സാമൂഹ്യ മാധ്യമങ്ങളിൽ ഇപ്പോൾ ശ്രദ്ധ നേടുന്നത് നടി സ്വാസിക പങ്കുവെച്ച ഒരു പോസ്റ്റും അതിനു വന്ന കമന്റും ആണ്. സ്വാസിക കേന്ദ്ര കഥാപാത്രമായി എത്തുന്ന ചതുരം എന്ന സിനിമയുടെ മോഷൻ പോസ്റ്റർ ആണ് താരം പങ്കുവെച്ചിരിക്കുന്നത്. പോസ്റ്ററിൽ സ്വാസിക അവതരിപ്പിക്കുന്ന കഥാപാത്രവും, നായിക കഥാപാത്രവും അർദ്ധനഗ്നരായി കിടക്കുന്നത് കാണാം. ഇതിന് താഴെയാണ് സദാചാര കമൻറുകൾ നിരവധി വന്നത്.
അതിൽ ഒരു കമൻറ് ഇങ്ങനെ. ആണുങ്ങളെ മാത്രമാണോ സിനിമ കാണിക്കുവാൻ ഉദ്ദേശിക്കുന്നത്? നിങ്ങളിൽ നിന്നും ഇത് പ്രതീക്ഷിച്ചില്ല! ഇതിന് മറുപടിയായി നിരവധി കമന്റുകൾ വന്നു. നടി സ്വാസിക തന്നെ ഇതിന് മറുപടി കൊടുക്കുകയുണ്ടായി. നടി സ്വാസിക നൽകിയ മറുപടി ഇങ്ങനെയാണ്.
അതെന്താ സ്ത്രീകൾക്ക് പ്രണയവും കാമവും ഒന്നും ബാധകമല്ലേ? പുരുഷനെപ്പോലെ തന്നെ എല്ലാ സുഖങ്ങളും വികാരങ്ങളും സ്ത്രീകളുടെയും അവകാശമാണ്, അത് തിരിച്ചറിയാതെയാണ് സഹോദരി ജീവിക്കുന്നതെങ്കിൽ സഹതാപം മാത്രം. അഡൽസ് ഓൺലി എന്നു പറഞ്ഞാൽ പ്രായപൂർത്തിയായവർ എന്നാണ് അർത്ഥം.
View this post on Instagram
അല്ലാതെ പ്രായപൂർത്തിയായ പുരുഷന്മാർ മാത്രം എന്നല്ല. സ്ത്രീ പ്രേക്ഷകർക്കും നെഞ്ചും വിരിച്ച് വന്ന്, സുരക്ഷിതമായി തീയേറ്ററിൽ സിനിമ കാണാം. പഴയത് പോലെയല്ല ലൈംഗിക വിദ്യാഭ്യാസത്തിൻറെ ഒക്കെ കാലമാണ്, അതിനനുസരിച്ചുള്ള മാറ്റങ്ങളെ ഉൾക്കൊള്ളാൻ ആരംഭിക്കൂ പ്ലീസ്. തുണി മാറി കിടക്കുന്ന ഭാഗം ഫോക്കസ് ചെയ്ത് കാണുന്നവരോട് പ്രത്യേകിച്ച് ഒന്നും പറയാനില്ല.