ഒരു മകൻ മാത്രം ഉള്ളു എന്ന് പറഞ്ഞ ആൾക്ക് വീണ്ടും പെട്ടെന്ന് ഇങ്ങനെ ഒരു മകനുണ്ടായി. ചർച്ചയായ വാർത്തക്ക് പ്രതികരിച് സീമ ജി നായർ.

സീമ ജി നായരുടെ ഇളയ മകൻ വിവാഹിതനായി എന്ന തരത്തിലുള്ള വാർത്തകൾ കഴിഞ്ഞ ദിവസം സോഷ്യൽ മീഡിയയിൽ സജീവമായിരുന്നു. സ്നേഹസീമ എന്ന യൂട്യൂബ് ചാനലിലൂടെയാണ് വിവാഹവീഡിയോ പുറത്തുവന്നത്. താരത്തിൻ്റെ മകൻ ആരോമൽ പകർത്തിയ വീഡിയോ നിമിഷനേരംകൊണ്ട് വൈറലായി. എന്നാൽ കല്യാണത്തിന് സീമ പങ്കെടുക്കാത്തത് ചർച്ചയായിരുന്നു. ഒരു മകൻ മാത്രം ഉള്ളൂ എന്നു പറഞ്ഞ ആൾക്ക് വീണ്ടും ഒരു മകൻ പെട്ടെന്ന് എവിടുന്നു ഉണ്ടായി എന്ന ചോദ്യവും ഉയർന്നു. ഇപ്പോഴിതാ എല്ലാ ചോദ്യങ്ങൾക്കും ഉത്തരം നൽകിക്കൊണ്ട് വന്നിരിക്കുകയാണ് സീമ ജി നായർ. ചോദ്യങ്ങൾ കൊണ്ട് പൊറുതിമുട്ടി എന്നാണ് താരം പറയുന്നത്.
താരത്തിൻറെ വാക്കുകളിലൂടെ.

“ഇന്നലെ മുതൽ എനിക്ക് ഫോൺ കോൾ കൊണ്ട് ഇരിക്കപ്പൊറുതിയില്ല. കോൾ ആയും മെസ്സേജും ആയും ഒക്കെ ഭയങ്കര ബഹളമാണ് നടന്നുകൊണ്ടിരിക്കുന്നത്. ലോകത്തിൻറെ വിവിധ ഭാഗങ്ങളിൽ നിന്നുമാണ് മെസേജുകൾ വരുന്നത്. സുഹൃത്തുക്കൾ പലരും വിളിച്ചു ചോദിക്കുന്നുണ്ട്. കേൾക്കുന്നത് സത്യമാണോ എന്നൊക്കെയാണ് എല്ലാവരും ചോദിക്കുന്നത്. ഇന്നലെ രാവിലെ ആണെന്ന് തോന്നുന്നു. ഒരു ഓൺലൈൻ മീഡിയകാർ തൊടുത്തുവിട്ട അമ്പാണത്. അത് എന്തായാലും കൊള്ളേണ്ടിടത്ത് കൊണ്ടു. നല്ല റീച്ച് കിട്ടി. മീഡിയ കാരുമായി എനിക്ക് നല്ല പരിചയം ഉണ്ട്.

പക്ഷേ എന്നോട് സത്യാവസ്ഥ ആരും ചോദിച്ചില്ല. അങ്ങനെയാണ് ഈ ന്യൂസ് കൊടുത്തിരിക്കുന്നത്. ഈ വിഷയത്തിൽ എനിക്ക് പറയാനുള്ളത് ഇത്രയുമാണ്. എനിക്കൊരുപാട് അച്ഛന്മാരുണ്ട്. ഒരുപാട് അമ്മമാരുണ്ട്. ഒരുപാട് ചേച്ചിമാരും അനിയത്തിമാരും ആങ്ങളമാരും അനുജന്മാരും ചേട്ടന്മാരും അതിലുപരി എനിക്ക് ഒരുപാട് മക്കളുണ്ട്. സ്നേഹ സീമയിലെ ആദ്യ മുതലുള്ള ഏതു വീഡിയോ എടുത്താലും സ്പെഷ്യലായി ആരെങ്കിലുമൊക്കെ ഉണ്ടാകും. അവരൊക്കെ ആരാണെന്ന് പലരും ചോദിക്കാറുണ്ട്. അതിനുള്ള മറുപടി ഞാൻ കൊടുത്തിട്ടുണ്ട്. എൻറെ മക്കൾ ആണെന്ന് പറഞ്ഞ് ഞാൻ കുറെ പേരെ കൊണ്ട് നടക്കുന്നുണ്ട്. ആ കുറെ മക്കളിൽ ഒരാളാണ് ചിങ്ങുടു.

അപ്പുവിനെ പോലെ തന്നെ ഒരുപാട് സ്നേഹിച്ച മകനാണ്. ആദ്യം ബ്ലോഗുകളിൽ ഒക്കെ അവനുണ്ട്. അന്ന് അവൻ എൻറെ ഇളയ മകൻ ആണെന്നും ഞാൻ പറഞ്ഞിട്ടുണ്ട്. ആരോമൽ എൻറെ ഏകമകനാണ്. എനിക്ക് ഷൂട്ടിങ് ഉള്ളതുകൊണ്ടാണ് പോകാൻ പറ്റാതെ ഇരുന്നത്. ശരണ്യ എനിക്ക് മകളായിരുന്നു. നന്ദു ഏട്ടൻ എനിക്ക് മകനായിരുന്നു. ദേവു എനിക്ക് മകളാണ്. ദേവൂൻ്റെ കുഞ്ഞ് എനിക്ക് എൻറെ കുഞ്ഞുമോൾ ആണ്. ഇങ്ങനെ ഒരുപാട് പേരുണ്ട് എനിക്ക്. അമ്മ എന്ന് വിളിക്കുന്നവരൊക്കെ എനിക്ക് മക്കൾ ആണ്. 100 പേരെ ഞാനും അമ്മ എന്ന് വിളിക്കാറുണ്ട്. അച്ഛൻ എന്നും വിളിക്കാറുണ്ട്.