‘ പുതിയ കഥകൾ കൊണ്ട് നിങ്ങൾ എപ്പോഴും ആളുകളെ ആശ്ചര്യപ്പെടുത്തുന്നു!’ ആദൃശ്യങ്ങൾ കണ്ട് താനും അത്ഭുതപ്പെടുന്നു. ഫഹദിന് ആശംസകളുമായി സൂര്യ.

ഫഹദ് ഫാസിൽ നായകനാവുന്ന ഏറ്റവും പുതിയ ചിത്രമാണ് മലയൻകുഞ്ഞ്. സജിമോനാണ് ഈ ചിത്രം സംവിധാനം ചെയ്യുന്നത്. മഹേഷ് നാരായണൻ ചിത്രത്തിന് തിരക്കഥയും, ചായാഗ്രഹണവും നിർവഹിക്കുന്നു. ഇപ്പോഴിതാ ഫഹദ് ഫാസിലിന് ആശംസകൾ അറിയിച്ച് രംഗത്തെത്തിയിരിക്കുകയാണ് തമിഴ് സൂപ്പർ താരം സൂര്യ. ഫാസിൽ സാറിനോട് സ്നേഹവും ആദരവും എന്ന് സൂര്യ പറയുന്നു.

ഫഹദ്, നിങ്ങൾ എപ്പോഴും പുതിയ കഥകൾ കൊണ്ട് എന്നെ ആശ്ചര്യപ്പെടുത്തുകയാണ്. തികച്ചും വ്യത്യസ്തത തീർക്കുന്ന ദൃശ്യങ്ങൾ കണ്ട് താനും അത്ഭുതപ്പെട്ടു. ട്വിറ്ററിൽ സൂര്യ കുറിച്ചത് ഇങ്ങനെ. എന്തായാലും ഈ ട്വീട് ഇപ്പോൾ വൈറലായി മാറിയിരിക്കുകയാണ്. ഫാസിൽ ആണ് ഈ ചിത്രം നിർമ്മിക്കുന്നത്. നിരവധി വർഷങ്ങൾക്കുശേഷമാണ് ഫാസിൽ ഒരു ചിത്രം നിർമ്മിക്കുന്നത് എന്ന പ്രത്യേകതയും ഇതിനുണ്ട്.

ഒരു സർവൈവർ ത്രില്ലറാണ് ഈ ചിത്രം. വളരെ മികച്ച പ്രതികരണമാണ് ചിത്രത്തിൻറെ ട്രെയിലറിന് ലഭിച്ചത്. കുറച്ചു മുൻപ് നടൻ കമൽഹാസനും ചിത്രത്തിന് ആശംസകൾ അറിയിച്ചുകൊണ്ട് രംഗത്ത് എത്തിയിരുന്നു. ഫാസിലിന്റെ കുഞ്ഞ് തന്റെയും കുഞ്ഞാണ് എന്ന് കമൽഹാസൻ പറഞ്ഞു. ധൈര്യമായി മുൻപോട്ടു കുതിക്കൂ എന്നാണ് ഫഹദിനോട് കമൽഹാസൻ ആവശ്യപ്പെട്ടത്. വിക്രം എന്ന ചിത്രത്തിൽ ഇരുവരും ഒരുമിച്ച് അഭിനയിച്ചിരുന്നു.

 

ലോഗേഷ് കനകരാജ് സംവിധാനം ചെയ്ത ഈ ചിത്രം കമൽഹാസന്റെ കരിയറിലെ തന്നെ ഏറ്റവും വലിയ ബ്ലോക്ക് ബസ്റ്റർ ആയി മാറുകയും ചെയ്തു. ചിത്രത്തിൽ സൂര്യയും ഒരു പ്രധാന വേഷം കൈകാര്യം ചെയ്തിരുന്നു. റോളക്സ് എന്ന ഈ കഥാപാത്രം വമ്പൻ കൈയ്യടികളാണ് നേടിയത്. പുതിയ ചിത്രത്തിനുവേണ്ടി ആവേശപൂർവ്വം കാത്തിരിക്കുകയാണ് സിനിമ പ്രേമികൾ ഇപ്പോൾ.