അദ്ദേഹം നേരിട്ട് വന്ന് ചോദിക്കുകയായിരുന്നു, നിന്നെ ഞാന്‍ കല്യാണം കഴിക്കട്ടെ എന്ന്; പ്രണയത്തെ കുറിച്ച് സോണിയ

നടി സോണിയ എന്ന നടിയെ മലയാളികള്‍ ഓര്‍ക്കാന്‍ തേന്മാവിന്‍ കൊമ്പത്ത് എന്ന മോഹന്‍ലാല്‍ ചിത്രം തന്നെ ധാരാളം. ഇതില്‍ കുയില്‍ എന്ന കഥാപാത്രത്തിലാണ് സോണിയ എത്തിയിരുന്നത്. സോണിയ കൂടി അഭിനയിച്ച കള്ളിപ്പൂങ്കുയിലെ എന്ന ഗാനം ഹിറ്റായിരുന്നു. ഇപ്പോഴിതാ വര്‍ഷങ്ങള്‍ക്ക് ശേഷം മലയാളികളോട്തന്റെ വിശേഷം പങ്കുവെച്ചിരിക്കുകയാണ് നടി. തന്റെ കുടുംബത്തെക്കുറിച്ചും ഭര്‍ത്താവിനെക്കുറിച്ചും എല്ലാം താരം പറഞ്ഞു.

തമിഴ് നാടിനോട് ഏറെ സ്നേഹമുള്ള നടി വിവാഹം ചെയ്തത് തമിഴ് നടനും സംവിധായകനുമായ ബോസ്സ് വെങ്കടിനെയാണ്. പ്രണയ വിവാഹമായിരുന്നു സോണിയയുടെത്. തന്റെ സ്വഭാവത്തിന് നേരെ വിപരീതം ആയിട്ടുള്ള സ്വഭാവം ആണ് അദ്ദേഹത്തിന്റെത് എന്ന് സോണിയ പറഞ്ഞു.
അദ്ദേഹം വളരെ സീരിയസ് ആയിട്ടുള്ള ആളാണ്.

തനിക്ക് കുട്ടിക്കളിയാണെന്ന് സോണിയ പറഞ്ഞു. എപ്പോഴും സംസാരിച്ചു കൊണ്ടിരിയ്ക്കും. ഒരിക്കല്‍ എന്നോട് അദ്ദേഹം നേരിട്ട് വന്ന് ചോദിക്കുകയായിരുന്നു, നിന്നെ ഞാന്‍ കല്യാണം കഴിക്കട്ടെ എന്ന്. അപ്പോള്‍ തന്നെ ഞാന്‍ ചോദിച്ചു, നിങ്ങള്‍ക്ക് ഭ്രാന്ത് ഉണ്ടോ എന്ന്. എന്നെ സഹിക്കാന്‍ പറ്റില്ല എന്ന് പറഞ്ഞ് മനസ്സിലാക്കി കൊടുക്കാനും ശ്രമിച്ചിരുന്നു.

ഒരു മണിക്കൂര്‍ നേരം അദ്ദേഹത്തിന് ഞാന്‍ എന്നെ കുറിച്ച് ക്ലാസ് എടുത്തു കൊടുത്തു. എനിക്ക് ഭയങ്കര ദേഷ്യമാണ്. കുട്ടിക്കളിയാണ്. ഒരു ഭാര്യയാക്കാന്‍ പറ്റിയ മെറ്റീരിയല്‍ അല്ല ഞാന്‍ എന്ന് എല്ലാം വളരെ വ്യക്തമായി പറഞ്ഞു. എല്ലാം പറഞ്ഞ് കഴിഞ്ഞപ്പോള്‍ അദ്ദേഹം പറഞ്ഞു, ഇപ്പോഴാണ് നിന്നെ എനിക്ക് ഒത്തിരി ഇഷ്ടമായത് എന്ന്. അങ്ങനെ ഓകെ പറഞ്ഞു. അതേസമയം മോഹന്‍ലാല്‍ അഭിനയിച്ച മുന്തിരിവള്ളികള്‍ തളിര്‍ക്കുമ്പോള്‍ എന്ന സിനിമ കണ്ടാണ് അദ്ദേഹം റൊമാന്റിക്ക് ആയതെന്ന് സോണിയ പറഞ്ഞു.