രണ്ടാം വിവാഹം ചെയ്താലും , വിവാഹം ചെയ്യുന്നത് ആരെയായാലും അത് ഓരോരുത്തരുടെ ഇഷ്ടമാണ്; വിമര്‍ശിച്ചയാള്‍ക്ക് മറുപടിയുമായി സ്വാതി നിത്യാനന്ദ്

സ്വാതി നിത്യാനന്ദ് എന്ന നടിയെ പ്രത്യേകം പരിചയപ്പെടുത്തേണ്ട ആവശ്യമില്ലലോ. ഭ്രമരം എന്ന സൂപ്പര്‍ഹിറ്റ് പരമ്പരയില്‍ കേന്ദ്ര കഥാപാത്രത്തെ അവതരിപ്പിച്ചിരുന്നത് സ്വാതി ആയിരുന്നു. ഇതില്‍ ഹരിത എന്ന നടി അവതരിപ്പിച്ച കഥാപാത്രത്തെ മിനിസ്‌ക്രീന്‍ പ്രേക്ഷകര്‍ നെഞ്ചോടു ചേര്‍ക്കുകയായിരുന്നു. നിരവധി പരമ്പരകളില്‍ ഈ നടിക്ക് അവസരം ലഭിച്ചു. അഭിനയജീവിതത്തില്‍ തിളങ്ങി നില്‍ക്കുന്ന സമയത്തായിരുന്നു വിവാഹം. പ്രണയവിവാഹമായിരുന്നു നടിയുടെത്.

എന്നാല്‍ വീട്ടുകാരുടെ സമ്മതമില്ലാതെ വിവാഹം കഴിച്ചതിന്റെ പേരില്‍ സ്വാതി ഒരുപാട് വിമര്‍ശനങ്ങള്‍ നേരിടേണ്ടി വന്നു. ഇപ്പോഴിതാ ഇതില്‍ പ്രതികരണം അറിയിച്ചിരിക്കുകയാണ് നടി. തനിക്ക് നേരെ വിമര്‍ശനങ്ങള്‍ വരുന്നത് കാണുമ്പോള്‍ ആദ്യമൊക്കെ വിഷമം തോന്നും ആയിരുന്നു. എന്നാല്‍ ഇപ്പോള്‍ കണ്ട ഭാവം നടിക്കാറില്ലെന്ന് നടി പറയുന്നു. ഈയടുത്ത് പല നടിമാരുടെ വിവാഹം കഴിഞ്ഞു. അതിലും പലരും അഭിപ്രായം പറയുന്നത് കണ്ടു. ഒരു നടി തന്റെ വിവാഹ വീഡിയോ യൂട്യൂബ് ചാനല്‍ വഴി പങ്കുവെച്ചപ്പോള്‍ അതിനു താഴെ കൂടുതലും വിമര്‍ശനങ്ങളാണ് വന്നത്. എപ്പോഴാണ് ഡൈവോഴ്‌സ് ,എന്തിന് ഇയാളെ കെട്ടി തുടങ്ങിയ തരത്തിലുള്ള കമന്റ് ആണ് വരുന്നത് .

രണ്ടാം വിവാഹം ചെയ്താലും , വിവാഹം ചെയ്യുന്നത് ആരെയായാലും അത് ഓരോരുത്തരുടെയും വ്യക്തിപരമായ കാര്യമാണ് , അതില്‍ മറ്റുള്ളവര്‍ അഭിപ്രായം പറയേണ്ട ആവശ്യം ഇല്ല. ആദ്യമൊക്കെ താന്‍ ഇത്തരം കമന്റുകളോട് പ്രതികരിക്കാറുണ്ട് , എന്നാല്‍ ഇപ്പോള്‍ മൈന്‍ഡ് ചെയ്യാറില്ല നടി പറഞ്ഞു.

അതേസമയം അഭിനയരംഗത്ത് സജീവമാണ് ഈ നടി. 2020 ലായിരുന്നു നടിയുടെ വിവാഹം. സീരിയല്‍ പിന്നണി പ്രവര്‍ത്തകര്‍ പ്രതീഷിനെയാണ് സ്വാതി വിവാഹം കഴിച്ചത് .