ചേട്ടത്തിയെ ഞങ്ങള്‍ മിസ് ചെയ്യാത്തതിന്റെ കാരണം അനുവാണ്; കുടുംബത്തിലെ അടുത്ത ആഘോഷത്തെ കുറിച്ച് സൗഭാഗ്യ

ടിക് ടോക്കിലൂടെ ശ്രദ്ധിക്കപ്പെട്ട രണ്ട് താരങ്ങളാണ് സൗഭാഗ്യ വെങ്കിടേഷും അര്‍ജുനും. സോഷ്യല്‍ മീഡിയയില്‍ സജീവമായ ഇവര്‍ തങ്ങളുടെ കുടുംബ വിശേഷങ്ങള്‍ പങ്കുവെച്ച് എത്താറുണ്ട്. ഇപ്പോള്‍ അനുക്കുട്ടി ഋതുമതിയായ സന്തോഷമാണ് സൗഭാഗ്യയും അര്‍ജുനും പങ്കിട്ടത്. കുടുംബാംഗങ്ങളെല്ലാം പങ്കെടുത്ത് ചടങ്ങ് അതിഗംഭീരം ആക്കിയിരിക്കുകയാണ് . ഇതിന്റെ വീഡിയോയും ചിത്രങ്ങളും വൈറല്‍ ആണ്.

എല്ലാവരും വളരെ സന്തോഷത്തോടെയാണ് ചടങ്ങില്‍ പങ്കെടുത്തത്. ലെഹങ്കയും മെഹന്ദിയും എല്ലാം അണിഞ്ഞ് അതീവ സുന്ദരിയായാണ് അനു എത്തിയത്. തനിക്കും മെഹന്ദി ഇടാന്‍ കൊതി ആവുന്നു എന്നും കുഞ്ഞ് ഉള്ളതുകൊണ്ട് ഇടാന്‍ പറ്റില്ലെന്നും സൗഭാഗ്യ വീഡിയോയില്‍ പറയുന്നു.

മകള്‍ എന്നതിനും അപ്പുറത്താണ് എനിക്ക് അനു. എന്റെ ഫ്രണ്ടും ബാര്‍ബി ഡോളും വെല്‍വിഷറും സ്റ്റൈലിസ്റ്റുമെല്ലാം അവളാണ്. ഇപ്പോഴും ചേട്ടത്തിയെ മിസ് ചെയ്യാത്തതിന് കാരണം അവളാണ്. ചേട്ടത്തിയെ ഞങ്ങള്‍ മിസ് ചെയ്യാത്തതിന് കാരണം അനുവാണ് .

ചെറിയ പ്രായത്തില്‍ തന്നെ സഹോദരിയുടേയും അമ്മായിഅമ്മയുടേയും റോളില്‍ എനിക്കവള്‍ സര്‍പ്രൈസ് തരാറുണ്ട് എന്നായിരുന്നു നേരത്തെ അനുവിനെക്കുറിച്ച് സൗഭാഗ്യ പറഞ്ഞത്.