മമ്മൂട്ടി മോഹന്‍ലാല്‍ ചിത്രങ്ങള്‍ ഒരുക്കിയ സംവിധായകന്റെ പുതിയ ചിത്രത്തില്‍ നായകനായി സൂരജ് സണ്‍ എത്തുന്നത്, ഇത് ശരിക്കും സര്‍പ്രൈസ് എന്ന് ആരാധകര്‍

സീരിയല്‍ മേഘലയിലൂടെ ശ്രദ്ധിക്കപ്പെട്ട നടനാണ് സൂരജ് സണ്‍. പാടാത്ത പൈങ്കിളി എന്ന പരമ്പരയിലൂടെയാണ് താരം പ്രേക്ഷകരുമായി അടുത്തത്. പിന്നീട് ആരോഗ്യപ്രശ്നങ്ങളെ തുടര്‍ന്ന് ഇതില്‍നിന്ന് പിന്മാറുകയായിരുന്നു സൂരജ്. ഇപ്പോള്‍ ബിഗ് സ്‌ക്രീനിലൂടെ ശക്തമായ തിരിച്ചുവരവിന് ഒരുങ്ങുകയാണ് ഈ നടന്‍. ഇതിനിടെ പ്രണവ് മോഹന്‍ലാല്‍ നായകനായി എത്തിയ ഹൃദയം എന്ന സിനിമയിലും സൂരജ് അഭിനയിച്ചിരുന്നു.

ഇപ്പോഴിതാ ഷാജൂണ്‍ കാര്യാല്‍ സംവിധാനം ചെയ്യുന്ന പുതിയ ചിത്രത്തില്‍ സൂരജ് നായകന്‍ ആവുന്നു എന്ന സന്തോഷ വാര്‍ത്തയാണ് പുറത്തുവന്നത്. ‘മൃദു ഭാവേ ദൃഢ കൃത്യേ” എന്നാണ് ചിത്രത്തിന്റെ പേര്.

സുരേഷ് കൃഷ്ണ, ദിനേശ് പണിക്കര്‍, അനില്‍ ആന്റോ, സീമ ജി. നായര്‍, മായാ മേനോ9, ജീജ സുരേന്ദ്രന്‍, ശിവരാജ്, ഹരിത്, സിദ്ധാര്‍ഥ് രാജന്‍, അമല്‍ ഉദയ്, വിഷ്ണു വിദ്യാധരന്‍, ജുനൈറ്റ് അലക്‌സ് ജോര്‍ഡി, മനൂപ്, അങ്കിത് മാധവ്, ആനന്ദ് ബാല്‍ തുടങ്ങിയവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.

നവാഗതനായ നിഖില്‍ വി. നാരായണനാണ് ചിത്രത്തിന്റെ ഛായാഗ്രാഹണം. ഹൈഡ്രോ എയര്‍ ടെക്ടോണിക്‌സ് പ്രൈവറ്റ് ലിമിറ്റഡിന്റെ ബാനറില്‍ ഡോക്ടര്‍ വിജയ്ശങ്കര്‍ മേനോന്‍ ആണ് ചിത്രത്തിന്റെ നിര്‍മ്മാണം.

റഖീബ് ആലം, ദിന്‍നാഥ് പുത്തഞ്ചേരി, ഡോ. ജെറ്റീഷ് ശിവദാസ്, ഡോ. പ്രജീഷ് ഉണ്ണികൃഷ്ണന്‍, ശ്രീജിത് രാജേന്ദ്രന്‍ എന്നിവരുടെ വരികള്‍ക്ക് സാജന്‍ മാധവ് സംഗീതം നല്‍കിയിരിക്കുന്നു. നരേഷ് അയ്യര്‍, ഹെഷാം അബ്ദുള്‍ വഹാബ്, സയനോര ഫിലിപ്, മൃദുല വാര്യര്‍, ബിനു ആന്റണി എന്നിവര്‍ ചിത്രത്തിലെ ഗാനങ്ങള്‍ ആലപിച്ചിരിക്കുന്നു.