കൂളിംഗ് ഗ്ലാസും തൊപ്പിയെല്ലാം വെച്ച് സ്‌റ്റൈലിഷ് ലുക്കില്‍; ഗോവയിലൂടെ അടിച്ചുപൊളിച്ചു നടക്കുന്ന ഈ ദമ്പതികളെ മനസിലായോ

സ്വാന്തനം എന്ന പരമ്പരയിലൂടെ മലയാളി പ്രേക്ഷക ഹൃദയം കീഴടക്കിയ നടനാണ് സജിന്‍. ഇവിടെ ശിവന്‍ എന്ന കഥാപാത്രത്തില്‍ ആണ് താരം എത്തുന്നത്. ഭാര്യ ഷെഫനയും മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട താരമാണ്. ഇതിനോടകം ശ്രദ്ധിക്കപ്പെടുന്ന നിരവധി പരമ്പരകളില്‍ ഷെഫന അഭിനയിച്ചിട്ടുണ്ട്.

സജിനും ഷഫ്നയും പ്രണയിച്ച് വിവാഹം കഴിച്ചവരാണ്. ആദ്യമായി ഒന്നിച്ച് ഇവര്‍ സിനിമയില്‍ അഭിനയിച്ചു. അവിടെ നിന്നും തുടങ്ങിയ പ്രണയം വിവാഹത്തില്‍ എത്തുകയായിരുന്നു.

ഇപ്പോഴിതാ ഗോവയില്‍ നിന്നുള്ള ചിത്രങ്ങളാണ് ഷഫ്ന പങ്കുവെക്കുന്നത്. കൂളിംഗ് ഗ്ലാസും തൊപ്പിയുമെല്ലാം വെച്ച് സ്‌റ്റൈലിഷ് ലുക്കിലാണ് താരദമ്പതികള്‍ ഗോവയില്‍ ആഘോഷമാക്കുന്നത്. ട്രാവല്‍ പാര്‍ട്‌നര്‍, ടുഗതര്‍ ഫോര്‍ എവര്‍, ഗോവന്‍ ഡയറീസ് എന്നീ ഹാഷ്ടാഗുകളാണ് ഷഫ്ന ചിത്രങ്ങള്‍ക്കൊപ്പം നല്‍കിയിരിക്കുന്നത്. ഗോവയില്‍ നിന്നുള്ള താരങ്ങളുടെ കൂടുതല്‍ വിശേഷങ്ങള്‍ അറിയാന്‍ കാത്തിരിക്കുകയാണ് ആരാധകര്‍.

പ്ലസ് ടു എന്ന സിനിമയിലൂടെയാണ് ഇരുവരും അഭിനയരംഗത്തേക്ക് എത്തിയത്. ചിത്രത്തില്‍ നായിക കഥാപാത്രത്തെ അവതരിപ്പിച്ചിരുന്നത് ഷഫ്‌ന ആയിരുന്നു. ഇതേ ചിത്രത്തില്‍ നായകന്റെ സുഹൃത്തായിട്ടാണ് സജിന്‍ എത്തിയത്. സിനിമയില്‍ താരത്തിന്റെ കഥാപാത്രം ശ്രദ്ധിക്കപ്പെട്ടിരുന്നില്ല പിന്നീട് വലിയൊരു ഇടവേളയ്ക്കുശേഷം സ്വാന്തനം എന്ന പാരമ്പരയില്‍ ശിവന്‍ എന്ന കഥാപാത്രത്തെ അവതരിപ്പിച്ചതോടെയാണ് ഈ നടന് ആരാധകരും ഏറെയായത്. ഷെഫ്ന പിന്നാലെ നിരവധി സിനിമകളില്‍ അഭിനയിച്ചുവെങ്കിലും മിനിസ്‌ക്രീനിലൂടെയാണ് ഈ നടി ശ്രദ്ധിക്കപ്പെട്ടത്.