നോമ്പിന്റെ ഭാഗമായി കടകള് അടച്ചിടുന്നതിനെ വിമര്ശിച്ച് സംവിധായകന് ഒമര് ലുലു എത്തിയിരുന്നു. നമ്മള് ജീവിക്കുന്നത് വ്യത്യസ്ത വിശ്വാസങ്ങള് ഉള്ള ജനങ്ങളുടെ ഇടയിലാണെന്നും തങ്ങളുടെ മതവിശ്വാസം മറ്റുള്ളവര്ക്ക് ബുദ്ധിമുട്ട് ആകരുതെന്നും ഒമര് പറഞ്ഞിരുന്നു.
മലപ്പുറം ഭാഗങ്ങളില് കട അടച്ചിടുന്നതിനോട് യോജിപ്പ് ഇല്ലെന്നും ഒമര് പറഞ്ഞിരുന്നു. സംവിധായകന്റെ തുറന്ന് പറച്ചിലിന് പിന്നാലെ വലിയ വിമര്ശനം സംവിധായകന് എതിരെ ഉയര്ന്നിരുന്നു.
ഇപ്പോഴിത തനിക്ക് എതിരെ വരുന്ന വിമര്ശനങ്ങളില് പ്രതികരിച്ച് എത്തിയിരിക്കുകയാണ് ഒമര് ലുലു. സോഷ്യല് മീഡിയ പോസ്റ്റിലൂടെയായിരുന്നു ഒമറിന്റെ വാക്കുകള്.
ഇസ്ലാം എന്ന അറബിക്ക് വാക്കിന്റെ അര്ത്ഥം ‘സമാധാനം’ എന്നാണെന്നും ഒരാളെ ഒരു കാര്യം നിര്ബന്ധിച്ച് പട്ടാളച്ചിട്ട പോലെ ചെയ്യിപ്പിച്ചാല് അയ്യാള്ക്ക് ‘സമാധാനം’ കിട്ടുമോ എന്നും ഒമര് ലുലു തന്റെ ഫേസ്ബുക്ക് പോസ്റ്റില് ചോദിക്കുന്നു.
ഒമറിന്റെ വാക്കുകള് ഇങ്ങനെ-
നീ മുസ്ലിം ആണോ അതേ എന്ന് പറഞ്ഞാ അടുത്ത ചോദ്യം നീ എന്ത് മുസ്ലീം ? നോമ്പ് എടുക്കാത്ത, അഞ്ച് നേരം നമസ്കരിക്കാത്ത, പള്ളിയില് പോകാത്ത നീ എങ്ങനെ ഇസ്ലാം ആവുക ?
നീ ആരാ മുസ്ലിംകള് കാലത്തിന് അനുസരിച്ച് മാറണം എന്ന് പറയുവാന്.എന്റെ ഇന്ബോക്സ് മുഴുവന് ഇങ്ങനെ ഒരുപാട് ചോദ്യങ്ങള് വരുന്നുണ്ട് അവര്ക്കായി.
ഞാന് മനസ്സിലാക്കിയ ഇസ്ലാം എന്നത് വളരെ ലളിതമാണ്,എനിക്ക് അത് ഒരു ഐഡിയോളജിയാണ് നിര്ബന്ധപ്പൂര്വമായ അരാധന രീതികളോ വസ്ത്രധാരണയോ അല്ലാ ഇസ്ലാം??.
1)ഇസ്ലാം എന്ന അറബിക്ക് വാക്കിന് തന്നെ അര്ത്ഥം ‘സമാധാനം’ എന്നാണ് it’s a peace of mind.
ഒരാളെ ഒരു കാര്യം നിര്ബന്ധിച്ച് പട്ടാളച്ചിട്ട പോലെ ചെയ്യിപ്പിച്ചാല് അയ്യാള്ക്ക് ‘സമാധാനം’ കിട്ടുമോ ?
2)ഞാന് എന്ത് വേഷം ധരിച്ചാലോ,കള്ള് കുടിച്ചാലോ,നോമ്പ് നോറ്റാലോ,നിസ്കരിച്ചാലോ,
പള്ളിയില് പോയാലോ,
ഹജ്ജ് ചെയ്താലോ ഇല്ലെങ്കിലോ മറ്റൊരാളെ ബാധിക്കുന്നില്ല. അതിന്റെ എല്ലാ ഗുണവും ദോഷവും എനിക്ക് തന്നെ അത് കൊണ്ട് അത് ഞാനും പടച്ചവനും തമ്മില് പറഞ്ഞോളാം??.
3)അതേ സമയം ഞാന് സക്കാത്ത് കൊടുക്കാറുണ്ടോ?
ഉണ്ടെങ്കില് എന്ത് കൊടുത്തു എത്ര കൊടുത്തു എന്ന് ആരും ഇതുവരെ എന്നോട് ചോദിച്ചിട്ട് ഇല്ലാ.ഞാന് ഇസ്ലാം എന്ന് പറഞ്ഞിട്ട് സകാത്ത് കൊടുക്കുന്നിലെങ്കില് നിങ്ങള് ചോദിച്ചോ കാരണം സകാത്ത് അത് കിട്ടുന്ന ആള്ക്ക് ഉപകാരം ഉള്ള കാര്യമാണ്..
ശരിക്കും മറ്റൊരാള്ക്ക് ഉപകാരം കിട്ടുന്ന കാര്യങ്ങള് അല്ലേ നമ്മള് പരസ്പരം ചോദിക്കേണ്ടത്.
ഈ ലോകത്ത് എല്ലാവരും ആഗ്രഹിക്കുന്നത് സമാധാനമാണ്,ഇസ്ലാം എന്ന വാക്കിന്റെ അര്ത്ഥവും സമാധാനം എന്നാണ്.അത്കൊണ്ട് നമ്മുക്ക് സമാധാനം കിട്ടുന്ന കാര്യങ്ങള് ചെയ്യുക,ഹാപ്പിയായി ജീവിക്കുക മരിക്കുക ഇതാണ് ഞാന് മനസ്സിലാക്കിയ എന്റെ ഇസ്ലാം എന്റെ സമാധാനം ??.