21 വര്‍ഷത്തിന് ശേഷം മലയാളികളുടെ പ്രിയങ്കരി ബേബി ശാലിനി സിനിമയിലേക്ക് തിരിച്ച് വരുന്നു

കുറുമ്പ് നിറഞ്ഞ അഭിനയവുമായി സിനിമാകളത്തിലിറങ്ങി, പടവെട്ടി നായികവേഷം വരെ കൈയ്യടക്കിയ ഒരു നടി മലയാളികള്‍ക്ക് ഉണ്ട്. അത് മറ്റാരുമല്ല പ്രേക്ഷകരുടെ എക്കാലത്തെയും സ്വന്തം ബേബി ശാലിനി ആയിരുന്നു. ഗാലറിയില്‍ നിന്നും കളികാണുന്നവര്‍ക്ക് കിടിലന്‍ ചിത്രങ്ങളാണ് താരം സമ്മാനിച്ചത്. ഇന്നും ശാലിനിയുടെ ചിത്രങ്ങള്‍ക്ക് കാഴ്ച്ചക്കാര്‍ ഏറെയാണ്.

താരം സിനിമവിട്ട് നിന്നപ്പോഴും ആരാധകര്‍ ഏറെ സംങ്കടത്തിലായിരുന്നു. തുടര്‍ന്ന് എന്ന് തിരിച്ച് വരുമെന്ന ചോദ്യവും നിരന്തരവും ഉയര്‍ന്നിരുന്നു. ഇപ്പോള്‍ ചോദ്യങ്ങള്‍ക്കെല്ലാം വിരാമം ഇട്ട് നടി സിനിമയിലേക്ക് തിരിച്ച് വരുന്നു എന്ന വാര്‍ത്തയാണ് സോഷ്യല്‍ മീഡിയയില്‍ എത്തിയത്. ശാലിനിയുടെ വരവ് ഓരോ ശാലിനി പ്രേമികള്‍ക്കും സന്തോഷവാര്‍ത്തയാണ്.

21 വര്‍ഷത്തിന് ശേഷം ബിഗ് ബജറ്റ് ചിത്രമായ പൊന്നിയിന്‍ സെല്‍വനിലൂടെയായിരിക്കും ശാലിനിയുടെ തിരിച്ചുവര്. സംവിധായകന്‍ മണിരത്നമാണ് ചിത്രം ഒരുക്കുന്നത്. സംവിധാന രംഗത്ത് മികവ് തെളിയിച്ച മണിരത്നത്തിന്റെ ഈ ചിത്രവും വിജയകുതിപ്പില്‍ എത്തും എന്നതില്‍ ഒരു സംശയവും ഇല്ല.

ഐശ്വര്യ റായ് ബച്ചന്‍, വിക്രം, കാര്‍ത്തി, ജയറാം, തൃഷ, വിക്രം പ്രഭു, ഐശ്വര്യ ലക്ഷ്മി, ജയം രവി, ഐശ്വര്യ രാജേഷ് തുടങ്ങിയ വന്‍ താരനിര ചിത്രത്തില്‍ അണിനിരക്കുന്നുണ്ട്. ഇതിലെ ഒരു മുഖ്യവേഷത്തിലാണ് താരവും എത്തുന്നത്. ശാലിനിയ്ക്ക് മാത്രമേ ഈ കഥാപാത്രത്തോട് നീതിപുലര്‍ത്താനാകൂവെന്നാണ് മണിരത്നം പറഞ്ഞത്. ഇതോടെയാണ് ശാലിനി അഭിനയിക്കാന്‍ സമ്മതിക്കുന്നതെന്നും റിപ്പോര്‍ട്ടുകള്‍ പറയുന്നു. അതേസമയം വാര്‍ത്തയോട് ഇതുവരെ അജിത്തോ, ശാലിനിയോ ഇതുവരെ പ്രതികരിച്ചില്ല.

ഒരുകാലത്ത് പലരുടെയും ഇഷ്ടപ്പെട്ട താര ജോഡികളിലൊന്നായിരുന്നു ശാലിനിയും കുഞ്ചാക്കോ ബോബനും.
ഇവര്‍ ഒന്നിച്ചുള്ള ചിത്രങ്ങളും വന്‍ ഹിറ്റായിരുന്നു. ഇന്നും ടീവിയില്‍ ശാലിനി കുഞ്ചാക്കോ ചിത്രങ്ങള്‍ വന്നാല്‍ ആരാധകര്‍ ആകാംഷയോടെയാണ് കാണാര്‍.