ദില്‍ഷയുടെ ആരാണ് സൂരജ് , ഇവര്‍ തമ്മിലുള്ള ബന്ധം എന്താണ് ?

മലയാളം ബിഗ് ബോസ് സീസണ്‍ ഫോര്‍ ഏറെ ചര്‍ച്ച ചെയ്യപ്പെട്ടിരുന്നു. ഇതുവരെ ബിഗ് ബോസ് വീട്ടില്‍ നടക്കാത്ത സംഭവങ്ങളാണ് ഇത്തവണ ഉണ്ടായിരുന്നത്. മത്സരാര്‍ത്ഥികള്‍ തമ്മിലുള്ള അടിയും പുറത്തുപോകലും, പുറത്താക്കലും അങ്ങനെ മലയാളം ബിഗ് ബോസിന്റെ ചരിത്രത്തില്‍ ആദ്യമായിട്ടാണ് ഇത്തരം സംഭവങ്ങള്‍ അരങ്ങേറുന്നത്. ഷോ കഴിഞ്ഞ് ദിവസങ്ങള്‍ പിന്നിടുന്നുവെങ്കിലും ഇതിലെ മത്സരാര്‍ത്ഥികളെ കുറിച്ചുള്ള ചര്‍ച്ച ഇപ്പോഴും സോഷ്യല്‍ മീഡിയയില്‍ നടക്കുന്നു. ഇതില്‍ പ്രധാനമായും ദില്‍ഷയെയും റോബിനെ കുറിച്ചുള്ള വാര്‍ത്തകളാണ് നിരന്തരമായി വന്നുകൊണ്ടിരിക്കുന്നത്.

ബിഗ് ബോസില്‍ വെച്ച് റോബിന്‍ തന്റെ പ്രണയം പറഞ്ഞിരുന്നു. എന്നാല്‍ ഒരു സുഹൃത്തായിട്ട് കാണാനാണ് താല്പര്യം എന്ന് പറഞ്ഞു ദില്‍ഷ. ഇതിനിടെ ദില്‍ഷ ജയിച്ചത് റോബിന്‍ ആരാധകരുടെ വോട്ട് കൊണ്ടാണെന്നും ചിലര്‍ ചൂണ്ടിക്കാട്ടി. പുറത്തു വന്നപ്പോഴും ധാരാളം വിമര്‍ശനമാണ് ദില്‍ഷക്ക് നേരെ ഉയര്‍ന്നത്. ഇതിനിടെയാണ് റോബിനും ബ്ലെസിയും തമ്മിലുള്ള എല്ലാ ബന്ധങ്ങളും താന്‍ നിര്‍ത്തി എന്നും തന്നെ പാവയെപ്പോലെ തട്ടി കളിക്കുകയാണ് അവരെന്നും ദില്‍ഷ പറഞ്ഞത്. ഇതിന് താഴെ കമന്റ് അറിയിച്ചു റോബിനും എത്തിയിരുന്നു.

എന്നാല്‍ റോബിനെ ദിലു ഒഴിവാക്കിയത് മറ്റൊരു കാമുകന്‍ ഉള്ളതുകൊണ്ടാണ് എന്ന തരത്തിലുള്ള ചര്‍ച്ച സോഷ്യല്‍ മീഡിയയില്‍ നടന്നു. ഇതിന് തെളിവായി ചൂണ്ടികാട്ടിയത് ദില്‍ഷയുടെ ഫ്രണ്ട് സൂരജിനൊപ്പം നില്‍ക്കുന്ന ഫോട്ടോയാണ് .ആദ്യം സൂരജിനെ ചിത്രീകരിച്ചത് ദില്‍ഷയുടെ കാമുകന്‍ എന്ന നിലയ്ക്കാണെങ്കില്‍ പിന്നീട് ദില്‍ഷയുടെ സഹോദരിയുടെ കാമുകനാണ് സൂരജ് എന്ന തരത്തിലായിരുന്നു.

വര്‍ഷങ്ങളായി ദില്‍ഷയും സൂരജും തമ്മില്‍ നല്ല സുഹൃത്തുക്കളുമാണ്. ഇരുവരുടെയും സോഷ്യല്‍ മീഡിയ അക്കൗണ്ടുകളില്‍ നിന്ന് ഇക്കാര്യം വ്യക്തമാകും. ദില്‍ഷയ്ക്കും കുടുംബത്തിനും ഒപ്പമുള്ള യാത്ര വീഡിയോകളും സോഷ്യല്‍ മീഡിയയില്‍ ഇവര്‍ പങ്കു വച്ചിട്ടുണ്ട്. ദില്‍ഷ ബിഗ്ഗ് ബോസ്സില്‍ നിന്ന് പുറത്തു വന്നതിനു ശേഷം സിനിമ മേഖലയിലുള്ള ചിലരെ കാണാന്‍ ദില്‍ഷക്കൊപ്പം സൂരജ്യം ഉണ്ടായിരുന്നു. ഇവര്‍ തമ്മിലുള്ള പരിയചം തുടങ്ങുന്നത് എട്ട് വര്‍ഷങ്ങള്‍ക്ക് മുന്‍പാണെന്നും സോഷ്യല്‍ മീഡിയയില്‍ പറയുന്നു.