കുടുംബവിളക്ക് താരം ശ്രീലക്ഷ്മി ശ്രീകുമാര്‍ വിവാഹിതയാവുന്നു ; വരന്‍ ആരെന്ന് അറിയുമോ ?

മലയാളികള്‍ എന്നും ആസ്വദിച്ചിരുന്നു കാണുന്ന പരമ്പരകളില്‍ ഒന്നാണ് കുടുംബവിളക്ക് . ഇതില്‍ ശ്രദ്ധിക്കപ്പെട്ട ഒരു കഥാപാത്രമാണ് ശീതള്‍. നടി അമൃത നായര്‍ ഈ പരമ്പരയില്‍ നിന്ന് പോയതോടെ ശീതള്‍ എന്ന കഥാപാത്രത്തില്‍ എത്തിയത് ശ്രീലക്ഷ്മി ശ്രീകുമാര്‍ ആയിരുന്നു. ചുരുങ്ങിയ സമയം കൊണ്ട് തന്നെ പ്രേക്ഷക മനസ്സില്‍ സ്ഥാനം പിടിക്കാന്‍ ശ്രീലക്ഷ്മിക്ക് സാധിച്ചു. ഇപ്പോഴിതാ ഒരു സന്തോഷവാര്‍ത്ത പങ്കുവെച്ചാണ് ശ്രീലക്ഷ്മി എത്തിയത്. താന്‍ വിവാഹിതയാകാന്‍ പോകുന്നു എന്ന സന്തോഷമാണ് താരം ആരാധകരെ അറിയിച്ചത്. സമയം മലയാളത്തിന് നല്‍കിയ അഭിമുഖത്തിലാണ് തന്റെ പ്രണയത്തെ കുറിച്ചും വിവാഹത്തെക്കുറിച്ചും നടി തുറന്നു പറഞ്ഞത്.

ആളുടെ പേര് ജോസ് എന്നാണ്. ഏറെക്കാലമായി ഞങ്ങള്‍ പ്രണയത്തിലായിരുന്നുവെന്നും ശ്രീലക്ഷ്മി പറയുന്നു. ഇന്റര്‍ കാസ്റ്റ് ആണെങ്കിലും രണ്ടു വീട്ടുകാരുടെയും പൂര്‍ണ സമ്മതത്തോടെ കൂടിയാണ് ബന്ധം മുന്നോട്ട് കൊണ്ടു പോയിരുന്നത്. ജോസ് തന്റെ ഒപ്പം പഠിച്ച ആള്‍ തന്നെയാണ്. ആറു വര്‍ഷമായി ഞങ്ങള്‍ പ്രണയത്തിലാണ് ആണെന്ന് നടി പറയുന്നു.

ആള്‍ക്ക് അഭിനയ ലോകവുമായി യാതൊരു ബന്ധവുമില്ല. എന്നാല്‍ തന്റെ അഭിനയത്തെ ഏറെ പ്രോത്സാഹിപ്പിക്കാറുണ്ട് ശ്രീലക്ഷ്മി പറയുന്നു. ഈ ബന്ധത്തിന്റെ തുടക്കത്തില്‍ തന്നെ വീട്ടുകാരോട് ഇതേക്കുറിച്ച് തുറന്നുപറഞ്ഞിട്ടുണ്ട് , എന്നാല്‍ രണ്ടു വീട്ടുകാരുടെ ഭാഗത്തുനിന്ന് ഒരു എതിര്‍പ്പും ഉണ്ടായിട്ടില്ല. വിവാഹം തീരുമാനിച്ചിട്ടില്ല ,എന്നാല്‍ വിവാഹ ശേഷവും താന്‍ അഭിനയിക്കുമെന്ന് താരം കൂട്ടിച്ചേര്‍ത്തു.

ഒരു ട്യൂട്ടോറിയല്‍ കോളേജില്‍ നിന്നും കണ്ടാണ് ശ്രീലക്ഷ്മിയും ജോസും പ്രണയത്തിലാവുന്നത്. അന്ന് തൊട്ടിങ്ങോട്ട് എന്റെ എല്ലാ കാര്യത്തിനും അദ്ദേഹം കൂടെ തന്നെയുണ്ട്. നിലവില്‍ ജോസ് പഠിച്ച് കൊണ്ടിരിക്കുകയാണ്. മംഗ്ലൂരില്‍ പാര മെഡിക്കല്‍ കോഴ്സ് ചെയ്യുകയാണ് അവനെന്നും ശ്രീലക്ഷ്മി പറഞ്ഞു”.