ആദ്യം പ്രൊപ്പോസ് ചെയ്തത് ഞാനാണ് , തന്നെ മനസ്സിലാക്കി തന്നോടൊപ്പം നില്‍ക്കുന്ന പെണ്‍കുട്ടിയാണ് ആരതി; റോബിന്‍

മലയാളം ബിഗ് ബോസ് സീസണ്‍ ഫോറിലെ വിന്നര്‍ ദില്‍ഷ പ്രസന്നന്‍ ആണെങ്കിലും, മറ്റു പലരുടെ മനസ്സിലെ വിജയ് ഡോക്ടര്‍ റോബിന്‍ രാധാകൃഷ്ണന്‍ ആണ്. സഹ മത്സരാര്‍ത്ഥിയെ തല്ലി എന്ന ഒറ്റ കാരണം കൊണ്ടാണ് റോബിനെ ഷോയില്‍ നിന്ന് പുറത്താക്കിയത്. എന്നാല്‍ പുറത്തുവന്നപ്പോഴും വലിയ നഷ്ടം ഒന്നും റോബിന് ഉണ്ടായിരുന്നില്ല. ഇതിനോടകം മൂന്ന് നാല് സിനിമകളില്‍ അഭിനയിക്കാനുള്ള അവസരം റോബിന് ലഭിച്ചു. ഇപ്പോള്‍ ഏറ്റവും തിരക്കുള്ള വ്യക്തികളില്‍ ഒരാള്‍ കൂടിയാണ് റോബിന്‍.

എത്ര തിരക്കില്‍ ആണെങ്കിലും തന്റെ ആരാധകരെ കാണാന്‍ ഓടി എത്താറുണ്ട് റോബിന്‍. ഈ അടുത്താണ് താന്‍ വിവാഹിതനാവാന്‍ പോകുന്ന കാര്യം റോബിന്‍ പറഞ്ഞത്. നടിയും മോഡലും ഒക്കെയായ ആരതി പൊടിയെയാണ് റോബിന്‍ വിവാഹം കഴിക്കാന്‍ പോകുന്നത്. ഇപ്പോഴിതാ കോഴിക്കോട് ഒരു പരിപാടിയില്‍ പങ്കെടുക്കാന്‍ എത്തിയപ്പോള്‍ ആരാധകരുടെ ചോദ്യത്തിന് ആരതിയെ താനാണ് ആദ്യം പ്രൊപ്പോസ് ചെയ്തതെന്ന് റോബിന്‍ പറഞ്ഞു. തന്നെ മനസ്സിലാക്കി തന്നോടൊപ്പം നില്‍ക്കുന്ന പെണ്‍കുട്ടിയാണ് ആരതി എന്ന് റോബിന്‍ പറഞ്ഞു.

എന്തായാലും റോബിന്‍ മച്ചാന്റെ വിവാഹം അടിച്ചുപൊളിക്കാന്‍ നില്‍ക്കുകയാണ് ആരാധകര്‍. ഫെബ്രുവരിയില്‍ തങ്ങള്‍ വിവാഹിതരാകും എന്ന് റോബിന്‍ ഒരു പരിപാടിക്കിടെ പറഞ്ഞിരുന്നു.

ബിഗ് ബോസില്‍ നിന്ന് പുറത്ത് വന്നപ്പോള്‍ റോബിനെ അഭിമുഖം ചെയ്യാന്‍ എത്തിയതായിരുന്നു ആരതി. എന്നാല്‍ ചോദ്യങ്ങള്‍ ഒന്നും ചോദിക്കാതെ റോബിനെ തന്നെ നോക്കിനില്‍ക്കുന്ന ആരതിയുടെ വീഡിയോ നിമിഷം ന്നേരം കൊണ്ടാണ് വൈറലായത്. പിന്നീട് ഇവര്‍ അടുത്ത സുഹൃത്തുക്കള്‍ ആയി മാറുകയായിരുന്നു. ഇപ്പോള്‍ വിവാഹത്തിലൂടെ ഒന്നിക്കാന്‍ പോവുകയാണ് ഇവര്‍.