അന്ന് വായിൽ നിന്നും പസ്സ് വന്ന് തുറക്കാൻ ആകാതെയായി! തളർവാതം വന്ന അവസ്ഥപോലെ

സഹ മത്സരാർഥിയുടെ അതി ക്രൂരമായ പ്രവർത്തിയിൽ തനിക്ക് ഉണ്ടായ നഷ്ടങ്ങളെക്കുറിച്ചാണ് സിജോ പറയുന്നത്. ഒന്നും രണ്ടും ആഴ്ചയിൽ വോട്ടിങ്ങിൽ മുൻപന്തിയിൽ നിന്ന ഒരുപക്ഷേ ഒന്നാം സ്ഥനത്തേക്ക് വരെ എത്തുമായിരുന്ന സിജോയുടെ സ്വപ്നങ്ങളെ ആണ് സഹ മത്സരാർത്ഥി റോക്കി ഇല്ലാതെ ആക്കിയത്. ജീവിതകാലം മുഴുവനും താൻ നേരിട്ടേക്കാവുന്ന ആരോഗ്യ പ്രശ്നങ്ങൾ ഇന്ന് സിജോ നേരിടുന്നുണ്ട്. താരത്തിന്റെ വാക്കുകൾ ഇതാണ് പതിമൂന്നു കിലോയാണ് എനിക്ക് പോയത്. ഓരോ ദിവസം ഓരോ കിലോ വച്ചാണ് നഷ്ടം ആയത്. 84 കിലോയിൽ നിന്നും ഒറ്റ അടിക്കാണ് അത് 70 കിലോ ആയി മാറിയത്. ഞാൻ ആദ്യമായിട്ടാണ് ജീവിതത്തിൽ ഒരു സർജറിക്ക് വിധേയനാകുന്നത്. അനസ്തേഷ്യ ഉപയോഗിക്കേണ്ടി വന്നതുകൊണ്ടുതന്നെ അതിന്റെ ബുദ്ധിമുട്ടുകൾ വേറെയും നേരിട്ടു. എന്റെ ശരീരത്തിന്റെ പലഭാഗത്തുമായി ചുമന്ന കളർ പ്രത്യക്ഷപ്പെടാൻ തുടങ്ങി. മുടിയും കുറഞ്ഞു, മുഖക്കുരുവും വന്നു. 28 ദിവസം ആയിരുന്നു വീട്ടിൽ നിന്നും മാറി നിന്നത്. അതിൽ ആദ്യത്തെ രണ്ട് ആഴ്ച എനിക്ക് ജ്യൂസ് മാത്രമായിരുന്നു ഫുഡ്. കട്ടിയുള്ള ആഹാരം കഴിക്കാൻ പറ്റുമായിരുന്നില്ല.

വെള്ളം പോലത്തെ ജ്യൂസ് മാത്രം ആയിരുന്നു. ആപ്പിൾ ജ്യൂസ് എന്ന് പറയുമ്പോൾ സത്ത് മാത്രമാണ് കിട്ടിയത്, ആ നേരത്തെ വിശപ്പ് വലിയ വിഷയം ആയിരുന്നു. പല വിഷയങ്ങളും ഞാൻ വീട്ടിൽ തുറന്നു പറഞ്ഞില്ല. കാരണം എനിക്ക് സിമ്പതി വേണ്ടിയിരുന്നില്ല. വീട്ടിലേക്ക് തിരികെ വന്ന ദിവസങ്ങൾ പോലും ഞാൻ ഹീൽ ആയിരുന്നില്ല. ഞാൻ ഓക്കേ ആണെന്ന് പറഞ്ഞതുകൊണ്ടാണ് തിരികെ വന്നതും. വായിലെ സ്ക്രൂവും ബാൻഡ് ഏജ് ഒക്കെ മാറ്റിയപ്പോൾ വീണ്ടും ഇൻഫെക്ഷൻ ആയി. ഒരു തളർവാതം ബാധിച്ച അവസ്ഥയിൽ ആയിരുന്നു ഞാൻ അവിടെ ഉണ്ടായിരുന്നത്.ഒരുപാട് ഇൻസ്ട്രക്ഷൻ തന്നാണ് വിട്ടത്. സംസാരിക്കാനോ, തല കുമ്പിട്ടു നിൽക്കാനോ പോലും പറ്റാത്ത അവസ്ഥയിൽ എത്തി. രാവിലത്തെ ഡാൻസ് കളിയ്ക്കാൻ ആകില്ല, 20 കിലോക്ക് മുകളിൽ എനിക്ക് വെയിറ്റ് എടുക്കാൻ പോലും സാധിക്കില്ലായിരുന്നു. വീട്ടിൽ എനിക്ക് നിൽക്കാം പക്ഷെ ആക്റ്റീവ് ആകാൻ സാധിക്കുമായിരുന്നില്ല. സാബു ചേട്ടനും ശ്വേത ചേച്ചിയും വീട്ടിൽ വന്ന സമയത്താണ് എന്റെ അവസ്ഥ വളരെ മോശമായി മാറിയത്.സർജറിക്ക് വേണ്ടി വായുടെ ഒരു സ്ഥലം ഓപ്പണിങ് ഉണ്ടായിരുന്നു അവിടേക്ക് ഫുഡ് ന്റെ അംശം കയറി അത് വലിയ പ്രശ്നമായി മാറി. അങ്ങനെ പഴുപ്പ് വരാൻ തുടങ്ങി, ഒപ്പം പെയിനും. ഹോട്ടൽ ടാസ്ക്കിൽ പങ്കെടുക്കരുത് എന്ന് ഡോക്ടർ പറഞ്ഞു. രാവിലെ എണീക്കുന്ന സമയം എനിക്ക് വായ ഓപ്പൺ ആക്കാൻ പറ്റാത്ത അവസ്ഥയിലേക്ക് കാര്യങ്ങൾ പോയി. രാവിലെ എല്ലാവരും ഡാൻസ് കളിയ്ക്കാൻ പോകുന്ന സമയം ഞാൻ എന്റെ വായിലെ പസ്സ് ഞെക്കി കളയുന്ന അവസ്ഥയിൽ ആയിരുന്നു