മാതൃത്വത്തിൻ്റെ ഓരോ നിമിഷവും പരമാവധി ആഘോഷിച്ച് പേർളി മാണി, നിറവയറുമായി നൃത്തം ചെയ്യുന്ന വീഡിയോ വൈറൽ

മലയാളികൾക്ക് ഏറെ സുപരിചിതയായ താരങ്ങളിലൊരാളാണ് പേർളി മാണി. റിയാലിറ്റി ഷോ മേഖലയിലൂടെയാണ് പേർളി മാണി മലയാളികൾക്ക് പ്രിയപ്പെട്ട താരമായി വളരുന്നത്. പിന്നീട് നിരവധി റിയാലിറ്റി ഷോകളിൽ അവതാരികയായി താരം എത്തി. മലയാളത്തിലെ ഏറ്റവും ജനപ്രിയ റിയാലിറ്റി ഷോകളിൽ ഒന്നായ ബിഗ് ബോസിൽ മത്സരാർത്ഥി ആയി താരം എത്തിയിരുന്നു.

ബിഗ് ബോസിലെ തന്നെ മറ്റൊരു മത്സരാർത്ഥിയായ ശ്രീനിഷ് അരവിന്ദ് ആണ് പേർലിയുടെ ഭർത്താവ്. ബിഗ് ബോസ്സ് വേദിയിൽ നിന്നും ആണ് ഇരുവരും തമ്മിൽ പരിചയപ്പെടുന്നതും പിന്നീട് പ്രണയത്തിലാകുന്നതും. മലയാളികൾ ഏറെ ആഘോഷത്തോടെ ഏറ്റെടുത്ത വിവാഹങ്ങളിൽ ഒന്നായിരുന്നു ഇവരുടേത്. ഇപ്പോൾ ഇരുവരും അവരുടെ ആദ്യത്തെ കുഞ്ഞിനെ വരവേൽക്കാൻ ഒരുങ്ങുകയാണ്.

സമൂഹമാധ്യമങ്ങളിൽ വളരെ സജീവമാണ് പേർളി മാണി. താരത്തിൻ്റെ പുതിയ വിശേഷങ്ങൾ എല്ലാം തന്നെ ആരാധകരുമായി നിരന്തരം പങ്കുവയ്ക്കാറുണ്ട്. എന്നാൽ ഇതിനടിയിൽ എല്ലാം വലിയ രീതിയിലുള്ള വിമർശനങ്ങൾ വരാറുണ്ട്. എന്നാൽ അതിനെയൊന്നും കാര്യമാക്കുന്നില്ല എന്ന് താരം തന്നെ പല ആവർത്തി വ്യക്തമാക്കി കഴിഞ്ഞതാണ്. ഇപ്പോൾ പുതിയ മെറ്റേണിറ്റി ഡാൻസ് വീഡിയോ പുറത്തിറക്കിയിരിക്കുകയാണ് പേർളി മാണി.

നിറവയറുമായി നൃത്തം ചെയ്യുന്ന വീഡിയോ ആണ് ഇപ്പോൾ താരം യൂട്യൂബിൽ അപ്ലോഡ് ചെയ്തിരിക്കുന്നത്. നിമിഷങ്ങൾക്കകം തന്നെ വീഡിയോ വൈറലായി മാറി. വളരെ മികച്ച അഭിപ്രായങ്ങളാണ് വീഡിയോയുടെ താഴെ വന്നു കൊണ്ടിരിക്കുന്നത്. വിമർശനങ്ങളെ ഒന്നും കാര്യമാക്കാതെ തൻറെ ഗർഭകാലം പരമാവധി ആഘോഷിക്കുകയാണ് പേർളി മാണി.