മരക്കാർ ഉടനില്ല, തിയറ്റർ തുറന്ന് ആദ്യ ചിത്രമാകാൻ സ്റ്റാർ

അബാം മൂവീസിന്റെ ബാനറിൽ എബ്രഹാം മാത്യൂ നിർമ്മിച്ച് ഡോമിൻ ഡി സിൽവയുടെ സംവിധാനത്തിൽ പ്രിത്വിരാജ് ജോജു ജോർജ്ജ്, ഷീലു എബ്രഹാം എന്നിവർ പ്രധാന വേഷത്തിലെത്തുന്ന സ്റ്റാർ റിലീസിനു ഒരുങ്ങുന്നു

കഴിഞ്ഞദിവസം നടന്ന കോവിഡ് അവലോകന യോഗത്തിനു ശേഷം സിനിമാ പ്രേക്ഷകരെ ആകെ ആവേശം കൊള്ളിക്കുന്ന പ്രതികരണവുമായി സാംസ്കാരികമന്ത്രി സജി ചെറിയാൻ വന്നിരുന്നു. ഒക്ടോബറോട് കൂടി തീയറ്റർ തുറക്കുമെന്ന് പ്രതികരണം വന്നതോടെ തിയറ്ററിൽ ആദ്യ ചിത്രമായി പൃഥ്വിരാജ് -ജോജു ജോർജ്ജ്-ഷീലു എബ്രഹാം ചിത്രം സ്റ്റാർ എത്തുമെന്നാണ് നിർമ്മാതാക്കൾ പറഞ്ഞത്. പൈപ്പിൻ ചുവട്ടിലെ പ്രണയത്തിന് ശേഷം ഡോമിൻ ഡി സിൽവ സംവിധാനം ചെയ്യുന്ന സ്റ്റാറിന്റെ തിരക്കഥ സുവിൻ എസ് സോമശേഖരനാണ്.ഷീ ടാക്സി,പുതിയ നിയമം,സോളോ,കനൽ, പുത്തൻ പണം,ശുഭരാത്രി, പട്ടാഭിരാമൻ, തുടങ്ങിയ ചിത്രങ്ങൾക്ക് ശേഷം അബാം നിർമ്മിക്കുന്ന ചിത്രത്തിൽ മികച്ചൊരു താരനിര തന്നെ അണിനിരക്കുന്നുണ്ട്.

എം ജയചന്ദ്രനും രഞ്ജിൻ രാജും സംഗീതസംവിധാനം ചെയ്തിരിക്കുന്ന സ്റ്റാറിന്റെ ബാക്ഗ്രൗണ്ട് മ്യൂസിക് വില്യം ഫ്രാൻസിസ് ആണ്. തരുൺ ഭാസ്കരൻ ക്യാമറയും ലാൽകൃഷ്ണൻ എസ് അച്യുതം എഡിറ്റിംഗിങ്ങും നിർവ്വഹിച്ചിരിക്കുന്നു റിച്ചാർഡ് പ്രൊഡക്ഷൻ കൺട്രോളറും ഫിനാൻസ് കൺട്രോളർ ആയി അമീർ കൊച്ചിനും ചിത്രത്തിലുണ്ട് .മീഡിയ മാർക്കറ്റിങ് അരുൺ പൂക്കാടൻ. ക്ളീൻ U സർട്ടിഫിക്കറ്റ് ആണ് ചിത്രത്തിന്.