ബിഗ് ബോസ് പ്രതിഫലം മൂന്നിരട്ടിയാക്കി കുത്തനെ ഉയർത്തി സൽമാൻ ഖാൻ. ഇതിപ്പോൾ അഞ്ച് ബിഗ് ബജറ്റ് ചിത്രങ്ങൾക്കുള്ള പൈസ ആണല്ലോ എന്ന് പ്രേക്ഷകർ! ഞങ്ങളുടെ ലാലേട്ടനെ കണ്ടു പഠിക്കൂ എന്ന് മലയാളികളും.

നിരവധി ആരാധകരുള്ള ഒരു സൂപ്പർ ഹിറ്റ് ഷോ ആണ് ബിഗ് ബോസ്. ഷോ പുറത്തിറങ്ങിയ ഒട്ടുമിക്ക ഭാഷകളിലും ഇതൊരു സൂപ്പർ ഹിറ്റ് ആണ്. മിക്ക ഭാഷകളിലും ടി ആർ പി റേറ്റിങ്ങുകളിൽ ഒന്നാം സ്ഥാനത്ത് നിൽക്കുന്നത് ബിഗ് ബോസ് ആണ്. ഇന്ത്യയിൽ ഹിന്ദിയിലാണ് ബിഗ് ബോസ് ആദ്യമായി സംപ്രേഷണം ആരംഭിക്കുന്നത്. ഇതിനകത്ത് തന്നെ ഇതിൻറെ 15 സീസണുകൾ പൂർത്തിയാവുകയും ചെയ്തു.

ഹിന്ദിയിൽ സെപ്റ്റംബർ, ഒക്ടോബർ മാസങ്ങളിലാണ് ബിഗ് ബോസ് ആരംഭിക്കുന്നത്. ഹിന്ദിയിൽ ഷോ അവതരിപ്പിക്കുന്നത് പ്രശസ്ത നടൻ സൽമാൻ ഖാൻ ആണ്. ഇപ്പോഴിതാ വാർത്തകളിൽ നിറയുന്നത് ഇദ്ദേഹത്തിൻറെ പുതിയ സീസണിലേക്കുള്ള പ്രതിഫലം ആണ്. കഴിഞ്ഞ ഏതാനും സീസണുകളിൽ ഇദ്ദേഹത്തിന് പ്രതിഫലത്തിൽ കാര്യമായ വർദ്ധന ഉണ്ടായിരുന്നില്ല എന്ന വാർത്തകൾ ചൂണ്ടിക്കാണിക്കുന്നു.

അതുകൊണ്ടുതന്നെ പുതിയ സീസണിൽ മൂന്നിരട്ടിയായി പ്രതിഫലം താരം ഉയർത്തുകയാണ് എന്നാണ് റിപ്പോർട്ടുകൾ. ഏതാണ്ട് 350 കോടി രൂപയാണ് ഇദ്ദേഹം വാങ്ങുന്ന പ്രതിഫലം എന്നാണ് റിപ്പോർട്ടുകൾ. ഇനി അതിൻറെ മൂന്നിരട്ടി അതായത് ഏതാണ്ട് 1050 കോടി രൂപയാകും അദ്ദേഹത്തിൻറെ ലഭിക്കുക എന്നാണ് വാർത്തകൾ പറയുന്നത്.

എന്നാൽ ഈ വാർത്തയ്ക്ക് ഇതുവരെ ഔദ്യോഗിക സ്ഥിരീകരണം ഒന്നും ആയിട്ടില്ല. ഹിന്ദി ബിഗ് ബോസ് നാലാം സീസൺ മുതലാണ് സൽമാൻ ഖാൻ അവതാരകനായി എത്തുന്നത്. എന്തായാലും പുതിയ വാർത്ത കേട്ട് ഞെട്ടിയിരിക്കുകയാണ് പ്രേക്ഷകർ. മറ്റു ഭാഷകളിൽ ഒന്നും തന്നെ ഇത്രയും പ്രതിഫലം മേടിക്കുന്ന നടന്മാരില്ല.