കുറിച്ചു വെച്ചോളൂ, ഒരു സൂപ്പർതാരത്തിൻ്റെ പിറവി ആണിത് – പ്രേം നസീർ ഇങ്ങനെ പറഞ്ഞ നടന് പിന്നീട് ജീവിതത്തിൽ സംഭവിച്ചത് എന്തെന്ന് അറിയുമോ?

മലയാളത്തിലെ എന്നല്ല ഇന്ത്യൻ സിനിമയിലെ അഭിനയ കുലപതി ആണ് മോഹൻലാൽ. തൻറെ സൂക്ഷ്മ ഭാവങ്ങളിലൂടെ ആരെയും വിസ്മയിപ്പിക്കുന്ന അഭിനേതാവ്. അത്രയും അനായാസമായാണ് മോഹൻലാൽ അഭിനയിക്കുന്നത്. മഞ്ഞിൽ വിരിഞ്ഞ പൂവ് എന്ന ചിത്രത്തിലൂടെയാണ് മോഹൻലാൽ അഭിനയത്തിലേക്ക് കാലെടുത്തു വെക്കുന്നത്.

ഇപ്പോൾ നാൽപതോളം വർഷങ്ങൾക്ക് മേലെയായി മലയാളം ഇൻഡസ്ട്രി ഭരിക്കുകയാണ് താരം. മലയാളത്തിൻ്റെ തന്നെ അഭിമാനവും അഹങ്കാരവും ആണ് മോഹൻലാൽ ഇന്ന്. ടൈംസ് മാഗസിൻ അദ്ദേഹത്തെ ഇന്ത്യൻ സിനിമയുടെ മർലോൺ ബ്രാൻഡോ എന്ന് വിശേഷിപ്പിച്ചത് വെറുതെയല്ല. മലയാളത്തിലെ പല റെക്കോർഡുകളും അദ്ദേഹത്തിൻ്റെ പേരിലാണ്. ഏറ്റവും കൂടുതൽ ദേശീയ അവാർഡുകൾ കരസ്ഥമാക്കിയ ലിസ്റ്റിലും മുൻപന്തിയിലാണ് മോഹൻലാലിൻറെ പേര്. ഇപ്പോഴിതാ മറ്റൊരു കൗതുകകരമായ വാർത്തയാണ് പുറത്തുവരുന്നത്.

മഞ്ഞിൽ വിരിഞ്ഞ പൂവ് എന്ന ചിത്രം സംവിധാനം ചെയ്തത് ഫാസിലാണ്. ഫാസിൽ സംവിധാനം ചെയ്ത ഈ ചിത്രം കണ്ട മറ്റൊരു മഹാനടൻ മോഹൻലാലിൻറെ ആധിപത്യത്തെ കുറിച്ച് വിധി എഴുതിയിരുന്നു എന്നതാണ് വസ്തുത. മലയാളത്തിൻ്റെ സ്വന്തം നിത്യഹരിത നായകനായ പ്രേം നസീർ ആണത്. ചിത്രത്തിൻറെ നിർമ്മാതാവായ നവോദയ അപ്പച്ചൻ്റെ ക്ഷണപ്രകാരം പ്രീമിയർ ഷോയിൽ പ്രേംനസീർ സിനിമ കണ്ടിരുന്നു. സിനിമ കണ്ടിറങ്ങിയ ശേഷമാണ് പ്രേംനസീർ ആ പ്രവചനം നടത്തിയത്. ഇക്കാര്യം പറയുന്നത് അസിസ്റ്റൻറ് ഡയറക്ടറും സൗബിൻ്റെ പിതാവുമായ ബാബു ഷഹീർ ആണ്. അന്ന് താരം പറഞ്ഞത് ഇങ്ങനെ.

കുറച്ചു വെച്ചോളൂ മോഹൻലാലിൻറെ വളർച്ച പെട്ടെന്നായിരിക്കും. ഇയാൾ സൂപ്പർ താരം ആവാൻ അധികസമയം എടുക്കില്ല. ഫാസിൽ മോഹൻലാൽ കൂട്ടുകെട്ടിൽ ഒരുപാട് സൂപ്പർ ഹിറ്റ് ചിത്രങ്ങൾ പിറക്കും. പ്രേംനസീറിൻ്റെ വാക്കുകൾ അതേപടി സംഭവിച്ചു എന്ന് വേണം പറയാൻ. ഒരുപക്ഷേ ഇന്ത്യൻ സിനിമയിലെ തന്നെ ഇതിഹാസ തുല്യനാണ് മോഹൻലാലിന്ന്.