വിവാഹമോചനത്തിനുശേഷം സമൂഹമാധ്യമങ്ങളിൽ നിന്നും പഴയ പേര് മാറ്റി സാമന്ത, പുതിയ പേര് എന്താണെന്ന് കണ്ടോ?

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് സാമന്ത. ഇതുവരെ ഒരു മലയാള സിനിമയിൽ പോലും അഭിനയിച്ചിട്ടില്ല എങ്കിലും ഈ താരത്തിന് മലയാളികൾ നൽകിവരുന്ന സ്വീകരണം വളരെ വലുതാണ്. ഇതിന് കാരണം മലയാളികൾക്ക് പ്രിയപ്പെട്ട നിരവധി തമിഴ് തെലുങ്ക് സിനിമകളിൽ സാമന്ത ആയിരുന്നു നായിക എന്നതുകൊണ്ടാണ്. മലയാളികൾക്ക് പ്രിയപ്പെട്ട നിരവധി വിജയ്, സൂര്യ സിനിമകളിൽ സാമന്ത ആയിരുന്നു നായിക. അതുകൊണ്ടുതന്നെ സാമന്തയുമായി ബന്ധപ്പെട്ട വരുന്ന വാർത്തകളെല്ലാം തന്നെ മലയാളികൾക്ക് പ്രിയപ്പെട്ടതാണ്. കഴിഞ്ഞ ഒന്നരമാസമായി സാമന്ത ആയിരുന്നു മലയാള മാധ്യമങ്ങളിലടക്കം ചർച്ചാവിഷയം.

തെലുങ്ക് താരം നാഗചൈതന്യ ആയിരുന്നു സാമന്തയുടെ ഭർത്താവ്. 2017 ഒക്ടോബർ മാസത്തിലായിരുന്നു ഇരുവരും വിവാഹിതരായത്. ഏറെ നാളത്തെ പ്രണയത്തിന് ഒളിവിലായിരുന്നു ഇരുവരും വിവാഹിതരായത്. ഗോവയിൽ വെച്ചായിരുന്നു വിവാഹം നടന്നത്. രണ്ടുപേരും രണ്ടു മതങ്ങളിൽ വിശ്വസിക്കുന്നവർ ആയിരുന്നു. അതുകൊണ്ടുതന്നെ ഇരു മതങ്ങളുടെയും ആചാരപ്രകാരമായിരുന്നു വിവാഹം നടന്നത്. തെന്നിന്ത്യയിലെ സൂപ്പർ ദമ്പതിമാർ ആയിട്ടായിരുന്നു ഇവരെ കണ്ടിരുന്നത്. അതുകൊണ്ടുതന്നെ ഇവരുടെ വിവാഹമോചന വാർത്ത ഏവരെയും ഞെട്ടിപ്പിക്കുന്നതാണ്.

സാമന്ത സമൂഹ മാധ്യമങ്ങളിൽ നിന്നും സാമന്ത അക്കിനേനി എന്ന പേര് മാറ്റി എസ് എന്ന ഇംഗ്ലീഷ് അക്ഷരം ആക്കി മാറ്റിയിരുന്നു. ഇതിനു ശേഷമാണ് ഇരുവരും തമ്മിൽ എന്തൊക്കെയോ പ്രശ്നങ്ങളുണ്ട് എന്ന അഭ്യൂഹങ്ങൾ തുടങ്ങിയത്. ഇരുവരും ഈ വിഷയത്തെക്കുറിച്ച് ആദ്യമൊന്നും മിണ്ടുന്നില്ല. ഇരുവരുടെയും മൗനം അഭ്യൂഹങ്ങൾക്ക് ആക്കം കൂട്ടുകയും ചെയ്തു. കുറച്ചു ദിവസങ്ങൾക്കു മുൻപാണ് ഇരുവരും വിവാഹമോചന വാർത്ത ഔദ്യോഗികമായി പ്രഖ്യാപിച്ചത്. സംയുക്ത പ്രസ്താവന ഇറക്കി കൊണ്ടായിരുന്നു ഇരുവരും ഈ വാർത്ത ഔദ്യോഗികമായി പ്രഖ്യാപിച്ചത്.

ഇപ്പോൾ സമൂഹ മാധ്യമങ്ങളിൽ നിന്നും സാമന്ത വീണ്ടും പേരുമാറ്റി ഇരിക്കുകയാണ്. എസ് എന്ന ഇംഗ്ലീഷ് അക്ഷരം മാറ്റി സാമന്ത എന്നാണ് പുതിയ പേര് നൽകിയിരിക്കുന്നത്. ഈ മാറ്റം എന്തായാലും പുതിയ ഒരു തുടക്കത്തെ ആണ് സൂചിപ്പിക്കുന്നത് എന്നാണ് ആരാധകർ പറയുന്നത്. ഇരുവർക്കും പുതിയ ഒരു ജീവിതം ആശംസിച്ചുകൊണ്ട് രംഗത്തെത്തുകയാണ് ഇപ്പോൾ മലയാളികൾ. അതേസമയം രണ്ടുപേരെയും വിമർശിച്ചു കൊണ്ടും ധാരാളം ആളുകൾ എത്തുന്നുണ്ട്. മറ്റുള്ളവരുടെ സ്വകാര്യതയ്ക്ക് ഒരു വിലയും നൽകാത്ത മലയാളികളാണ് വിമർശിക്കുന്നതിൽ അധികവും എന്നതാണ് വസ്തുത.