ചിത്രത്തിലെ ആകര്‍ഷണം മാല തന്നെ ; സ്വന്തമായി ഡിസൈന്‍ ചെയ്ത നെക്ലേസ് ധരിച്ച ഫോട്ടോ പങ്കുവെച്ച് സംയുക്ത വര്‍മ്മ

ഒരുകാലത്ത് മലയാള സിനിമയില്‍ മിന്നിത്തിളങ്ങിയ നടിയാണ് സംയുക്ത വര്‍മ്മ. വിവാഹശേഷമാണ് നടി സിനിമയില്‍ നിന്നും മാറി നില്‍ക്കാന്‍ തുടങ്ങിയത്. ഒത്തിരി നല്ല ഓഫറുകള്‍ സംയുക്തയെ തേടിയെത്തിയെങ്കിലും ഇപ്പോള്‍ അഭിനയത്തിലേക്ക് ഇല്ല എന്ന തീരുമാനത്തില്‍ തന്നെയാണ് നടി . ഏറെ നാളത്തെ പ്രണയത്തിന് ശേഷം ഒന്നായവരാണ് നടന്‍ ബിജു മേനോനും നടി സംയുക്ത വര്‍മ്മയും.

സിനിമയില്‍ നിന്ന് ബ്രേക്ക് എടുത്തെങ്കിലും യോഗയില്‍ ശ്രദ്ധ കൊടുത്തിരുന്നു സംയുക്ത. യോഗ ക്ലാസ് നടത്തിയിരുന്നു താരം .

ഈയടുത്ത് പൊതുവേ വേദികളില്‍ എല്ലാം സംയുക്ത എത്തിയിരുന്നു. എപ്പോഴും വേറിട്ട ആഭരണങ്ങള്‍ ധരിച്ചാണ് നടി എത്താര്‍. അതിനാല്‍ തന്നെ താരത്തിന്റെ കമ്മലിനെ മാലയെ കുറിച്ചുള്ള വലിയ ചര്‍ച്ച തന്നെ സോഷ്യല്‍ മീഡിയയില്‍ നടക്കാറുണ്ട്. തനിക്ക് വലിയ ആഭരണങ്ങളോടുള്ള ഇഷ്ടത്തെക്കുറിച്ച് സംയുക്ത സംസാരിച്ചിരുന്നു.

നടിയും സംയുക്തയുടെ ബന്ധുകൂടിയായ ഊര്‍മ്മിള ഉണ്ണിയുടെ മകള്‍ ഉത്തരയുടെ വിവാഹത്തിനും വലിയ മോഡല്‍ ആഭരണങ്ങള്‍ ആയിരുന്നു സംയുക്ത ധരിച്ചത്. ഇതേക്കുറിച്ച് ആരാധകര്‍ ചോദിക്കുകയും ചെയ്തു. ടെമ്പിള്‍ വര്‍ക്കിലുള്ള മാലയും കമ്മലുമാണ് സംയുക്ത ധരിച്ചിരുന്നത്. ഈ ആഭരണങ്ങളുടെ പ്രത്യേകതയേക്കുറിച്ചും സംയുക്ത അന്ന് സോഷ്യല്‍ മീഡിയയിലൂടെ പറഞ്ഞിരുന്നു.

ഇപ്പോള്‍ സാരിക്കൊപ്പം ഒരു നെക്ലേസ് അണിഞ്ഞു കൊണ്ടിരിക്കുന്ന ഒരു ചിത്രമാണ് സംയുക്ത പങ്കുവച്ചിരിക്കുന്നത്. താരം തന്നെ സ്വന്തമായി ഡിസൈന്‍ ചെയ്ത നെക്ലേസ് ആണിത്. നിങ്ങള്‍ ചെയ്യുന്നതെല്ലാം നിങ്ങളുടെ സ്വന്തം കൈയ്യൊപ്പാണ്- എന്നാണ് ചിത്രത്തിന് ക്യാപ്ഷന്‍ ആയി സംയുക്ത കുറിച്ചിരിക്കുന്നത്. താന്‍ സ്വന്തമായി ഡിസൈന്‍ ചെയ്ത മാലയ്ക്ക് സുദര്‍ശന ചക്രമാല എന്നാണ് പേര് നല്‍കിയിരിക്കുന്നതെന്നും താരം കുറിപ്പില്‍ പറയുന്നു. സ്വര്‍ണവും ചുവന്ന കല്ലുകളും പതിപ്പിച്ച മാലയാണിത്.