നീയെന്നും പുഞ്ചിരിച്ചു കൊണ്ട് ചുറ്റും സന്തോഷം പരത്തുന്നു ; സന്തോഷ വാര്‍ത്ത പങ്കുവെച്ച് നടി ശിവദ

പ്രേക്ഷകര്‍ക്ക് സുപരിചിതരായി മാറിയ ദമ്പതികളാണ് ശിവദയും മുരളീകൃഷ്ണനും. സ്‌ക്രീനില്‍ തിളങ്ങിയിരുന്ന ഇരുവരും സോഷ്യല്‍ മീഡിയയിലും സജീവമാണ്. നീണ്ടകാലത്തെ പ്രണയത്തിന് ശേഷം വീട്ടുക്കാരുടെ സമ്മതപ്രകാരമാണ് ഇവര്‍ വിവാഹം കഴിച്ചത്. ഇവരുടെ വിവാഹ ചിത്രങ്ങളെല്ലാം സോഷ്യല്‍ മീഡിയയില്‍ വൈറലായിരുന്നു. സീരിയല്‍ സിനിമാരംഗത്ത് പ്രവര്‍ത്തിച്ച ആളാണ് മുരളീകൃഷ്ണ.

അതേസമയം അമ്മയായതിന് ശേഷമാണ് ശിവദ സോഷ്യല്‍ മീഡിയയിയല്‍ നിറസാന്നിധ്യമായത്. മകളുടെ ചിത്രവും ഭര്‍ത്താവിന്റെ ചിത്രമെല്ലാം ആരാധകരുമായി പങ്കുവെയ്ക്കാറുണ്ട് താരം. ഇപ്പോള്‍ ശിവദ തന്റെ മകളുടെ പിറന്നാളിന് കുറിച്ച ആശംസാ വാക്കുകളാണ് സോഷ്യല്‍ മീഡിയയില്‍ വൈറലായിരിക്കുന്നത്.

‘നീയെന്റെ ഉള്ളിലായിരിക്കവേ വയറ്റില്‍ ചവിട്ടിയതൊക്കെ ഇന്നലെയെന്ന പോലെ ഓര്‍ക്കുന്നു. ഇന്ന് നിനക്കു രണ്ടു വയസ്സു തികയുന്ന ഈ വേളയില്‍ ഞാനും നിന്റെ അച്ഛനും നിന്നെ എത്രത്തോളം സ്നേഹിക്കുകയും ആരാധിക്കുകയും ചെയ്യുന്നുവെന്ന് നിനക്ക് തിരിച്ചറിയാനാകുമെന്ന് ഞാന്‍ പ്രതീക്ഷിക്കുന്നു. ഞങ്ങള്‍ക്ക് സംഭവിച്ച ഏറ്റവും മികച്ച കാര്യമെന്നത് നീ ജനിച്ചതാണ്.

നീ തന്നെയാണ് ഞങ്ങളുടെ ജീവിതകാല സന്തോഷവും. ശിവദ ഇന്‍സ്റ്റാഗ്രാമില്‍ കുറിച്ചു. അരുന്ധതീ, നിനക്ക് എല്ലാ ആശംസകളും നേരുന്നുവെന്നും നീയെന്നും പുഞ്ചിരിച്ചു കൊണ്ട് ചുറ്റും സന്തോഷം പരത്തുകയെന്നും ശിവദ കുറിച്ചു.. എന്റെ കൊച്ചു രാജകുമാരിയ്ക്ക് ജന്മദിനാശംസകളെന്നും ശിവദ കുറിച്ചിരിക്കുന്നു.

‘എന്റെ കരിയറും കുടുംബവും വളരെ സന്തുലിതമായിരിക്കുന്നെന്ന് എല്ലാവരും പറയുമ്പോഴൊക്കെ എനിക്ക് എപ്പോഴും വലിയ സന്തോഷമാണ് തോന്നാറുള്ളത്, കുടുംബത്തിനും. പക്ഷെ ഇന്ന് എന്നിലെ അമ്മയെ സംബന്ധിച്ചിടത്തോളം ഒരു ബുദ്ധിമുട്ടേറിയ ദിവസമായിരുന്നു.’ മകളുടെ പിറന്നാളിന് കൂടാനാവാത്തതിലെ സങ്കടം പങ്കുവെച്ചിരിക്കുകയാണ് ശിവദ ഇപ്പോള്‍.

‘എന്റെ കുഞ്ഞുമായി സമയം ചെലവഴിക്കാന്‍ കഴിയാതെ വരുമ്പോള്‍ ഈ ജന്മദിനം വളരെ ഡൌണായി തോന്നി. അരുന്ധതി നിന്നെ ഒരുപാട് മിസ് ചെയ്യുന്നു മോളേ. ഇത് ഇനി ഒരിക്കലും സംഭവിക്കാതിരിക്കരുതേ എന്നാഗ്രഹിക്കുന്നു. ഒരുപാട് സ്‌നേഹത്തിന്റെ ആലിംഗനങ്ങള്‍ ചെയ്യുന്നു. ഞാന്‍ അവളെ അലങ്കരിച്ച രീതിയെക്കുറിച്ച് ഒന്നും പറയാനില്ല’ എന്നും താരം കുറിച്ചു.