എസ് പി ബാലസുബ്രഹ്മണ്യം അവസാനമായി പാടിയ പാട്ട് പുറത്ത്, മിനിറ്റുകൾക്കുള്ളിൽ ഗാനം ഹിറ്റ്! ലിറിക്കൽ വീഡിയോ കാണാം

എസ് പി ബാലസുബ്രഹ്മണ്യം ഏറ്റവും ഒടുവിലായി പാടിയ പാട്ട് ആണ് ഇപ്പോൾ പുറത്തുവന്നിരിക്കുന്നത്. രജനീകാന്ത് കേന്ദ്രകഥാപാത്രത്തെ അവതരിപ്പിക്കുന്ന അണ്ണാത്തെ എന്ന ചിത്രത്തിലെ പാട്ടാണ് ഇപ്പോൾ പുറത്തുവന്നിരിക്കുന്നത്. മിക്ക രജനീകാന്ത് ചിത്രങ്ങളും ഒരു എസ് പി ബാലസുബ്രഹ്മണ്യം പാട്ട് ഉണ്ടാവുന്നത് പതിവ് ആയിരുന്നു. രജനീകാന്തിന് ഇത്രത്തോളം ഇണങ്ങുന്ന മറ്റൊരു ശബ്ദം ഇല്ലായിരുന്നു എന്നതാണ് വസ്തുത. അതുകൊണ്ടുതന്നെ പതിറ്റാണ്ടുകളായി സൂപ്പർസ്റ്റാറിൻ്റെ ശബ്ദമായിരുന്നു എസ് പി ബാലസുബ്രഹ്മണ്യം.

തിരുത്ത് ശിവ സംവിധാനം ചെയ്യുന്ന ചിത്രമാണ് അണ്ണാത്തേ. മീന ആണ് ചിത്രത്തിൽ നായികയായി എത്തുന്നത്. കീർത്തി സുരേഷാണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ചിത്രം അടുത്ത പൊങ്കലിന് തീയേറ്ററുകളിലെത്തും എന്നാണ് റിപ്പോർട്ടുകൾ. അജിത് ചിത്രം വലിമൈക്ക് ഒപ്പം ആയിരിക്കും ചിത്രം തിയേറ്ററുകളിലെത്തുന്നത്. ഡി. ഇമ്മാൻ ആണ് സിനിമയുടെ സംഗീത സംവിധാനം നിർവഹിച്ചിരിക്കുന്നത്.

ആരാധകർ ഏറെ ആകാംഷയോടെ കാത്തിരിക്കുന്ന ചിത്രങ്ങളിലൊന്നാണ് ഇത്. സിനിമയിലെ നായകൻ രജനീകാന്ത് ആണ് എന്നതാണ് കാത്തിരിക്കാനുള്ള ഏറ്റവും വലിയ കാരണം. സിനിമയുടെ ഷൂട്ടിംഗ് ലൊക്കേഷനിൽ നിന്നുമുള്ള ചിത്രങ്ങൾ എല്ലാം തന്നെ വലിയ രീതിയിൽ വൈറലായിരുന്നു. അടുത്തിടെ ആയിരുന്നു സിനിമയുടെ ഔദ്യോഗിക ടീസർ റിലീസ് ചെയ്തത്. മികച്ച അഭിപ്രായമായിരുന്നു ഈ ടീസറിന് ലഭിച്ചത്. ഇപ്പോൾ റിലീസ് ചെയ്ത് മിനിറ്റുകൾക്കകം പാട്ട് ഹിറ്റായി മാറിയിരിക്കുകയാണ്. ഒരു ആഘോഷ ഗാനം തന്നെയാണ് ഇത്. ആരാധകർക്ക് തീയേറ്റർ ഇളക്കി മറയ്ക്കുവാനുള്ള എല്ലാ അവസരവും ഈ ഗാനം നൽകും എന്നത് ഉറപ്പാണ്.

ലിറിക്കൽ വീഡിയോ ആണ് ഇപ്പോൾ പുറത്തുവന്നിരിക്കുന്നത്. മിനിറ്റുകൾക്കകം വീഡിയോ വൈറൽ ആയി മാറുകയും ചെയ്തു. രജനീകാന്ത് അവസാനമായി പ്രത്യക്ഷപ്പെട്ടത് ദർബാർ എന്ന ചിത്രത്തിലാണ്. ഈ സിനിമയിലെ ഒരു ഗാനവും ആലപിച്ചത് എസ് പി ബാലസുബ്രഹ്മണ്യം തന്നെ ആയിരുന്നു.