ചിരിച്ചും, തല്ലു കൂടിയും ഉള്ള 20 പിറന്നാളുകൾ. ‘ പാലാക്കാരി പെണ്ണിന്’ കിടിലൻ പിറന്നാൾ ആശംസകളുമായി വിധു പ്രതാപ്.

മലയാളികളുടെ പ്രിയ ഗായകന്മാരിൽ ഒരാളായിരിക്കും വിധുപ്രതാപ്. വർഷങ്ങളായി മലയാള സിനിമ രംഗത്ത് സജീവമാണ് താരം. റിമി ടോമി എന്ന ഗായികയെയും മലയാളികൾക്ക് പരിചയപ്പെടുത്തേണ്ട ആവശ്യമില്ല. മീശമാധവൻ എന്ന ചിത്രത്തിലൂടെയാണ് താരം മലയാളത്തിൽ അരങ്ങേറുന്നത്. ആദ്യ ഗാനം തന്നെ സൂപ്പർ ഹിറ്റ് ആയി.

ഇരുവരും വളരെ അടുത്ത സുഹൃത്തുക്കൾ കൂടിയാണ്. ഇപ്പോൾ സുഹൃത്തിന് പിറന്നാൾ ആശംസിച്ചു കൊണ്ട് വിധു പ്രതാപ് പങ്കുവെച്ച ചിത്രം ശ്രദ്ധ നേടുകയാണ്. ചിരിപ്പിച്ചും ചിരിച്ചും തല്ലു കൂടിയും അങ്ങനെ 20 പിറന്നാളുകൾ നിൻറെ ഒപ്പം. ഹാപ്പി ബർത്ത് ഡേ പാലാക്കാരി പെണ്ണേ എന്നാണ് വിധുപ്രതാപ് ഇതിന് അടിക്കുറിപ്പ് നൽകിയിരിക്കുന്നത്. എന്തായാലും സംഭവം ഇപ്പോൾ വൈറലായി മാറുകയാണ്.

ഇരുവരും തമ്മിലുള്ള സൗഹൃദത്തിന് 20 വർഷത്തെ ആഴം ഉണ്ട് എന്ന് പോസ്റ്റിൽ നിന്നും വ്യക്തം. നിരവധി സ്റ്റേജ് ഷോകൾ ഇരുവരും ഒരുമിച്ച് ചെയ്തിട്ടുണ്ട്. പോസ്റ്റിനു താഴെ നന്ദി അറിയിച്ചുകൊണ്ട് റിമിയുടെ കമൻറ് വന്നു. നിരവധി ലൈക്കുകൾ ആണ് പോസ്റ്റിന് ഇപ്പോൾ ലഭിക്കുന്നത്.

ലോലിപോപ്പ് എന്ന ചിത്രത്തിൽ ഇരുവരും ഒരുമിച്ച് ആലപിച്ച ഗാനം ഏറെ ശ്രദ്ധ നേടിയിരുന്നു. മഴവിൽ മനോരമ ചാനലിൽ സംപ്രേഷണം ചെയ്യുന്ന സൂപ്പർ കുടുംബം എന്ന ഫാമിലി ഷോയിൽ വിധികർത്താക്കളാണ് ഇരുവരും. എന്തായാലും പ്രേക്ഷകരും താരത്തിന് ആശംസകൾ അറിയിച്ചുകൊണ്ട് എത്തുന്നുണ്ട്.