ഇതെന്താ രാജാരവിവർമ്മ ചിത്രങ്ങളാണോ? വൈറലായി സാന്ദ്ര തോമസിൻ്റെ കുടുംബചിത്രം.

സാന്ദ്ര തോമസിനെ മലയാളികൾക്ക് പരിചയപ്പെടുത്തേണ്ട ആവശ്യമില്ല. ഒരു നിർമാതാവ് എന്ന നിലയിലും നടിയെന്ന നിലയിലും എല്ലാം പ്രേക്ഷകർക്കിടയിൽ സുപരിചിതയാണ് സാന്ദ്ര. നെറ്റിപ്പട്ടം എന്ന ചിത്രത്തിലൂടെയാണ് സാന്ദ്ര അഭിനയത്തിലേക്ക് കടക്കുന്നത് . ആമേൻ, സക്കറിയയുടെ ഗർഭിണികൾ എന്നീ ചിത്രങ്ങളിലെ കഥാപാത്രം ഏറെ ശ്രദ്ധിക്കപ്പെട്ടു.
താരം നിർമ്മാണം തുടങ്ങുന്നത് നടനും സംവിധായകനുമായ വിജയ് ബാബുവിന് ഒപ്പമായിരുന്നു. പിന്നീട് ഇരുവരും വേർപിരിഞ്ഞു. വിൽസൺ ജോൺ തോമസ് ആണ് സാന്ദ്രയുടെ പങ്കാളി. ഇരുവരും 2016 ലാണ് വിവാഹിതരായത്.

സാന്ദ്ര സോഷ്യൽ മീഡിയയിൽ എല്ലാം തന്നെ വളരെയധികം ആക്ടീവ് ആണ്. ആരാധകരുമായി തൻറെയും മക്കളുടെയും എല്ലാം വിശേഷങ്ങൾ പങ്കുവയ്ക്കാൻ സാന്ദ്ര ശ്രദ്ധിക്കാറുണ്ട്.
മക്കൾ ഉണ്ടായതിൽ പിന്നെ കൂടുതലായും മക്കളുടെ വിശേഷങ്ങൾ ആണ് താരം പങ്കു വയ്ക്കാറ്. ഇരട്ടക്കുട്ടികളാണ് ആണ് സാന്ദ്ര വിൽസൺ ദമ്പതികൾക്ക്. ഉമ്മിണിത്തങ്ക ഉമ്മുക്കുലുസു എന്നാണ് മക്കളെ ഇരുവരും വീട്ടിൽ വിളിക്കുന്നത്.

മക്കളുടെ വിശേഷങ്ങളും താരം ഇടയ്ക്കിടെ പങ്കുവയ്ക്കാറുണ്ട്. നിരവധി ആരാധകരാണ് മക്കൾക്ക് ഉള്ളത്. ഇപ്പോഴിതാ ഇതാ മറ്റ് ചില ചിത്രങ്ങളാണ് സാമൂഹിക മാധ്യമങ്ങളിൽ ശ്രദ്ധനേടുന്നത്. കുടുംബത്തോടൊപ്പമുള്ള സാന്ദ്രയുടെ ഫോട്ടോഷൂട്ട് ചിത്രങ്ങൾ ശ്രദ്ധ നേടുകയാണ്. മക്കളുടെ ജന്മദിനത്തോട് അനുബന്ധിച്ചാണ് ബംഗാളി തീമിൽ താരം ഫോട്ടോ ഷൂട്ട് നടത്തിയത്. എന്തായാലും ആരാധകർ ചിത്രം ഏറ്റെടുത്തു.

നിരവധി രസകരമായ കമൻറുകൾ ഈ ചിത്രത്തിന് വരുന്നുണ്ട്. ഇതിപ്പോൾ സാമൂഹ്യ മാധ്യമങ്ങളിൽ വൈറലായി കൊണ്ടിരിക്കുകയാണ്. സിനിമയിൽ വീണ്ടും സജീവമാവുകയാണ് സാന്ദ്ര ഇപ്പോൾ. പുതിയ പ്രൊഡക്ഷൻ കമ്പനിയുമായി മലയാളത്തിൽ സജീവമാകാൻ ആണ് താരം തീരുമാനിച്ചിരിക്കുന്നത്. സാന്ദ്ര തോമസ് പ്രൊഡക്ഷൻ കമ്പനി എന്നാണ് ഈ കമ്പനിക്ക് പേരിട്ടിരിക്കുന്നത്.