കർണാടകത്തിൽ അനക്കമില്ലാത്ത വാരിസ്, ഷോകൾ വെട്ടിക്കുറച്ചു ; രശ്മിക കാരണം വെട്ടിലായി ദളപതി

വിജയ് നായകനായി ജനുവരി 11ന് റിലീസിനെത്തിയ ചിത്രമാണ് വാരിസ്. വംശി പൈഡിപ്പിള്ളി ഒരുക്കിയ സിനിമ മികച്ച പ്രതികരണം ആയിരുന്നു നേടിയത്.

മൂന്ന് ദിവസം കൊണ്ട് തന്നെ ചിത്രത്തിന്റെ ആഗോള കളക്ഷൻ 100 കോടിക്ക് മുകളിൽ പോയിരിക്കുകയാണ്.

മികച്ച പ്രതികരണം നേടി പ്രദർശനം തുടരുന്ന ചിത്രം, എന്നാൽ കർണാടകത്തിൽ ചലനം ഉണ്ടാക്കുന്നില്ല.

വാരിസിന്‍റെ 291 ഷോകള്‍ കര്‍ണാടകയില്‍ വെട്ടിക്കുറച്ചതായും ന്യൂസ് 18 റിപ്പോർട്ട് ചെയ്യുന്നു. ചിത്രം കർണാടകത്തിൽ ചലനം ഉണ്ടാക്കാത്തതിന് കാരണം നായിക രശ്മിക മന്ദനയാണ് എന്നാണ് വിജയ് ആരാധകർ പറയുന്നത്.

ഒരു അഭിമുഖത്തിനിടെ രശ്മിക ആദ്യ ചിത്രമായ ‘കിരിക് പാർട്ടി’യുടെ വിജയത്തെക്കുറിച്ച് സംസാരിക്കുന്നതിനിടെ, ഋഷഭ് ഷെട്ടിയുടെ പ്രൊഡക്ഷൻ ഹൗസായ പരംവ സ്റ്റുഡിയോയുടെ പേര് പറയാതിരുന്നത് വിവാദങ്ങൾക്ക് വഴിവെച്ചിരുന്നു.

ഇതാണ് നടിയുടെ ചിത്രം കർണാടകയിൽ വിജയിക്കാത്തതിന്റെ കാരണമായി നെറ്റിസൺസ് അഭിപ്രായപ്പെടുന്നത്. എന്നാല്‍ ഈ സംഭവത്തെ കുറിച്ച് കര്‍ണാടകയിലെ തിയേറ്റര്‍ ഉടമകളോ വിതരണക്കാരോ പ്രതികരിച്ചിട്ടില്ല.

വംശി പൈഡിപ്പിള്ളി സംവിധാനം ചെയ്ത് എത്തിയ ചിത്രമാണ് വാരിസ്. തെലുങ്കിലും ആയിട്ടാണ് സിനിമ ഒരുങ്ങിയിരിക്കുന്നത്. രശ്മിക മന്ദനയാണ് ചിത്രത്തിൽ നായികയായി എത്തിയത്.