ഡ്രൈവിംഗ് ലൈസൻസ് എന്ന തന്റെ പുതിയ ചിത്രത്തിന്റെ പ്രൊമോഷൻ വർക്കുകൾക്കിടയിലാണ് മമ്മൂക്കയെ കുറിച്ച് പൃഥ്വിരാജ് മനസ്സ് തുറന്നത്. മോഹൻലാൽ, സൂര്യ,വിജയ് എന്നിവരെ കുറിച്ചെല്ലാം പൃഥ്വിരാജ് പറഞ്ഞ വാക്കുകൾ ഏറെ ശ്രദ്ധ പിടിച്ചു പറ്റിയിരുന്നു.ചെറുപ്പകാലം മുതലേ മമ്മുക്കയേയും ലാലേട്ടനേയും ഒരുപാട് തവണ കണ്ടിട്ടുണ്ട്. കുടുംബ പരമായി അമ്മയുടെ ഫാമിലിയും ലാലേട്ടന്റെ ഫാമിലിയും ആണ് അടുപ്പമുള്ളതെങ്കിലും ഞാൻ ചെറുപ്പത്തിൽ ഏറ്റവും കൂടുതൽ സമയം ചെലവഴിച്ചിട്ടുള്ള മറ്റൊരു നടന്റെ വീട് മമ്മുക്കയുടേതാണ്. 1980 കളിൽ തന്നെ മലയാളത്തിലെ ഏറ്റവും നല്ല വാഹനങ്ങൾ ഉള്ള, സ്റ്റൈൽ ഫോളോ ചെയ്തിരുന്ന സൂപ്പർ സ്റ്റാർ മമ്മുക്കയാണ്.
ഇന്നും അതിനൊരു മാറ്റവുമില്ല. മമ്മൂക്കയെ പോലെ ഇത്ര ജെനുവിൻ ആയ മനുഷ്യൻ വളരെ കുറവായിരിക്കും. ദേഷ്യം വന്നാൽ ചീത്ത വിളിക്കും. എന്നാൽ അതുപോലെ സ്നേഹം തോന്നിയാൽ സ്വന്തം കൈ കൊണ്ട് നമ്മുക്ക് ഭക്ഷണം വിളമ്പി തരുന്ന ഒരാളാണ് അദ്ദേഹം. ഒരുപാട് രാജ്യങ്ങൾ കണ്ടിട്ടുള്ള, വലിയ വിദ്യാഭ്യാസം ഉള്ള ആളാണ് എങ്കിലും ഇന്നും അദ്ദേഹത്തിന്റെ ഉള്ളിൽ ഒരു മലയാളി ഗ്രാമീണനുണ്ട്. മമ്മുക്ക ലോകത്തെ മികച്ച നടന്മാരിൽ ഒരാളാണ്. എല്ലാവരേയും പോലെ അദ്ദേഹത്തെ വെച്ചും ഒരു സിനിമ ചെയ്യാൻ താല്പര്യമുണ്ട്. അതിന്റെ ഒരു ചിന്ത മനസ്സിലുണ്ട്. അത് നന്നായി വന്നാൽ അദ്ദേഹത്തെ സമീപിക്കും. മമ്മൂട്ടി എന്ന നടന്റെ അധ്വാനവും പാഷനും ഏതു ഫീൽഡിൽ ഉള്ളവർക്കും ഒരു പ്രചോദനമാണ്.
