21 വയസ്സിൽ വിവാഹം, ഭർത്താവുമായി വലിയ പ്രായവ്യത്യാസം, അതെന്തുകൊണ്ടെന്ന് മറ്റുള്ളവരെ ബോധ്യപ്പെടുത്തേണ്ട കാര്യമില്ല – നടി നീലിമ പറയുന്നു

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാൾ ആണ് നീലിമാ റാണി. ടെലിവിഷൻ സിനിമ മേഖലയിലൂടെയാണ് ഇവർ ശ്രദ്ധിക്കപ്പെടുന്നത്. മലയാളത്തിലും താരം ചില സീരിയലുകളിൽ അഭിനയിച്ചിട്ടുണ്ട്. കമൽഹാസൻ കേന്ദ്ര കഥാപാത്രത്തെ അവതരിപ്പിച്ച തേവർ മകൻ എന്ന സിനിമയിലൂടെ ബാലതാരം ആയിട്ടാണ് ഇവർ കരിയർ ആരംഭിക്കുന്നത്. പിന്നീട് വലുതായ ശേഷം ഇവർ നിരവധി സിനിമകളിലും സീരിയലുകളിലും ചെറുതും വലുതുമായ കഥാപാത്രങ്ങളെ അവതരിപ്പിച്ചു.

“എനിക്ക് 21 വയസ്സുള്ളപ്പോൾ ആയിരുന്നു ഞാൻ വിവാഹം ചെയ്തത്. അന്ന് അദ്ദേഹത്തിന് 31 വയസ്സായിരുന്നു പ്രായം. എൻറെ അമ്മ തന്നെ ഈ തീരുമാനത്തെ വലിയ രീതിയിൽ ചോദ്യം ചെയ്തിരുന്നു. എന്നാൽ അമ്മയുടെ ചോദ്യങ്ങൾക്ക് മറുപടി പറയേണ്ടതും അമ്മയെ കൊണ്ട് സമ്മതിപ്പിക്കേണ്ടതും എൻറെ ഉത്തരവാദിത്വമായിരുന്നു” – നീലിമ പറയുന്നു.

“അമ്മ അങ്ങനെ പറയുന്നത് പോട്ടെ എന്നു വെക്കാം. പക്ഷേ പുറത്തുനിന്നുള്ള ആളുകൾ എന്തിനാണ് ഞാൻ 31 വയസ്സുള്ള ആളെ വിവാഹം ചെയ്യുന്നത് എന്തിനാണ് എന്നൊക്കെ ചോദിച്ചു വരുന്നത്? അവരെ ബോധ്യപ്പെടുത്തേണ്ട ആവശ്യം എനിക്കില്ല. എൻറെ ജീവിതം എൻറെ തീരുമാനവും ചോയിസും ആണ്. ഞാൻ അങ്ങനെ തന്നെയാണ് ജീവിക്കേണ്ടത്. എനിക്ക് ചുറ്റും നിൽക്കുന്ന ആളുകളോട് അല്ലാതെ എന്റെ ജീവിതത്തെ സംബന്ധിക്കുന്ന കാര്യങ്ങൾ എനിക്ക് നിരത്തേണ്ട ആവശ്യമില്ല. അവർക്ക് അത് വേണമെങ്കിൽ ചോദിക്കാം, ഞാൻ മറുപടി നൽകുകയും ചെയ്യും” – താരം കൂട്ടിച്ചേർത്തു.

“വിവാഹം കഴിഞ്ഞിട്ട് 15 വർഷങ്ങൾ കഴിഞ്ഞു. രണ്ടു സുന്ദരിക്കുട്ടികളെ ഞങ്ങൾക്ക് മക്കളായി കിട്ടി. പരസ്പരം മനസ്സിലാക്കി ഞങ്ങൾ പരസ്പരം ഒന്നും പ്രതീക്ഷിക്കാതെ നല്ല രീതിയിൽ ഇതുപോലെ ജീവിക്കാൻ കഴിഞ്ഞു. ലോകത്തിലെ ഏറ്റവും നല്ല ഭർത്താവ് എന്റെ ഭർത്താവാണ്” – നീലിമ ചേർത്തു.