പിറന്നാള്‍ ആഘോഷിച്ച് മലയാളികളുടെ പ്രിയതാരം സുകന്യ; താരത്തിന്റെ എത്രാമത്തെ പിറന്നാള്‍ ആണെന്ന് അറിയാമോ, കണ്ടാല്‍ അത്രയും പറയില്ലെന്ന് ആരാധകര്‍

തൊണ്ണൂറുകളിലെ പ്രിയ സൗത്ത് ഇന്ത്യന്‍ നടിയായിരുന്നു സുകന്യ. 1991ല്‍ പുതു നെല്ല് പുതു നാട് എന്ന ചിത്രത്തിലൂടെ അഭിനയം ആരംഭിച്ച താരം വിവിധ സൗത്ത് ഇന്ത്യന്‍ ഭാഷകളിലായി നിരവധി സിനിമകളില്‍ അഭിനയിച്ചിരുന്നു.

മലയാളത്തില്‍ നിരവധി ചിത്രങ്ങളില്‍ അഭിനയിച്ചിട്ടുള്ള താരം മലയാളികളുടെയും പ്രിയതാരമാണ്. 1994 ല്‍ പുറത്തിറങ്ങിയ സാഗരം സാക്ഷി എന്ന ചിത്രത്തിലൂടെ മലയാളത്തില്‍ അരങ്ങേറ്റം കുറിച്ചു.

തൂവല്‍ കൊട്ടാരം, കാണാക്കിനാവ്, ചന്ദ്രലേഖ, രക്തസാക്ഷികള്‍ സിന്ദാബാദ് തുടങ്ങിയവയാണ് പ്രധാന മലയാള സിനിമകള്‍. ഇപ്പോള്‍
ടെലിവിഷന്‍ പരമ്പരകളിലൂടെയും റിയാലിറ്റി ഷോയിലൂടെയും മിനിസ്‌ക്രീനില്‍ സജീവമാണ് താരം.

നിലവില്‍ ഇന്ത്യന്‍ 2വില്‍ അഭിനയിച്ചു കൊണ്ടിരിക്കുകയാണ് താരം.ഇപ്പോഴിത തന്റെ പിറന്നാള്‍ ആഘോഷ ചിത്രങ്ങള്‍ പങ്കുവച്ച് എത്തിയിരിക്കുകയാണ് സുകന്യ. താരം തന്നെയാണ് തന്റെ പിറന്നാള്‍ ആഘോഷ ചിത്രങ്ങള്‍ പങ്കുവച്ചത്.

ജീവിതത്തില്‍ അര നൂറ്റാണ്ട് പിന്നിടുന്ന ഈ മനോഹര ദിവസം ലണ്ടനില്‍ സുഹൃത്തുക്കള്‍ക്കും കുടുംബങ്ങള്‍ക്കുമൊപ്പം ആഘോഷിക്കാന്‍ കഴിഞ്ഞതില്‍ സന്തോഷമുണ്ടെന്ന് സുകന്യ സോഷ്യല്‍ മീഡിയയില്‍ കുറിച്ചു.

അന്‍പതാം പിറന്നാള്‍ താരം ആഘോഷിക്കുന്നത്. ”25.11.2022 ന് എന്റെ ജീവിതത്തിലെ നാഴികക്കല്ലായ 50-ാം ജന്മദിനം ലണ്ടനിലെ പ്രിയ സുഹൃത്തുക്കള്‍ക്കും കുടുംബാംഗങ്ങള്‍ക്കും ഒപ്പം ആഘോഷിക്കാന്‍ സാധിച്ചത് സന്തോഷകരമാണ്.

എന്നെ സ്‌നേഹിക്കുന്നവരില്‍നിന്നു കിട്ടുന്ന അംഗീകാരത്തിനും പരിഗണനയ്ക്കും ഏറെ നന്ദി.” സുകന്യ കുറിച്ചു. നടി പല ഭാഷകളില്‍ അഭിനയിച്ച സിനിമകളുടെ ചിത്രങ്ങള്‍ പതിച്ച കേക്കാണ് പിറന്നാളിനായി ഒരുക്കിയത്.

സുഹൃത്തുക്കള്‍ അയച്ച വിഡിയോ സന്ദേശങ്ങളും സുകന്യ സോഷ്യല്‍ മീഡിയയില്‍ പോസ്റ്റ് ചെയ്തിട്ടുണ്ട്.നിരവധി ആരാധകരാണ് താരത്തിന് ആശംസ അറിയിച്ച് എത്തുന്നത്.

എന്നാല്‍ താരത്തിന് വയസ് 50 ആയി എന്ന് ആരാധകര്‍ക്ക് വിശ്വസിക്കാന്‍ കഴിഞ്ഞിട്ടില്ല. കണ്ടാല്‍ ഒരു നാല്പത് വയസേ പറയൂവെന്നാണ് ആരാധകര്‍ കമന്റായി കുറിക്കുന്നത്.