അവരെ തള്ളിയിട്ടത് പോലെ റബേക്കയെയും എടുത്തു പൂളില്‍ ഇടണം; വിവാഹ ദിവസം സുഹൃത്തുക്കളെ വെള്ളത്തില്‍ തള്ളിയിട്ടതിന് നടിക്കുന്നേരെ വിമര്‍ശനം

ഏറെ നാളത്തെ പ്രണയത്തിന് ശേഷമാണ് നടി റബേക്ക സന്തോഷും സംവിധായകന്‍ ശ്രീജിത്ത് വിജയനും തമ്മിലുള്ള വിവാഹം നടക്കുന്നത്. എറണാകുളം ഒരു ഹോട്ടലില്‍ വെച്ച് നടന്ന വിവാഹത്തിന്റെ ചിത്രങ്ങളും വീഡിയോയും സോഷ്യല്‍ മീഡിയയില്‍ വൈറല്‍ ആയിരുന്നു. അടുത്ത ബന്ധുക്കളും അതുപോലെ സിനിമ-സീരിയല്‍ നിന്ന് നിരവധി താരങ്ങളും ചടങ്ങില്‍ പങ്കെടുത്തു.

ആഘോഷങ്ങള്‍ക്കിടെ തന്റെ പ്രിയപ്പെട്ട സുഹൃത്തുക്കള്‍ക്ക് റബേക്ക കൊടുത്ത പണിയുടെ വീഡിയോയും സോഷ്യല്‍ മീഡിയയില്‍ എത്തിയിരുന്നു. തനിക്കൊപ്പം നിന്ന് ഫോട്ടോ എടുത്തു കൊണ്ടിരുന്ന നടി ഹരിതയെ റബേക്കാ പൂളിലേക്ക് തള്ളിവിടുകയായിരുന്നു. ഇതിനിടെ നടി പ്രതീക്ഷയും ഹരിതയെ പൂളില്‍ നിന്നും കയറ്റാനായി കൈ കൊടുത്തു. എന്നാല്‍ ഹരിത പ്രതീക്ഷയെയും പൂളിലേക്ക് വലിച്ച് ഇടുകയായിരുന്നു. പിന്നീട് രണ്ടുപേരും പൂളില്‍ നിന്ന് കേറാന്‍ ശരിക്കും കഷ്ട്ടപെട്ടു എന്ന് തന്നെ പറയാം. ഇതിന്റെ വീഡിയോ ആണ് സോഷ്യല്‍ മീഡിയയില്‍ വൈറലായി മാറിയത്.

എന്നാല്‍ ഈ വീഡിയോ ഇപ്പോള്‍ വലിയ വിമര്‍ശനങ്ങള്‍ക്കാണ് വഴിവെച്ചിരിക്കുന്നത്. വിവാഹത്തിന് പങ്കെടുക്കാന്‍ ഒരുങ്ങി വന്ന തന്റെ സുഹൃത്തുക്കളെ ഇത്രയും ആളുകളുടെ മുന്നില്‍ വച്ച് പൂളിലേക്ക് തള്ളിയിട്ടത് ഒട്ടും ശരിയായില്ല എന്നാണ് പ്രേക്ഷകരുടെ അഭിപ്രായം. റബേക്ക ചെയ്തത് തെമ്മാടിത്തരം ആണെന്നും കമന്റ് വരുന്നു. വിളിച്ചുവരുത്തി അപമാനിച്ചു എന്നാണ് മറ്റൊരു വിമര്‍ശനം. അവരെ വെള്ളത്തിലിട്ട് അതുപോലെ റബേക്കയെയും വെള്ളത്തില്‍ എടുത്തിടണും എന്നും വിമര്‍ശകര്‍ പറയുന്നു. അങ്ങനെ വീഡിയോയ്ക്ക് താഴെ നിരവധി വിമര്‍ശനങ്ങളാണ് വന്നുകൊണ്ടിരിക്കുന്നത്.

അതേസമയം ഏഷ്യാനെറ്റില്‍ സംപ്രേക്ഷണം ചെയ്തിരുന്നു കസ്തൂരിമാന്‍ എന്ന പരമ്പരയിലൂടെ നായിക കഥാപാത്രത്തെ അവതരിപ്പിച്ചുകൊണ്ടായിരുന്നു റബേക്കയുടെ വരവ്. ഇതിനുമുമ്പ് മറ്റു പരമ്പരകളില്‍ നടി അഭിനയിച്ചിരുന്നെങ്കിലും കസ്തൂരിമാനിലെ കാവ്യ എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു.