ടിക്ക് ടോക്കിലൂടെ സീരിയല്‍ രംഗത്തേക്ക്; പാടാത്ത പൈങ്കിളിയിലെ ദേവന്‍ ഇന്ന് കുടുംബ പ്രേക്ഷകരുടെ പ്രിയങ്കരന്‍; നടന്‍ സൂരജ് ആരാണെന്ന് അറിയണ്ടേ; താരത്തിന്റെ വിശേഷങ്ങള്‍ അറിയാം

ഏഷ്യാനെറ്റില്‍ സംപ്രേക്ഷണം ചെയ്യുന്ന ജനപ്രിയ സീരിയലാണ് പാടാത്ത പൈങ്കിളി. അനാധയായ കണ്‍മണി എന്ന പെണ്‍കുട്ടിയുടെ ജീവിതവും ഇതിനോട് അനുബന്ധിച്ചുള്ള കഥാവഴികളുമാണ് സീരിയല്‍ മുന്നോട്ട് വയ്ക്കുന്ന പ്രമേയം.

ചിത്രത്തില്‍ വേലക്കാരിയായി കടന്നെത്തുന്ന കണ്‍മണിയുടെ വേഷം കൈകാര്യം ചെയ്യുന്നത് മനീഷയാണ്. നിരവധി ആരാധകരാണ് ഈ കഥാപാത്രത്തിനും സീരിയലിനുമുള്ളത്. സീരിയലിലെ നായികയെ പോലെ തന്നെ ശ്രദ്ധാകേന്ദ്രമാണ് നായക റോളിലെത്തുന്ന സൂരജിന്റെ ദേവ എന്ന കഥാപാത്രവും.

പുതുമുഖ താരങ്ങള്‍ക്ക് ലഭിക്കാവുന്ന ഏറ്റവും മികച്ച ചുവട്വയ്പ്പ് തന്നെയായിരുന്നു ഈ സീരിയലിലൂടെ ഇരുകഥാുപാത്രങ്ങള്‍ക്കും ലഭിച്ചത്.ടിക്ക് ടോക്കിലൂടെയും യൂട്യൂബിലൂടെയും അഭിനയസലോകത്തേക്ക് നടന്ന് കയറിയ സൂരജ് ഇപ്പോള്‍ അറിയപ്പെടുന്നത് പോലും പാടാത്ത പൈങ്കിളിയിലെ ശ്രദ്ധേയമായ കഥാപാത്രത്തിലൂടെയാണ്.

സൂരജിനെ പരിചയമുണ്ടെങ്കിലും ഈ നടന്‍ ആരാണ് എന്ന് ആര്‍ക്കും അറിയില്ല. ഇപ്പോഴിതാ ചര്‍ച്ചയായി മാറുന്നത് സൂരജ് അംബികയുടെ ആരാണ് എന്ന ചോദ്യമാണ്. ഇരുവരും മുന്‍പ് പരസ്യചിത്രങ്ങളില്‍ ഒരുമിച്ച് എത്തിയിട്ടുണ്ടെങ്കിലും സീരിയലിലേക്കുള്ള കടന്ന് വരവിന് അവസരമൊരുക്കിയത്
നടി അംബിക തന്നെയായിരുന്നു. പരസ്യത്തിലെ പരിചയം വഴിയാണ് അംബിക സൂരജിന് സീരിയല്‍ രംഗത്തേക്ക് ക്ഷണിച്ചത്. ഉടന്‍ തന്നെ സൂരജ് അഭിനയിക്കാന്‍ സന്നദ്ധനാണെന്ന് അറിയിക്കുകയും ചെയ്തു.

കണ്ണൂര്‍ പാനൂര്‍ കല്ലിക്കണ്ടി സ്വദേശിയായ സൂരജ് വിവാഹിതനും ഒരു കുട്ടിയുടെ അച്ഛനുമാണ് .അമ്മയും അച്ഛനും ഭാര്യയും കുട്ടിയും അടങ്ങുന്നതാണ് സൂരജിന്റെ കുടുംബം. ഉണ്ണി മുകുന്ദന്റെ ഛായയാണ് താരത്തിനുള്ളതെന്ന് ആരാധകര്‍ പറയുന്നത്. സീരിയലില്‍ ശ്രദ്ധേയമായ വേഷം കൈകാര്യം ചെയ്തതോടെ താരത്തിന് ആരാധകരും ഏറിയിട്ടുണ്ട്.