അപ്പുവും അഞ്ജലിയും യുദ്ധം തുടങ്ങി; സാന്ത്വനം വീട്ടില്‍ ഇനി എന്തൊക്കെ കാണേണ്ടി വരും

ടെലിവിഷന്‍ പ്രേക്ഷകരുടെ പ്രിയ പരമ്പരയാണ് സാന്ത്വനം. ഏഷ്യനെറ്റ് സംപ്രേക്ഷണം ചെയ്യുന്ന സീരിയല്‍ മികച്ച പ്രേക്ഷക സ്വീകാര്യത തേടി മുന്നേറുകയാണ്. ഒരു കുട്ടുകുടുംബത്തിന്റെ കഥയാണ് സീരിയല്‍ പറയുന്നതെങ്കിലും വേറിട്ട രീതിയിലാണ് ചിത്രീകരണം എല്ലാം. സ്‌ക്രീനില്‍ എത്തിയിട്ട് കുറച്ച്ക്കാലം ആയിട്ടുള്ളുവെങ്കിലും വളരെ പെട്ടന്ന് തന്നെ സീരിയല്‍ ശ്രദ്ധിക്കപ്പെടുകയായിരുന്നു. ഇന്ന് സ്വാന്തനത്തിന് യൂത്തുകള്‍ക്കിടയിലും ആരാധകര്‍ ഏറെയാണ്.

പ്രേക്ഷകരുടെ മികച്ച പിന്തുണയാണ് സീരിയല്‍ കഥാപാത്രങ്ങള്‍ക്കും ലഭിക്കുന്നത്. ഇത് തന്നെയാണ് സാന്ത്വനത്തിന്റെ വിജയത്തിന്റെ ഒരു കാരണം. പാണ്ഡ്യന്‍ സ്റ്റോര്‍ എന്ന തമിഴ് പരമ്പരയുടെ മലയളം പതിപ്പാണ് സാന്ത്വനം. വാനമ്പാടി അവസാനിച്ചതിന് പിന്നാലെയാണ് സ്വാന്തനം എത്തുന്നത്. വാനമ്പാടിയിലെ ചിപ്പി സ്വാന്തനത്തില്‍ വലിയ റോള്‍ തന്നെയാണ് ചെയുന്നത്. തീര്‍ത്തും ഗ്രാമീണ ഭംഗി കൂട്ടിയിണക്കി കൂടിയാണ് സീരിയല്‍ ഒരുക്കിയിരിക്കുന്നത്.

ഇപ്പോള്‍ സീരിയലിന്റെ പ്രെമോ വീഡിയോ പുറത്ത് വന്നിരിക്കുകയാണ്. സാന്ത്വനം വീട്ടിലെ രണ്ട് മരുമക്കളും യുദ്ധം തുടങ്ങിയത് പ്രേക്ഷകര്‍ കഴിഞ്ഞ എപ്പിസോഡില്‍ കണ്ടതാണ്. വീട്ടിലെ നല്ല മരുമകള്‍ ആവാനുള്ള ശ്രമത്തിലാണ് അപ്പു. ഇതിനായി അഞ്ജലി ചെയുന്ന കാര്യങ്ങള്‍ എല്ലാം നോക്കി അനുകരിക്കാന്‍ അപ്പു ശ്രമിക്കുന്നുണ്ട്.

രണ്ട് പേരും ശത്രുക്കളായിരിക്കും എന്ന് കഴിഞ്ഞ ദിവസം പറഞ്ഞിരുന്നു. അങ്ങനെ തന്നെയാണ് ഇവര്‍ ഇപ്പോള്‍ മുന്നോട്ട് പോവുന്നത്. സന്ധ്യക്ക് അഞ്ജലി വിളക്ക് കത്തിക്കാന്‍ ശ്രമിക്കുന്നതിനിടെ അപ്പുവിളക്ക് കത്തിച്ച് കൊണ്ടവെയ്ക്കുന്നത് വീഡിയോയില്‍ കാണാം. നാമം ജപിച്ച് വിളക്കുമായി വരുന്ന അപ്പുവിനെ കണ്ട് സാന്ത്വനം വീട്ടിലെ പലരും അന്തംവെട്ടിരിക്കുകയാണ്.