ആദ്യ കാഴ്ചയില്‍ തന്നെ ഇഷ്ടമായി, ഇതുപോലെ ഒരു പെണ്ണിനെ കെട്ടണമെന്ന് അപ്പോള്‍ തന്നെ പറയുകയും ചെയ്തു; താന്‍ ആഗ്രഹിച്ച ജീവിതം തന്നെ കിട്ടിയെന്ന് റഹ്‌മാന്‍

സംവിധായകന്‍ പത്മരാജന്റെ കണ്ടെത്തലായിരുന്നു നടന്‍ റഹ്‌മാന്‍. എണ്‍പതുകളിലും തൊണ്ണൂരുകളിലും മലയാള സിനിമയിലെ ഏറ്റവും താരമൂല്യമുള്ള സൂപ്പര്‍താരങ്ങളില്‍ ഒരാളായിരുന്നു റഹ്‌മാന്‍ തമിഴ്, തെലുങ്ക് ഭാഷകളിലേക്ക് കളം മാറ്റിയതോടെ മലയാളത്തില്‍ ഇടവേള എടുത്തു. തമിഴ്, മലയാളം, തെലുങ്ക് ഭാഷകളിലായി നൂറ്റമ്പതിലേറെ ചിത്രങ്ങളില്‍ നായകന്‍, ഉപനായകന്‍ വേഷങ്ങള്‍ ചെയ്തു ഇദ്ദേഹം.

ഇപ്പോള്‍ തന്റെ വിവാഹത്തെ കുറിച്ചും ഭാര്യം മെഹറുന്നിസയെ കുറിച്ചും ആണ് താരം പറയുന്നത്, ആദ്യ കാഴ്ചയില്‍ തന്നെ തനിക്ക് മെഹറുന്നിസയെ ഇഷ്ടമായെന്ന് നടന്‍ പറഞ്ഞു. അപ്പോള്‍ തന്നെ , കെട്ടുകയാണെങ്കില്‍ ഇതുപോലെ ഒരു പെണ്ണിനെ കെട്ടണമെന്ന് താന്‍ സുഹൃത്തിനോട് പറഞ്ഞുവെന്നും റഹ്‌മാന്‍ പറഞ്ഞു.

പിന്നെ സുഹൃത്താണ് അവരുടെ അഡ്രസ്സൊക്കെ തപ്പിയെടുത്ത് പോയി വീട്ടുകാരോട് സംസാരിച്ചത്. ആ സമയത്ത് വീട്ടില്‍ വിവാഹാലോചന നടന്നുകൊണ്ടിരിക്കുകയായിരുന്നു. എന്നാല്‍ ഞാന്‍ അതിനെ എതിര്‍ത്തിരുന്നു. ബാച്ചിലര്‍ ലൈഫിലെ ഫ്രീഡം പോവുമോ എന്നൊക്കെയുള്ള ആശങ്കയായിരുന്നു അതിന്‍രരെ കാരണം.

വിവാഹം എന്നു പറഞ്ഞാല്‍ രണ്ടാം ജീവിതമാണ് , എന്നെപ്പോലെ ഒരാള്‍ക്ക് പെണ്ണ് കിട്ടില്ല എന്നൊക്കെ ചിലര്‍ പറഞ്ഞിരുന്നു. എന്നാല്‍ പെണ്ണ് ജീവിതത്തില്‍ വന്നു കഴിഞ്ഞാല്‍ ജീവിതം മാറും എന്നൊക്കെ പറഞ്ഞു കേട്ടിട്ടുണ്ട് , എല്ലാം മാതാപിതാക്കളുടെ അനുഗ്രഹമാണ് റഹ്‌മാന്‍ പറഞ്ഞു. തന്റെ തിരഞ്ഞെടുപ്പ് ശരിയായിരുന്നു , മനോഹരമായ ജീവിതം തന്നെ തനിക്ക് കിട്ടി എല്ലാം ദൈവത്തിന്റെ അനുഗ്രഹം എന്നും താരം കൂട്ടിച്ചേര്‍ത്തു.