ശരിക്കും കരഞ്ഞും കൊണ്ടായിരുന്നു പോയത്; ഓര്‍മ്മകള്‍ പങ്കുവെച്ച് നടി അമ്പിളിദേവി

മലയാളികളുടെ പ്രിയപ്പെട്ട താരമാണ് അമ്പിളിദേവി. നൃത്തത്തിലൂടെ അഭിനയലോകത്തേക്ക് കടന്നുവന്ന അമ്പിളി പിന്നീട് മിനിസ്‌ക്രീനിലും ബിഗ്‌സ്‌ക്രീനിലും അഭിനയിച്ചു. ഇതിനിടെ മനസ്സിനെ തളര്‍ത്തുന്ന നിരവധി വിവാദങ്ങളും നടിക്ക് നേരെ ഉയര്‍ന്നിരുന്നു, വിവാഹത്തോടെ ആയിരുന്നു കൂടുതല്‍ വിമര്‍ശനങ്ങളും അമ്പിളിക്ക് നേരെ വന്നത്. ഇപ്പോള്‍ രണ്ട് മക്കള്‍ക്കൊപ്പം സന്തോഷത്തോടെ ജീവിക്കുന്നു അമ്പിളി.

തന്റെ ചാനല്‍ വഴി വിശേഷം പങ്കുവെച്ച് അമ്പിളി എത്താറുണ്ട്. ഇപ്പോള്‍ നടി ഷെയര്‍ ചെയ്ത വീഡിയോ ആണ് ശ്രദ്ധിക്കപ്പെടുന്നത്. തന്റെ രണ്ടാമത്തെ മകനായ അര്‍ജുനെ ആദ്യമായി കൊറ്റന്‍കുളങ്ങര ദേവി ക്ഷേത്രത്തില്‍ കൊണ്ടുപോയതിന്റെ സന്തോഷവും താരം പങ്കിട്ടു.

അവനെ പ്രഗ്‌നന്റ് ആയിരിക്കുന്ന സമയത്ത് കുറച്ച് കോംപ്ലിക്കേഷന്‍സ് ഒക്കെ ഉണ്ടായിരുന്നു എന്ന് അമ്പിളി പറയുന്നു. ബ്ലീഡിങ് ഒക്കെ ആയിരുന്നു, അമ്പലത്തിന്റെ മുന്നിലൂടെയാണ് ആശുപത്രിയിലേക്ക് കൊണ്ടുപോയത് . ശരിക്കും കരഞ്ഞു കൊണ്ടായിരുന്നു പോയത്. എന്റെ കുഞ്ഞിനെ കാത്തുകൊള്ളണെ എന്ന് പറഞ്ഞ് മനസില്‍ പ്രാര്‍ത്ഥിച്ചുകൊണ്ടായിരുന്നു പോയത്.

അന്ന് നേര്‍ന്നതാണ് ദേവി അമ്മയുടെ നടയില്‍ കൊണ്ടുവന്ന് തുലാഭാരം തൂക്കിയേക്കാം എന്ന്, ആ നേര്‍ച്ച കഴിഞ്ഞതിന്റെ സന്തോഷവും അമ്പിളി പങ്കുവെച്ചു. നിരവധി പേരാണ് ഇവര്‍ക്ക് ആശംസ അറിയിച്ച് എത്തുന്നത്. പ്രതിസന്ധിഘട്ടത്തിലും ആരാധകര്‍ അമ്പിളിക്കൊപ്പം നിന്നിരുന്നു, താരത്തിന്റെ ഫോട്ടോയ്ക്ക് താഴെ ആണെങ്കിലും വീഡിയോയ്ക്ക് താഴെ ആണെങ്കിലും സപ്പോര്‍ട്ട് അറിയിച്ചിട്ടുള്ള നിരവധി കമന്റും വന്നിരുന്നു.