സൂര്യമാനസം എന്ന ചിത്രത്തിലെ ചില സംഭാഷണങ്ങൾക്ക് ഡബ്ബ് ചെയ്തത് മമ്മൂട്ടി അല്ല, മലയാളത്തിലെ മറ്റൊരു ഇതിഹാസതാരം ആണ് അത് ചെയ്തത്, വെളിപ്പെടുത്തൽ

മലയാളത്തിലെ ഇതിഹാസ നടന്മാരിലൊരാളായ തിലകൻറെ മകൻ ആണ് ഷമ്മിതിലകൻ. ഡബ്ബിങ് ആർട്ടിസ്റ്റ് ആയാണ് ഷമ്മിതിലകൻ സിനിമയിലെത്തുന്നത്. പിന്നീട് നടനായി അരങ്ങേറുകയായിരുന്നു. വില്ലനായും, സഹ നടനായും, സ്വഭാവ നടനായും എല്ലാം താരം തിളങ്ങുന്നു. മികച്ച ഡബ്ബിംഗ് ആർട്ടിസ്റ്റിനുള്ള അവാർഡുകൾ കരസ്ഥമാക്കിയിട്ടുണ്ട് താരം. ഇപ്പോൾ സൂര്യ മാനസം എന്ന സിനിമയിലെ പുട്ടുറുമീസ് എന്ന കഥാപാത്രത്തിന് ശബ്ദം നൽകിയ കാര്യം ഓർക്കുകയാണ് ഷമ്മി തിലകൻ.

താരത്തിൻറെ വാക്കുകളിലൂടെ. സൂര്യ മാനസം എന്ന ചിത്രത്തിലെ രഘുവരന് ശബ്ദം നൽകാനാണ് തന്നെ വിളിപ്പിച്ചത്. അതിലെ വില്ലൻ കഥാപാത്രമായിരുന്നു അദ്ദേഹം ചെയ്തത്. അതിനിടയിൽ മമ്മൂട്ടിയുടെ ഒരു സീനിലെ ഡയലോഗ് വെറുതെ മൈക്കിലൂടെ പറഞ്ഞു. പെട്ടെന്ന് സംവിധായകനായ വിജി തമ്പി തന്നോട് തിരിച്ചു ചോദിച്ചു ഷമ്മി, മമ്മൂക്ക വന്നിട്ടുണ്ടോ? ഇല്ല താൻ ആണ് അത് ചെയ്തതെന്ന് പറഞ്ഞു. പിന്നീട് രഘുവരൻറെ ഭാഗം പൂർത്തിയാക്കി വീട്ടിലെത്തി. രണ്ടു മൂന്നു ദിവസം കഴിഞ്ഞപ്പോൾ വിജി തമ്പി വീണ്ടും വിളിച്ചു.

ഡബ്ബിങ് പൂർത്തിയാക്കാൻ ഉണ്ട് എന്ന് പറഞ്ഞു. എന്നാൽ തൻറെ ഭാഗം തീർത്തു എന്ന് താൻ പറഞ്ഞു. അപ്പോൾ അദ്ദേഹം പറഞ്ഞു രഘുവരന് അല്ല മമ്മൂക്കയ്ക്ക് ആണ് ഡബ്ബ് ചെയ്യേണ്ടത് എന്ന്. താൻ ശരിക്കും ഞെട്ടിപ്പോയി. അതൊരു സാഹസം ആണല്ലോ എന്ന് ചിന്തിച്ചു. മമ്മൂക്ക വരില്ലെ എന്ന് താൻ ചോദിച്ചു.

അദ്ദേഹത്തിന് വേറെ ഷൂട്ടിന് പോകണമായിരുന്നു. താൻ ചെയ്താൽ അത് പരാതി ആകും എന്ന് പറഞ്ഞു. മമ്മൂക്ക പറഞ്ഞിട്ടുണ്ട് എന്ന് വിജി തമ്പി പറഞ്ഞു. പക്ഷേ തനിക്ക് വിശ്വാസമായില്ല. അങ്ങനെ പെട്ടെന്ന് വിജി തമ്പി മമ്മൂക്കക്ക് ഫോൺ കൊടുത്തു. അദ്ദേഹം ഫോൺ എടുത്തിട്ട് ആ ഞാനാണ് അതങ്ങ് ചെയ്തേര് എന്ന് ഒറ്റ വാക്കിൽ അനുമതി തന്നു. പിന്നീട് താൻ അത് ചെയ്തു. ചുരുക്കം ഒന്നോ രണ്ടോ സംഭാഷണങ്ങളും സംഘട്ടനത്തിനിടയിലെ ചില ഇഫക്ടുകളും ആയിരുന്നു അത്. ഷമ്മി തിലകൻ പറഞ്ഞു.