ് എന്ന സിനിമയുടെ ആണ് ഇത്. അഞ്ജലി മേനോൻ ആയിരുന്നു ഈ സിനിമ മലയാളത്തിൽ സംവിധാനം ചെയ്തത്. പിന്നീട് ഈ സിനിമ തമിഴിലേക്കും റീമേക്ക് ചെയ്തിരുന്നു. ഇപ്പോൾ ഒരുപാട് വർഷങ്ങൾക്ക് ശേഷമാണ് ഈ സിനിമയുടെ ഹിന്ദി പതിപ്പ് ഒരുങ്ങുന്നത്.