തൊണ്ണൂറുകളിലെ ലാലേട്ടനെ പോലോരു നടന്‍ വേറെയാരുമില്ല, പൃഥിരാജിനൊന്നും കഴിയില്ല; വൈറലായി ഒമര്‍ ലുലുവിന്റെ വാക്കുകള്‍, ഏറ്റെടുത്ത് മോഹന്‍ലാല്‍ ആരാധകര്‍

നിരവധി ആരാധകരുള്ള സംവിധായകനാണ് ഒമര്‍ ലുലു. ഒമര്‍ സംവിധാനം ചെയ്യുന്ന പുതിയ ചിത്രം നല്ല സമയം റിലീസിന് ഒരുങ്ങുകയാണ്. ഇതിനിടയില്‍ മോഹന്‍ലാലിനെ കുറിച്ച് സംവിധായകന്‍ പറഞ്ഞ കാര്യങ്ങളാണ് സോഷ്യല്‍ മീഡിയയില്‍ ശ്രദ്ധ നേടുന്നത്.തൊണ്ണൂറുകളിലെ ലാലേട്ടനെ പോലോരു നടന്‍ വേറെയാരുമില്ല എന്നാണ് ഒമര്‍ പറയുന്നത്.

നല്ല സമയം സിനിമയുടെ പ്രമോഷന്റെ ഭാഗമായി സംസാരിക്കുമ്പോഴായിരുന്നു ഒമറിന്റെ വാക്കുകള്‍.തൊണ്ണൂറുകളിലെ ലാലേട്ടനെ പോലോരു നടന്‍ വേറെയാരുമില്ല. ഇനി അതുപോലൊരു നടന്‍ ഉണ്ടാകുമോ ഇല്ലയോയെന്ന് പറയാന്‍ പറ്റില്ല. നാളത്തെ കാര്യമൊന്നും പറയാന്‍ പറ്റില്ല. ഇപ്പോഴുള്ള യുവനടന്മാരില്‍ ആരും മോഹന്‍ലാലിനെപ്പോലെയില്ല.

പൃഥ്വിരാജൊക്കെ വന്നിട്ട് കുറെ നാളുകളായില്ലേ?. ഇന്ദ്രജിത്ത്, ആസിഫ് അവരെ കുറിച്ചൊന്നും അങ്ങനെ തോന്നുന്നില്ല. ലാലേട്ടന്‍ 25 വയസിലാണ് രാജാവിന്റെ മകന്‍ ചെയ്തത് എന്നാണ് ഒമര്‍ പറഞ്ഞത്. രാജാവിന്റെ മകന്‍ ആകെ ഷൂട്ട് ചെയ്തത് 16 ദിവസമാണ്. അതില്‍ ലാലേട്ടന്‍ അഭിനയിച്ചത് ഒമ്പത് ദിവസമാണ് എന്നും ഒമര്‍ പറഞ്ഞു.

മോഹന്‍ലാലിനെ വച്ച് സിനിമ ചെയ്യണമെന്നാണ് തന്റെ ആഗ്രഹമെന്നും ഒമര്‍ പറഞ്ഞു. തുടക്കകാലത്ത് മമ്മൂട്ടിയെ വെച്ച് സിനിമ ചെയ്യണമെന്നായിരുന്നു ആഗ്രഹം. ഇപ്പോള്‍ അത് മാറി.

മോഹന്‍ലാലിനെ വെച്ച് സിനിമ ചെയ്യണമെന്നാണ് ഇപ്പോള്‍ ആഗ്രഹം എന്നാണ് ഒമര്‍ പറഞ്ഞത്. ഞാന്‍ ചെറുപ്പത്തില്‍ ഏറ്റവും കൂടുതല്‍ കണ്ട സിനിമ ഇരുപതാം നൂറ്റാണ്ടാണ്. അന്ന് ഇരുപതാം നൂറ്റാണ്ട്, നാടോടിക്കാറ്റ്, ഇന്‍ ഹരിഹര്‍ നഗര്‍ എന്നിവയായിരുന്നു കണ്ടത് എന്നും ഒമര്‍ പറഞ്ഞു.

അതേസമയം മോഹന്‍ലാലിനെ കുറിച്ചുള്ള ഒമറിന്റെ വാക്കുകള്‍ മോഹന്‍ലാല്‍ ആരാധകര്‍ ഏറ്റെടുത്തു കഴിഞ്ഞു. 25 വയസ്സില്‍ ലാലേട്ടന്‍ കാണിച്ച മാസ് ഒന്നും 30 വയസ്സില്‍ ഇവിടുത്തെ ഒരു യൂത്തനും കാണിച്ചിട്ടില്ല എന്നാണ് മോഹന്‍ലാല്‍ ആരാധകര്‍ പറയുന്നത്.