കെജിഎഫിന് എന്നെ ആവശ്യമായിരുന്നെന്ന് തോന്നുന്നു; റോക്കിഭായിയുടെ അമ്മയായി എത്തിയ അര്‍ച്ചന പറയുന്നു

ആദ്യ ചിത്രത്തിലൂടെ തന്നെ ശ്രദ്ധിക്കപ്പെടുക എന്നത് വലിയ കാര്യമാണ്. അത്തരത്തില്‍ ശ്രദ്ധിക്കപ്പെട്ട ഒരു നടിയാണ് അര്‍ച്ചന . കെജിഎഫ് എന്ന സൂപ്പര്‍ഹിറ്റ് ചിത്രത്തില്‍ റോക്കി ഭായിയുടെ അമ്മയായിട്ടാണ് അര്‍ച്ചന അഭിനയിച്ചത്. താരം അവതരിപ്പിച്ച ശാന്തമ്മ എന്ന കഥാപാത്രം നിമിഷനേരം കൊണ്ടാണ് ശ്രദ്ധിക്കപ്പെട്ടത്.

27 വയസ്സുകാരിയാണ് അര്‍ച്ചന. ടെലിവിഷന്‍ സീരിയലിലൂടെയാണ് അര്‍ച്ചനയുടെ വരവ്. ഒരു സീരിയലില്‍ ദുര്‍ഗ എന്ന കഥാപാത്രത്തെ കണ്ടാണ് കെജിഎഫ് പ്രവര്‍ത്തകര്‍ തന്നെ വിളിച്ചതെന്ന് അര്‍ച്ചന പറയുന്നു. എന്നാല്‍ ആദ്യം താന്‍ നോ പറയുകയായിരുന്നു. തുടര്‍ന്ന് പ്രശാന്ത് സര്‍ നിരവധി തവണ വിളിച്ചു. ഒരു തവണ നേരില്‍ വന്ന് കഥ കേള്‍ക്കാനും അതിനുശേഷം തീരുമാനമെടുക്കാനും അദ്ദേഹം പറഞ്ഞു. അങ്ങനെയാണ് കഥ കേള്‍ക്കുന്നത് .

കെജിഎഫിന് എന്നെ ആവശ്യമായിരുന്നു എന്നു തോന്നുന്നു അര്‍ച്ചന പറഞ്ഞു. റോക്കിയുടെ മുതിര്‍ന്ന കാലഘട്ടത്തെ അമ്മയായി അഭിനയിക്കാന്‍ ആയിരിക്കും എന്നാണ് ആദ്യം കരുതിയത്. എന്നാല്‍ റോക്കിയുടെ കുട്ടിക്കാലത്തെ അമ്മയായിട്ടാണ് അഭിനയിച്ചത്. അത് തനിക്ക് ഈസി ആയിരുന്നുവെന്നും അര്‍ച്ചന പറഞ്ഞു. ഇന്ന് കെജിഎഫ് അമ്മ എന്നാണ് എല്ലാവരും തന്നെ വിളിക്കുന്നതെന്നും അര്‍ച്ചന പറഞ്ഞു.