ആ കാരണത്താലായിരുന്നു സിനിമ ഉപേക്ഷിച്ചത് ; വെളിപ്പെടുത്തി നടി സുജ കാര്‍ത്തിക

മലയാളികളുടെ പ്രിയപ്പെട്ട നടിയാണ് സുജ കാര്‍ത്തിക. 2002ല്‍ വെള്ളിത്തിരയിലെത്തിയ സുജ വിരളിലെണ്ണാവുന്നതിലും അത്ര സിനിമകളില്‍ മാത്രമേ അഭിനയിച്ചിട്ടുള്ളു. എന്നാല്‍ നടി ചെയ്തതെല്ലാം അന്നത്തെ മുന്‍നിര നായകന്മാര്‍ക്കൊപ്പം ശ്രദ്ധിക്കപ്പെടുന്ന കഥാപാത്രങ്ങള്‍ ആയിരുന്നു. ഇത് തന്നെയാണ് ഈ നടിയെ മലയാളികളുടെ പ്രിയങ്കരിയാക്കിയത്. 2002 രാജസേനന്‍ സംവിധാനം ചെയ്ത മലയാളി മാമന് വണക്കം എന്ന ചിത്രത്തിലൂടെ മലയാള സിനിമയിലേക്ക് എത്തിയ സുജയ പിന്നീട് ഒരുപിടി സിനിമകളില്‍ അഭിനയിച്ചു.

അധികവും സഹനടിയുടെ റോളിലായിരുന്നു ഈ താരം എത്തിയത്. 2002 മുതല്‍ 2007 വരെ സിനിമയില്‍ സുജയ തുടര്‍ന്നു. പിന്നീട് നടി അഭിനയ ജീവിതത്തില്‍ നിന്നും മാറി നില്‍ക്കുകയായിരുന്നു. ഇപ്പോള്‍ അഭിനയരംഗത്ത് ഇല്ലെങ്കിലും സിനിമാ മേഘലയിലുള്ളവരുമായി അടുത്ത സൗഹൃദം ഇന്നും കാത്തുസൂക്ഷിക്കുന്നു ഈ താരം. നല്ല കഥാപാത്രങ്ങള്‍ ലഭിച്ചിട്ട് പോലും സിനിമയില്‍ തുടരാത്തതിന്റെ കാരണം പലരും താരത്തോട് ചോദിച്ചിരുന്നു . ഇപ്പോള്‍ അതേ കുറിച്ചാണ് താരം പറയുന്നത് .

തന്റെ പതിനഞ്ചാം വയസ്സിലാണ് അഭിനയലോകത്തേക്ക് എത്തുന്നത്. വിവാഹത്തോടെ അഭിനയത്തില്‍ അത്ര സജീവം ആയിരുന്നില്ല ,ശരിക്കും പഠിക്കാനുള്ള ഇഷ്ടം കൊണ്ടാണ് സിനിമയില്‍ നിന്ന് മാറി നിന്നതെന്ന് പറയുകയാണ് നടി ഇപ്പോള്‍. ഇന്ന് താന്‍ മറ്റൊരു ജോലി ചെയ്യുന്നുണ്ടെന്നും താരം പറയുന്നു. താന്‍ സിനിമാജീവിതം അവസാനിപ്പിച്ചിട്ട് ഏതാണ്ട് 13 വര്‍ഷമായി. എന്നാല്‍ ഇതിനിടെ മകള്‍ക്കൊപ്പം ചില പരസ്യങ്ങളിലും സുജ എത്തിയിരുന്നു.

2010 ജനുവരി 31 നാണ് താരത്തിനെ വിവാഹം. മര്‍ച്ചന്റ് നേവിയില്‍ ചീഫ് എന്‍ജിനീയറായ രാകേഷ് കൃഷ്ണനാണ് ഭര്‍ത്താവ് . പിജിഡിഎം കോഴ്‌സില്‍ ഒന്നാം റാങ്കോടെ വിജയിച്ച സുജക്ക് ഇതോടെ പഠനത്തോട് കൂടുതല്‍ ഇഷ്ടം തോന്നുകയായിരുന്നു. പിന്നീട് താരം ആ മേഘലയിലേക്ക് തന്നെ പോയി.