ഈ ചിത്രം ഓർമ്മയുണ്ടോ പെൺകുട്ടികളെ? – അഞ്ചു വർഷങ്ങൾക്ക് മുൻപത്തെ ചിത്രങ്ങൾ പങ്കുവച്ച് പൂർണിമ ഇന്ദ്രജിത്ത്, ഏതു പരിപാടിയുടെ ചിത്രങ്ങൾ ആണെന്ന് അറിയുമോ?

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് പൂർണിമ ഇന്ദ്രജിത്ത്. ഒരുകാലത്ത് മലയാളസിനിമയിലെ നിറസാന്നിധ്യമായിരുന്നു ഇവർ. എന്നാൽ പിന്നീട് വിവാഹം കഴിഞ്ഞതോടെ സിനിമയിൽ നിന്നും അകന്നു നിൽക്കുകയായിരുന്നു ഇവർ. പിന്നീട് മഴവിൽ മനോരമയിലെ ഒരു അഭിമുഖം പരിപാടിയിലൂടെ ആയിരുന്നു താരം തിരിച്ചു വന്നത്. പിന്നീട് ഡബിൾ ബാരൽ, വൈറസ് എന്നീ സിനിമകളിലൂടെ സിനിമയിലും ശക്തമായ തിരിച്ചുവരവ് നടത്തിയ താരം.

ഇപ്പോൾ നിവിൻ പോളി നായകനായി അഭിനയിക്കുന്ന തുറമുഖം എന്ന ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത് പൂർണിമ ആണ്. രാജീവ് രവി ആണ് തുറമുഖം സംവിധാനം ചെയ്യുന്നത്. നിവിൻ പോളിയുടെ കരിയറിലെ ഏറ്റവും വലിയ വഴിത്തിരിവുകളിൽ ഒന്നായി മാറും ഈ ചിത്രം എന്നാണ് കരുതപ്പെടുന്നത്. ഇന്ദ്രജിത്ത്, നിമിഷ സജയൻ അടക്കമുള്ള താരങ്ങൾ തുറമുഖം എന്ന ചിത്രത്തിൽ ഒന്നിക്കുന്നുണ്ട്. അതുകൊണ്ടുതന്നെ മലയാളികൾക്ക് ഈ ചിത്രത്തിൽ ഏറെ പ്രതീക്ഷയാണുള്ളത്.

സമൂഹമാധ്യമങ്ങളിൽ ഏറെ സജീവമാണ് പൂർണിമ. തൻറെ പുതിയ ജീവിത വിശേഷങ്ങളും സിനിമ വിശേഷങ്ങളും എല്ലാം പൂർണിമ നിരന്തരം ആരാധകരുമായി പങ്കുവയ്ക്കാറുണ്ട്. ഇപ്പോൾ താരം ഇൻസ്റ്റഗ്രാമിൽ പങ്കുവെച്ചിരിക്കുന്ന ഏറ്റവും പുതിയ ചിത്രമാണ് ചർച്ചാവിഷയമായി മാറിയിരിക്കുന്നത്. ഗീതു മോഹൻദാസ്, മഞ്ജു വാര്യർ, സംയുക്ത മേനോൻ എന്നിവർക്കൊപ്പം നിൽക്കുന്ന ചിത്രമാണ് പൂർണിമ ഇന്ദ്രജിത്ത് പങ്കുവെച്ചത്.

അഞ്ചു വർഷങ്ങൾക്ക് മുൻപ് എടുത്ത ചിത്രങ്ങൾ ആണ് ഇത് എന്ന ചിത്രത്തിന് നൽകിയ ക്യാപ്ഷനിൽ താരം പറയുന്നു. ഡൽഹിയിൽ വച്ചാണ് ചിത്രങ്ങൾ എടുത്തിരിക്കുന്നത് എന്നും ചിത്രത്തിൽ പറയുന്നുണ്ട്. എന്നാൽ ഏതു പരിപാടിക്ക് വേണ്ടിയാണ് ഇവർ ഡൽഹിയിൽ ഒത്തുകൂടിയത് എന്നത് വ്യക്തമല്ല. നടി ഭാവനയുടെ വിവാഹത്തിനു വേണ്ടിയാണ് എന്ന് കമൻറുകളിൽ ചിലർ അഭിപ്രായപ്പെടുന്നുണ്ട്. എന്നാൽ സംഗതി അതല്ല എന്നാണ് മറ്റുചിലർ മറുപടി നൽകിയിരിക്കുന്നത്.