വിവേകാനന്ദൻ വൈറലാണ് എന്ന ചിത്രത്തിന്റെ പ്രൊമോഷനുമായി ബന്ധപ്പെട്ട് ഷൈൻ നൽകുന്ന അഭിമുഖങ്ങളെല്ലാം പെട്ടെന്ന് വൈറലാവുന്നുണ്ട്.സ്ത്രീധനത്തെക്കുറിച്ചുള്ള ചോദ്യത്തിന് ഷൈൻ നൽകിയ മറുപടിയാണ് ഇപ്പോൾ ശ്രദ്ധേയം.സ്ത്രീധനം തെറ്റാണെങ്കിൽ വിവാഹം വേർപ്പെടുത്തുമ്പോൾ ഭാര്യയ്ക്ക് കൊടുക്കുന്ന ജീവനാംശവും തെറ്റാണെന്നാണ് ഷൈൻ പറഞ്ഞത്.സ്ത്രീധനം ഇഷ്ടമുള്ളവര് കൊടുക്കുക. ഇഷ്ടമില്ലാത്തവര് കൊടുക്കാതിരിക്കുക അല്ലേ. ഡിവോഴ്സിന്റെ സമയത്ത് ഭാര്യമാര്ക്ക് ജീവനാംശം കൊടുക്കുന്നത് എന്തിനാ. അതും സ്ത്രീധനം പോലത്തെ ഒരു കാര്യം അല്ലേ. കല്യാണ സമയത്ത് ഭര്ത്താവിന് കൊടുക്കുന്നു. ഡിവേഴ്സിന്റെ സമയത്ത് തിരിച്ചു കൊടുക്കുന്നു അല്ലെ. അത് കോടതി തീരുമാനിക്കുന്നു. എന്തിനാണ് വിവാഹം വേര്പിരിയുമ്പോള് ഭാര്യക്ക് കാശ് കൊടുക്കുന്നത്. അതല്ലേ വിവാഹത്തിന് മുന്നെയും കൊടുക്കുന്നത്.
ഇക്വാലിറ്റി എന്നത് എല്ലായിടത്തും ഒരുപോലെ ആയിരിക്കണ്ടേ. ഞാനും ഡിവോഴ്സിന്റെ സമയത്ത് കാശ് കൊടുത്തിട്ടുണ്ട്. രണ്ട് പേരും തുല്യരല്ലേ. രണ്ടുപേരും വേർപിരിയുന്നു . എന്തിന് ഒരാള്ക്ക് കാശ് കൊടുക്കണം. തന്നെ കെട്ടാന് ഒരാള്ക്ക് ഒരാള് എന്തിന് കാശ് കൊടുക്കണം. ചിലര് പറയും ഞങ്ങളുടെ മകള്ക്ക് കൊടുക്കുന്നതാണ് സ്ത്രീധനം എന്ന്. ചിലര് പറയും ചോദിച്ച് വാങ്ങിക്കുന്നതാണെന്ന്. അങ്ങനെ ആണെങ്കിൽ ഡിവോഴ്സ് സമയത്ത് ജീവനാംശവും കൊടുക്കാന് പാടില്ലഎടൊ തന്നെ കെട്ടണമെന്ന് പറഞ്ഞു ഒരു പെണ്ണും അല്ലെങ്കിൽ എന്റെ മോളെ കെട്ടുമോ എന്ന് ചോദിച്ച് ഒരു പെൺ വീട്ടുകാരും ആൺ വീട്ടുകാരെ സമീപിക്കുന്നില്ല. പെണ്ണിനെ ആവശ്യപ്പെട്ട് ആൺ വീട്ടുകാരാണ് പെൺ വീട്ടുകാരെ സമീപിക്കുന്നത്. പിന്നെ കല്യാണം കഴിക്കേണ്ടത് പെണ്ണിന്റെ മാത്രം ആവശ്യമാണ് എന്നാണെങ്കിൽ പെണ്ണുങ്ങളല്ലേ ആണുങ്ങളെ തേടിവരേണ്ടത്? കല്യാണം രണ്ടുപേർക്കും തുല്യ ആവശ്യമാണെങ്കിൽ പെണ്ണിനെ കേട്ടുന്നവന് എന്തിന് കൈ ക്കൂലി കൊടുക്കണം.
കല്യാണം കഴിഞ്ഞാൽ പെണ്ണ് ആണിന്റെ വീട്ടിലിരുന്ന് ചുമ്മാ വിരുന്നുണ്ണുകയല്ല. അവന്റെ എല്ലാ ആവശ്യങ്ങൾക്കും സഹകരിച്ച് അവന്റെ മക്കളെ ചുമന്നു പ്രസവിക്കുന്നില്ലേ? ആണിന് എന്തു റിസ്ക്കാണ് ഉള്ളത്? അവളുടെ ശരീരമല്ലേ മാറ്റങ്ങൾക്ക് വിധേയമാകുന്നത്? അവളല്ലേ വേദന സഹിക്കുന്നത്? അപ്പോൾ സ്ത്രീക്കല്ലേ നഷ്ടം സംഭവിക്കുന്നത്? അപ്പോൾ അവൾക്ക് ഇങ്ങോട്ടല്ലേ ധനം കൊടുക്കേണ്ടത്? പോരാത്തതിന് അവൾ എല്ലാ വീട്ടു ജോലികളും ചെയ്ത് അവന്റെ മക്കളെയും അവന്റെ മാതാപിതാക്കളെയും സംരക്ഷിക്കുന്ന ചുമതലയും ഏറ്റെടുക്കേണ്ടിവരുന്നില്ലേ?അവർ ജോലിക്കുപോയി ശമ്പളവും അവന് കൊടുക്കുന്നില്ലേ? അപ്പോൾ അവളുടെ ആവശ്യങ്ങൾക്കുള്ള പണം അവൾ ജോലി ചെയ്തുണ്ടാക്കുന്നു. ജോലി ഇല്ലാത്തവരാണെങ്കിലും ദാമ്പത്യത്തിൽ അടങ്കൽ നഷ്ടം സംഭവിക്കുന്നത് സ്ത്രീ ക്കുമാത്രമാണ്. പല സ്ത്രീ കളും രോഗികളായി മാറുന്നുമുണ്ട്. ദാമ്പത്യത്തിൽ ശരീരികവും മാനസികാവുമായ പ്രയാസങ്ങൾ സ്ത്രീക്കു മാത്രമാണ്.