ഒത്തിരി നല്ല സിനിമകള് സംവിധാനം ചെയ്ത വ്യക്തിയാണ് ഷാജി കൈലാസ്. സുരേഷ് ഗോപി എന്ന വ്യക്തിയെ സൂപ്പര് സ്റ്റാര് എന്ന നിലയിലേക്ക് എത്തിക്കാന് വലിയൊരു പങ്കുവഹിച്ച ആള് കൂടിയാണ് കൈലാസ്. സുരേഷ് ഗോപിയെ വെച്ച് ആദ്യമായി സിനിമ സംവിധാനം ചെയ്തതും ഇദ്ദേഹം തന്നെ. അന്ന് തുടങ്ങിയ സൗഹൃദമാണ് ഇവര് തമ്മില്. ഇന്നും തുടരുന്നു അത്. തുടക്കത്തില് ഒക്കെ പോലീസ് വേഷത്തില് മാത്രമായിരുന്നു സുരേഷ് ഗോപി എത്തിയിരുന്നത്. പിന്നീട് തന്റെ കൈയ്യില് ഏത് കഥാപാത്രവും സേഫ് ആണെന്നു ഈ താരം തെളിയിച്ചു.
ഒരുപക്ഷേ മലയാള സിനിമയില് പോലീസ് വേഷം ഏറ്റവും നന്നായി ചേരുന്നത് സുരേഷ് ഗോപിക്ക് ആണെന്ന് പറയേണ്ടിവരും. രാഷ്ട്രീയത്തില് സജീവമായപ്പോഴും സിനിമ വിടരുതെന്ന് ആരാധകര് നടനോട് പറഞ്ഞു. ജനനായകന് എന്ന പരിപാടിയില് ഷാജി കൈലാസും, സുരേഷ് ഗോപിയും എത്തിയിരുന്നു.
സുരേഷിനെ ഒരു സഹോദരനെ പോലെയാണ് കാണുന്നത് എന്നായിരുന്നു ഷാജി പറഞ്ഞത്. താന് സിനിമയെ കുറിച്ച് ചിന്തിക്കുമ്പോള് തന്നെ സുരേഷ് ഗോപിയുടെ മുഖം മനസ്സിലേക്ക് വരും . അദ്ദേഹത്തെ ഒരു ആര്ട്ടിസ്റ്റായി താന് കണ്ടിട്ടില്ലെന്നും , എന്തും വിളിച്ചു പറയാവുന്ന സുഹൃത്ത് അല്ലെങ്കില് സഹോദരന് അതാണ് ഞങ്ങള് തമ്മിലുള്ള ബന്ധം എന്നും പറഞ്ഞു.
എടാ ഇന്ന ദിവസമാണ് ഷൂട്ട് എന്ന് വിളിച്ചു പറയാന് സ്വാതന്ത്ര്യം എനിക്കുണ്ട് . അങ്ങനെ ആയി വന്നതാണ് അത്. സുരേഷ് ഗോപിയെ ആദ്യം കാണുമ്പോള് അദ്ദേഹം പോലീസ് വേഷത്തില് ആയിരുന്നു. ഒറ്റനോട്ടത്തില് തന്നെ കൊള്ളാമല്ലോ എന്ന് ആ രൂപം കണ്ട് എനിക്ക് തോന്നി. അന്ന് തന്നെ ഞങ്ങള്ക്കിടയില് സൗഹൃദം തുടങ്ങി. അന്നേ ഞാന് രാജീവ് അഞ്ജലിനോട് പറഞ്ഞിരുന്നു അദ്ദേഹം സൂപ്പര്സ്റ്റാറായി വരുമെന്ന്.
എന്റെ ആദ്യത്തെ സിനിമയില് തന്നെ ഞാന് നായകനാക്കിയത് സുരേഷ് ഗോപിയെയായിരുന്നു . ശേഷം നിരവധി സിനിമയില് അദ്ദേഹം നായകനായി എത്തി.